Рябкъюри дярябкърур

РЯБКЪЮРИ ДЯРЯБКЪРУР

       – Ая-я, ая-я, ая-я-я!..
       – ГьапІну, Амос? - Чуччу чан чве рихшанд апІурайиси гьясбикк ккау.
       – Рякъюн сппарихъ мурклар гъивниз, ичв рякъюн эйвал гъаз апІдарчва! Халачиз гъивуб ликариккинди гатІабхь!!! Му фу гъабхьи, рябатсуз ***ир!
       – ЧІяаьн ибшри, Амос, чйирикди ктукьуб. Уву дадайиз, чйири халачи убхурамиди, ганцар кайи ицци цІиквар апІуз кюмек апІидива.
       – Хъа узу дарсар фила урхуру?
       – Гъи выходной йигъ ву, - сес гъабши.
       – Вуш гьапІну? Закуриндар дургъурза!
       – Ляхин дарапІрури дарсара дурухур, - гъапи дадайира. – Жаргъ гьеле, йиз бай, куриж абхъин укІар урччвуз, гъюрури хюлар айи турбара кІваълан магьархан.
       – Дурар наан аяв?
       – Ихь чІуру хулаъ.
       – Гьамус гьадина гъярайин, - Амос, дипну хиларигъ гъяйи отверткана йирси „Альпенист“, маш диппну, ликтІин гъахьи ва саб-кьюб лик алдагъайизра сабансана „ая-я, ая-я-я!“ апІури ишуб тадабхъу.
       – Фу гъабхьну, улар адруб, уву ликар наанди дивруш лигури апІин! - гъапи кьарар дарфи дадайи.
       – Фйир ву мурар! Арда цIиквар апІрурин багагь гьамустІанра хифар шулин! - гъапи рягъ йивурайи бицІи чуччуз.
       – Хифарихъ лик кабсну кІури иццру апІурин! Чаз бирмшар апІурайиган, дарапІуз, кьасутІанди апІурайи тІулар!!! - рягъ йивну ккудубкІу тмуну чуччу гъардшик гьамцидарихъинди кюрхю.
      – Хифрахъ лик хъабсну кІури кІурайин узу?! Гьеле узу увуз лигуза гьаму йизси хиф ликриккан ккибиргъну мурклар ккахьиган диришди уву фици аьгь апІуруш. Адашди хъжагъну кІури апІури „пІи-и“ ашулдуваки! Гьаму ичв рягъюхъ гъиву мурклар хьузра вуйиз гьа!
      – Вуш иш!
      – Ишурза-а-а!..

      Саб арайиланси Амосдин, чІуру хлуан ишбан гьарай утІубччву.
      КинцІар ктаурайи дада гьяракат дапIну гъедергу ва балин гьарайнахъ гъажаргъу.
      – Фу гьарай вуяв! ШейтІнари чІюркьюрадарва гьа! ГьапІунвуз?
      – ГьапІнушулхъа, гъаму ихь ган эбццуз ккирху кьяни телер, гьаму хюлар айи турбайин гъвалахь ккумракк ккирхундайиш гьапІрийи?! Саб кІакІ али тел хъабсну, гарцIликан кцIахниз!!!
      – Вай-гьа-рай! Узу фу гъабхьну кІураза гьа! Гьамус ичв адашдикансана бала гъадабгъуз имийив! Хъа узу уву гьамусдихъатина бирмишариккан азад апІурин, хъпехъуз даккни багьначи! Мугъаз ицци дубхьнайи гьа, халачи рибшайиз вари шубари апІури. Иш яв гьамус бегьемди! – гъапи дадайиз чан Амос балин тІулар бегелмиш духьнадайи.
      Дугъ’ин мицдар гьаз улуркьуйкIан яраб!