Иблисин тягьна

                ИБЛИСДИН ТЯГЬНА
      
       – Абульфаз, яв машназ фици гъабшиган нач шулив?! –  к1ури Маллагьяжи рюгьникк ккайирик ктукьуз хъюгъю.
…
       – Гьаз нач шулухъа йиз машназ?
       – Хъа гьаз даршулхъа? Рякъюрадайвуз гьамрар филадихъанмина ригьникк ккайадар вуш?!
       – Рякъюразуз, Маллагьяжи, ва узура дурариин мюгьтал духьназа, фукьан аьхълушин аьгь ап1рудар вук1ан к1ури, магьа узу кьюб–шубубан ич хулаз душну гъафунза.
       – Гьаци вуйиган, дураризра хулаз гьаз гъач к1урадарва? Гъунши вува!
       – Узу гьаз гъач к1урухъа? Аьхъюди вуш, чпин хулаз гъарахри. Мушвакк шли, гъач1ир ч1иви ап1урачва?!
       – Яв машназ фици гъабшиган нач шулив?
       – Хъа яв маш фтикан гъап1уб вуяв?! Саб гъапиб, увуз фу ихтияр авуз узуз гьациб тягьна йивуз, кьюб гъапиб, Ахмакь дарваки гьамциб саягъниинди рюгьникк гъузуз. Душну ичв хулаз дип1ну–дубхъну гъач гьадмукьан ккундуш, хъа яв, гьич саризра мяаьш ктру "алиф-ба" убхара.
       – Хъа аьйиб к1урубдикан гьап1арва? Думу к1арчар алди гъюруб дар гьа!
       – Уву аьйибнан ляхин ап1урадарваки: магьа гьамрар уч дап1ну увухъди хъади гъарах, варидари чухсагъул пидивуз, хъа узуз: гъуншира вуди ***н бали чей убгъузкьан гъурхундайда, пиди.
       – Ккебехъ, ккебехъ, Абульфаз! Му йиз мелзниин к1ару руг алибшри! Узуз фу пуз ккун гъабхьунвуз йипа, сабан жвуву жвувкан фикир дарап1ди...
       Магьа иблисдин тягьнайин манзил!