Твой пагляд з-за шкла акуляраў
Не суровы зусім – лірычны...
Як люблю я кранаць твае шчокі,
Любавацца тваім абліччам!..
Твае вочы блакітам вабяць,
Быццам зорачкі незабудак,
Твае пульхныя гожыя вусны
Сёння вечарам песціць буду...
Твая мяккая паўната
Прыціскацца бясконца кліча:
Як хацела цябе абдымаць,
Тых імгненняў ніхто не злічыць!..
Твае белыя ладныя рукі
Пацалую, нібы паненцы,
І блакітнасць пяшчотных вен
Я прыцісну затым да сэрца...
Не ускідвай ў здзіўленні бровы
І не хмурся з гэтай прычыны -
Ну і што, што ты "мужны чэкіст"?
Будзь сягоння маёй дзяўчынай!
Будзь маёй дзяучынай
© Copyright: Янина Пинчук, 2016
Свидетельство о публикации №216092102283
Свидетельство о публикации №216092102283
Рецензии
