Шатман
Къарыву ёкъ – зор умутну кебинде,
Эрте язда сююндюрме бар халкъны,
Шатман гюллер ярыкъ гюнге тебине…
Къагьрулу эртен тюшген къыравну,
Къаралтса да бюр олтургъан чечекни,
Гёзеллиги гёзге битген гюл бавну
Сукъландыргъан нече-нече юрекни.
Боран борап, къаркъарасын къажытгъан,
Узакъ ёлгъа салып уллу чиллени…
Табиатны юхусундан уятгъан,
Атирлиги башлап ачгъан гюллени.
Шатман йимик, дертге башын иймейген,
Безендирген гюл беземес тав-ташны,
Багъа буса, минг юлдузгъа тиймейген,
Сююв алып гелди талай язбашны.
Свидетельство о публикации №216121301626