Бал аякълар гётерме,
Язбаш ярата бир шарт:
Аналыкъгъа сый берме,
Етип гелди 8 Март!
Гьислер тебине аршгъа,
Бугюн бизге къайгъы ят,
Сююнч алып гьар яшгъа
Етип гелди 8 Март!
Гюн де аршдан иржая,
Ойлар ярыкъ, юрек шат…
Айланагъа нюр яя,
Етип гелди 8 Март!
Алгъышлар кёп, яшлыкъдан
Къувнагъыз сиз, болмай къарт!
Табиатны уятгъан
Етип гелди 8 Март!
Юреклер кюрлю болсун,
Оьтсюн гьар гюнюгюз шат!
Ожакълар яшдан толсун –
Етип гелди 8 Март!
Къолумда гюл байламым,
Юрегиме талчыкъ ят…
Аналаны байрамы –
Етип гелди 8 Март!
8 Март
© Copyright: Герейхан Аджиев, 2016
Свидетельство о публикации №216121301647
Свидетельство о публикации №216121301647
Рецензии