Са киц1ер я
- ПитI, къе вуна школада вуч авуна?
- Са затIни.
- Бес муаллимди заз вучиз эвернавайди я?
- Гьа …ан. РикIел хтана. Ада завай хабар кьуна кьведал пуд эцигайла шумуд жеда лагьана. За «вад» лагьана. Ахпа мад хабар кьазва: пудал кьвед эцигайтIа шумуд жеда лугьуз.
- Абур са кицIер тушни?
- Зани гьа гьакI жаваб гайиди я.
Африка
- Ваз чиз чи хуьр гьина ава, буба? – хабар кьазва ПитIа.
- Дагъустанда.
- Авач. Африкада ава.
- ?
- Къе чи муаллимди лугьузвай хьи, Африкадин хуьрера я яд, я эквер, я телефон, я радио, я рехъ авач. ГьакI хьайила чи хуьр алай чкани Африка я.
КIани муаллим
- Ваз виридалай гьи муаллим кIанда, ПитI? – хабар кьазва бубади.
- Бубаш муаллим.
- Вучиз?
- Ада чаз тарс гузвай амалар ийиз газетар кIелда, чна тарс кIелзавай амалар ийиз суьреда киши – киши къугъвада.
ЗатIни тийижир муаллим
- Зун мад Малвар муаллимдин гъилик хъфизвач, адаз затIни чидайди туш, – арза ийизва ПIитIа.
- Ваз гьикI чида? – тажуб жезва буба.
- Гьамиша чавай хабарар кьазвайди я: кьведра кьвед шумуд жеда, пудал пуд эцигайла шумуд жеда. Али – тIвар гьикI кхьида , лугьуз.
«Спортдин» хабарар
Яргъал мензилриз катун. Кьасумхуьрелай Мурманскдиз кьван катай Къучиев Къучи Владивостокдай жагъана. Адавай сифте интервью къачур силисчи Къачабегова малумарайвал, ихьтин акъажунра «спортсменди» пуд лагьай сеферда ишти-ракзава. Пудрани алиментрикай катай ам гила ц1ийи акъа-жунриз гьазур жезва.
Свидетельство о публикации №216020802226