Лиг увуз, инсан, уву гьап1раш

ЛИГ УВУЗ, ИНСАН, УВУ ГЬАП1РАШ

Завар-жилар – инсан бадали.
Фукьан багьа кас дарин думу!
Жвуван багьавал дюрюбхру инсан,
лиг увуз,
фици гъабхьунвухьан
диндин лук1 духьну, дидиз икрам ап1уз!

Ригъар-вазар – инсан бадали.
Фукьан багьади дарин уву!
Шли уву багьа гъап1нуш, Дугъаз ап1урава агьна люкьян.
Лиг уву гьап1раш,
аьраблин гьялкьяйиъ ипну гардан,
дарап1ди ляхин, ап1урава гъудган.

Мал-девлет, аьлхъюб-ширинвал – вари увуз инсан.
Фукьан масанди вува уву Дугъаз!
Жвуван масанвал жвувсириз гужназ туври,
лиг увуз инсан,
инсан халкь Гъап1уриз туврава агъу.
Фикир ап1ин, гьап1дивуз дук1найи дугъу.


Аьршарайи Адашдиз рубкьруб
Дин дивуриз туврава!
Мистарна маллйир дап1ну
Рабби рихшанд ап1урава.
Лиг увуз, эй инсан!
Фици удубкьуравухьан Заанурин ляхнар дярякъди
диндиз хайир хру каламарихъан хъч1ихуз?!

Яв кам шула, диндин артухъ,
Манат увухъ диди харж гьаз ап1урадар?!
Хъа диди увуз гьарган ча к1ура!
Арццну улар лиг сарун,
Лихурайи уву касибди вува
Дилихрайи думу арбабди ву,
Гьаддиз дин шлиз кадабгънайиб ву?
Гъарах, дидиз ап1ин икрам,
Йигъан хьубан ва гьаммишан.
Гъарах садакьана закят тув дидиз
Дидиз адру женнет диди тувдизуз к1ури!

Адарин увуъ фикир маллайиъсибкьан
Жвуву жвуваз аьгъювалар гъададагъди
Гьадгъу к1уруб к1вак бисури дусуз?
Ккабхърайи гимийиан кьюлар фици гьергруш
Диндин гъуллугъчйирра, Иса  Месигь хъана жилиина гъафиган,   
Гьаци гьергди, тараканарси, чпин к1улиз чара ап1ури,
Хъа сарун кьан хьибди, кьан…
Ккилигури гъуз уву диндин кюмекназ, яв плар гъит1у,
Хъа узу жаргъидиза узу уьрхру йиз Рабби Исайихьна –
Инсан багьади ва масанди халкь гъап1у Заанурихьна.