Магьаммат Нурбагъандов –
Дарги халкъны уланы,
Сайламадынг оьзюнге
Енгил, осал ёлланы.
Къызыл юлдуз тёшюнгде,
Ойлу, пашман гёзлеринг…
Халкъынга уьлгю болду
Ахырынчы сёзлеринг.
Кюкайланы къолундан
Оьлюп гетип эр улан,
Серкъокъала бойланы
Басды чарслыкъ ва туман.
Антынга амин болуп,
Акъды ерге ал къанынг ---
Сени къоччакълыгъынга
Баш ийди зор Ватанынг…
Етим къалды авлетлер,
Аналар – ярты ярым…
Ажжалдан уьстюн чыкъды
«Ишлегиз, агъаларым!».
«Ишлегиз, агъаларым!»
Бизге приказдай болуп,
Ишлежекбиз агъалар
Юрек оьчлюкден толуп…
Гюз гелди, къыш, яз гелер
Безеп юрт ягъаларын…
Сенден бизге васият:
«Ишлегиз, агъаларым!»
Сентябрь 2016 йыл
Ишлегиз, агъаларым!
© Copyright: Герейхан Аджиев, 2016
Свидетельство о публикации №216121301653
Свидетельство о публикации №216121301653
Рецензии
Рецензий нет. Язык не совсем понятен. То есть - совсем не понятен. А на русском -пишите без вмятин! Тати
Тати Марина 30.11.2018 20:13 • Заявить о нарушении
Тати Марина 30.11.2018 20:13 • Заявить о нарушении