Сен ёкъсан…
Анам, сен ёкъда
Айланам тамаша пашман:
Кир гийген топуракъ,
Тун болуп гюн, чиракъ,
Пашманлыкъ къажытгъан бир яшман…
Сен ёкъсан…
Этсек де не амал
Дюньянг тар, къабурунг генг болгъан…
Гьар сёзюнг, гьар хатынг,
Гьар алгъан абатынг
Жан анам, алтынгъа тенг болгъан!
Сен ёкъсан…
Сёзлеринг оьлмей тек,
Унутмай яшларынг гюл атынг:
Гюл йимик иржайып,
Гюн йимик нюр яйып,
Тёр тамдан къарагъан суратынг…
Сен ёкъсанг…
Сюймеймен инанма,
Къырлардан сюлдюрюнг излеймен,
Балгьам къолунг салып,
Къучангъынга алып,
«Балам», -- деп айтарынг гёзлеймен…
Сен ёкъсан…
Анам, сен ёкъсан!
Сен ёкъсан
© Copyright: Герейхан Аджиев, 2016
Свидетельство о публикации №216121301633
Свидетельство о публикации №216121301633
Рецензии