Гъифитар

                ГЪИФИТАР

       Мялимди Исана Муса доскайихьна адауру ва гьерхру:
       – Увуз, Иса, узу Муминут бабаз шид хуз кюмек апІинай кІури фила дарс кивну?
       – Дициб дарс кивундар, мялим.

       Хъасин Мусайихьинди илдицу гьерхру:
       – Увуз, Муса, Муминат бабаз шид хуз кюмек апІинай кІури фила дарс кивну.
       – Дициб дарс кивундар, мялим.
       Мялимди гьерхуб давам апІуру:
       – Исайи, Муса, Муминат бабаз шид гьаз хуру?
       Мусайи дишлади жаваб туву:
       – Чаз гъифитар тувруган.
       Хъа Исайихьан гьерхру:
       – Мусайи, Иса, Муминат бабаз шид гьаз хурдар?
       Исайи саб нач-гучІ ктарди гъапи:
       – Дициб суалназ чан-чав жаваб туври. Узуз гьаз аьгъя дугъу фу фикир апІури хурдарш?
       – Гьаз хурадарва, Муса?
       – Узуз ккунибкьан гъифитар ич адашди туврузуз.
       Мялимди, Исайихьинди илдицну гьерхру:
       – Уву, Иса, гъифитарихъди кюмек апІурайва?
       – АпІурадарза. Ич адашдира узуз, гьар кюмек апІрубкьан гъифитар тури шулзуз, хъа узу дурарикан Муминат бабазра каъри шулза.
       Учв мялимдин улихь хьайиб кІаълан гьархну, Мусайи гъапи:
       – Кьискьис! Узу ча гъапну кІури саб гъифит тувундайи, хъа саб ашдикна кьил даруриз тувру!
       Мялим мюгьтал гъаши, хъа классдаъ айидар гъяаьлхъю ва дубхьнайи гьядисайин анализ апIуз хъюгъю.