тут на кухні з сяброўкай маёй
абмяркоўвалі вершы разанава
і гарбату бясконца пілі
тут шыкоўнае месца
тут я партызаніла
тут вучылі нас шведскай і фінскай
мы зубрылі складаныя правілы
сярод верхняга горада сцен
тут сур’ёзнае месца
тут я партызаніла
тут стаўкірха была старажытная
прыгажосцю амаль што раніла
збуданая з дрэва стагоддзяў
тут сакральнае месца
тут я партызаніла
тут вучыліся метка страляць
і я першае месца заняла
гартаваліся ўсе як маглі
тут славутае месца
тут я партызаніла
тут мяне мой пракляў арганізм
бо я суткі дрыжэла пад залевай
у засадзе з вінтоўкай адна
тут бядовае месца
тут я партызаніла
тут я бачыла духаў лясоў
і над вёскамі сполахі зарава:
то паўночнае ззяне гарэла
тут чароўнае месца
тут я партызаніла
аповед янкi-партызанкi
© Copyright: Янина Пинчук, 2016
Свидетельство о публикации №216042801016
Свидетельство о публикации №216042801016
Рецензии