Къагалахь дашо малх, хьо серла балий,
Хьасталахь нохчийн чоь, йовхо луш хьайн...
З1аьнарийн куьг хьокхуш, дасталахь латта,
Денделахь бецан хелг, ахь рицкъа лой.
Халонна, харцонна ца та1ош корта,
Ницкъ лолахь лардан тхайн Даймехкан сий.
Тхо бахьнехь юьхь 1аьржа ма делахь лахьта,
Лай хилла ца баьхна тхан оьзда дай!
Самукъне аьзнашца шовданаш декош,
Зезагех кхелина, аренаш лепош.
Бахалахь тхан Даймохк, хьанал къа дебош,
Ирсан мукъ даима хьайн буйнахь сецош!
Бахалахь тхан Даймохк
© Copyright: Айза Резванова, 2016
Свидетельство о публикации №216090800133
Свидетельство о публикации №216090800133
Рецензии