Сунам хьо ца гина, лаарх ган нана,
Амал а ца евза, муха ю и!?
Х1етте а, б1аьргаша яздо хьан амат,
Цул хаза дуьненчохь х1ума дац кхин.
Хьан аз а ца хезна, сатийсарх хийла,
Са де1ар сацийна, ладег1арх тийна.
Зов деъча сан лере, хьан озах ийна,
Цул мерза дацар-кха х1ума сан сина.
Ца карий хьан куьйгин ховхалла суна,
Хьо лоьхуш, кхин наной къийларах мара.
Г1енаха хьо еъча, сатийсам хилла,
Ма бовха кхаъ бар-кха, сан дагчохь 1илла.
Дахарехь со хьегна, ца евза нана,
Дог хьаста, хьехар дан ас ехнарг хийла.
Ма ч1ог1а еза хьо, декъазчу сина,
Йолахьа, йовхо луш, малх кхеттача денна!
ца евза нана
© Copyright: Айза Резванова, 2016
Свидетельство о публикации №216090800130
Свидетельство о публикации №216090800130
Рецензии
Йист а ца хуьлуш, цхьана охьа а хиина 1ийра яра со хьоьца, НАНА а хьехош...
Айза Барзанукаева 10.10.2016 00:37 • Заявить о нарушении
Айза Барзанукаева 10.10.2016 00:37 • Заявить о нарушении