Твая праблема ў тым,
Што нібыта “чым горш, тым лепш”,
Ў экстазе ў касцёр кідаеш –
Кнігі чужыя, ўласны верш,
Пачуваешся вельмі значным,
Захапленне бяжыць ракой –
Толькі, ой, памылачка выйшла,
Бо касцёр гэты, уласна, мой...
Я гатовы рупліва правіць,
Ты гатовы наводліў біць,
Я згадзіўся на невядомасць,
А цябе трэба – ацаніць,
Наліваеш партвейн, каньяк,
Я – нарзан і чай з малаком...
Табе падабаецца Бродскі,
Ну, а мне – генерал Бабкоў.
Твая праблема
© Copyright: Янина Пинчук, 2016
Свидетельство о публикации №216062900412
Свидетельство о публикации №216062900412
Рецензии
