Сулна ц1урц1ул

                СУЛНА Ц1УРЦ1УЛ
                (Махъв)

       Гъабхьну-гъабхьундар сул.
       Сул ву сарун.
       Хиял ап1ин му ву сугъккарин Султан.
       Айиб гук1унди дигиш’валарихьан…

                ***

       Гъахьну-гъахьундар сар, хъайир гизаф пеэр-бадар.
       Мугъан вуйи гьамрариинди чан мадар.

                ***

       Сулак кубч1на хъял, гъафну к1ури Дирчв'ан чпин мягьялиз ц1урц1ул.
      
       Сул гъюр ц1урц1лихьна.
       Ап1балан кьяляхъ хуш-беш, хъюгъру дурар ап1ури шеш-беш…

       Сулу ап1уру фикир, ц1урц1лин гъябкъиган икир.
       «Мидхьан йибхь узуз хъушв… Мидин икриъ тарагъна гизаф зиквар… Мина гъяйизра аьгьвалат му мурдлин, гъабшиб ву наънан, уьбхюрадаршра я к1ирихъ, я мудур…»

                ***

       Йигъарикан сад йигъан ебхьуру сулаз сугъакк гьарай-фигъан…
       «Агьа, – гъапи чан-чакна сулу, – му ляхин аьгь ап1уру фукьан! Гьап1уз ккаш гьерхдиза йиз элугълийирихьан… Хъа узу ап1арза диван му гъурабайин… К1ван’ин ап1арза чаз чан руг абайин…»

                ***

       Ц1урц1линна Сулан вуйи девран, нубатнахъди йишван  бисури саб, хъюхъниз йивури т1уб, сикинди гъидритуб диван…
       – Ц1урц1ул, я ц1урц1ул, – ц1урц1ли ап1урайиган пуз гьай, сулу явашди, – ибшриву гурбагур… – к1ур…
       – Гьай, вай, гьай, вай…  вай-гьа-рай… агурайза интернетдиъ Митхун…
       – Гьайвучв ккахъривучв кьабарикк микьун… Шеъди ахъли чан ккуни балин сумчриз дап1назуз дих ярхла ч1урдиз, ахъли йиз нубатнаан уву гъарабх пеэр-бадаригъна… лиг узу магьаан к1ваълан…

                ***

       Гъюрахъди сумчриан гъюрайи сулаз ебхьуру сес сугъакк – далдабуна зурна…
       Хъубкьубси Ярагъна гьерхру сулу Сеферихьан: «...гьап1руб ву му сумчир…»
       – Сумчир дар думу, хъа аьхю шадвалин гьарай… маллайи дап1ну к1аж, аьхирки гъибисунча ап1урайиб ич пеэр-бадар пуч…
       …
       Хъа сулу к1уру гъюраз:
       – Ц1урц1лин "урхъаз" жан Гъюр, гъидихъундарзуз увут1ан лайикь кас… Дарагънайи зиквар, вуйибси икир, уч дап1ну гьязур ап1ин ахин, узу увухьна хялижвди гъюбси, ккипуз ужуб шлубси… Хъюхъниз гьамус йиврудар т1уб хьиди увуна узу… Эгер узу к1урубдилан улдуч1виш уву… увузра гъитдиза маллайихьди ккивуз рукьар… хъа узу ап1идиза увканра кьукьар… Увузра гъяркънийвуз ккуни балин сумчриъ Шеъран фицдар вуйиш узухъ хъайи дустар… Мягьямяд, Мягьямяд, Мягьямяд…