Гьюжаткрар

ГЬЮЖАТКРАР

ГьапІруш дарш авру духьнайи Аьлдинна Велдин гьюжатар ахьру:
АЬЛИ: ВаритІан лизиб фу ву?
ВЕЛИ: Йиф.
АЬЛИ: ВаритІан чруб фу ву?
ВЕЛИ: МаркІ.
АЬЛИ: ЧІимир фициб ву?
ВЕЛИ: Дишуб.
АЬЛИ: Ар дар. – Декку!
ВЕЛИ: Ибшри сарун! ВаритІан уьруб фу ву?
АЬЛИ: Ифи.
ВЕЛИ: ВаритІан гъатхуб фу ву?
АЬЛИ: Зард.
ВЕЛИ: Баб шлинур ву?
АЬЛИ: Хтулин.
ВЕЛИ: Ар дар. – Швушван!
АЬЛИ: Хъа вадар. - Ганан! Гьамус узу: варитІан кІаруб фу ву?
ВЕЛИ: Шюкь.
АЬЛИ: ВаритІан дуркьиб фу ву?
ВЕЛИ: Мишмиш.
АЬЛИ: ВаритІан ккуруб фу ву.
ВЕЛИ: ЧІар.
АЬЛИ: Бежегьет вушул. – Ливлив!
ВЕЛИ: Дици вуш яваш. ВаритІан укІуб фу ву?
АЬЛИ: Лякь.
ВЕЛИ: ВаритІан чІилиб фу ву?
АЬЛИ: ГанчІ.
ВЕЛИ: ВаритІан ягълиб фу ву?
АЬЛИ: Къалгъин гьар.
ВЕЛИ: Вадар. – Дюрдюр!
АЬЛИ: Гьамус йиз суалар: варитІан меълиб фу ву?
ВЕЛИ: Мер!
АЬЛИ: ВаритІан кьутІкьлиб фу ву?
ВЕЛИ: Агъу!
АЬЛИ: ЦІа фтин ву?
ВЕЛИ: Фтин шул, чан убгрубдин!
АЬЛИ: Думгьа увуз аьгъюб! Кьюркълин!
ВЕЛИ: Гьай-гьа-рай! Гьамус лигарзавуз увхьан гьич сабкьан хътипуз шулуш! Гьан, хъебехъ: ибар алиб фу ву?
АЬЛИ: Хъа дажи!
ВЕЛИ: Ари гьадму уву вува!
Ва, дурар чиб-чпик цІигьарси кархьу...