Рази вуза, вушра

                РАЗИ ВУЗА, ВУШРА…
               
                1
       – Душну пичракк ккивуз гакІвлар акъин, дарш гъуржу картшарикан каударзавуз.
       – Хъа макаан!
       – Каударза! Я дая, гьамгъаз акъин йипа.
       – Узу батаникайин шикил капІраза...

                2
       – Картшарин ниъ абхъна.
       – Баладар! Узу увуз гьацира сабкьан туврадарза. Набши маша!..
       – Я бай эй, гьадрар бархлиинди маккадахьан, гъаб ккив.
       – Макатан йиз картшарик! Уву гакІвлар акъин кІури гъахундара.
       – Ча йиз минди! Дург гьамлан, хъушв!
       – Хъа уву – Пушв!
       – Я бай, я Арам, тув чан, балин!
       – Тувдарза! Думу узухъ хъпехъундайи!
       – Дици вуш, ма яв мурар кьяляхъ!
       – Ма, адаш, увуз шубуб картуш.
       – Ккундарзуз
       – Ма, бажи, увуз.
       – Узузра ккундарзуз.
       – Баладар, узу йиз итІарза.
       Вари Арамдихьан гьидицнийи ва хъасин дидкан асар гъабхьир ишуш хъюгъю.
       – Я Арам, гьаз ишурава?
       – Узура, фун абцІбалан кьяляхъ, швумал гъагьунза гьаз картшар сарна-сарди гъитІнукІан кІури!
       – Дициб ягь увуъ аш, йиз бай, узу увкан рази вуза. Лиг, ихь Агъайира Чан ужувларикан, хъпехъруризси хъпебехъруризра каъра. Хъа ухьу гьарди ихь ухькан гьаму увуси фикир дапІну ккунду. Чухсагъул, йиз Арам! Хъа вушра, гашди амиди уву фикир гъапІнийиш, яв мас адайи! – Адашди бай за гъапІу.