Фермерни синдириш бундай булади! фельетон 2кисм

(Фелъетон II кисм)

    Уша куни давлатимиз рахбари Шавкат Миромонович фермерларга тегишли бир масалани гапираётиб, «биласизларми, мен бу сатрларни юрагим эзилиб» ёздим дедилар.
Ушбу фелъетон хам мен учун шундай булди. Чунки, илгор фермер юз фоиз хак.
                Муаллифдан

     Яккабог туманида 2010-2015 йилларда узумзорнинг интизомсиз пудратчилари ва фермер уртасидаги зиддият гох фукаролик судида, гох хужалик судида курилди ва деярли барча процессларда, фермер хужалиги умумий режаси бажарилишига тускинлик килиб, махсулот топширмай уни уз эхтиёжига ишлатган, интизомсиз пудратчиларнинг айби исботланиб, фермер хужалиги кули баланд келди.
     2013-2014-2015 йилларда бу фермер давлат олдидаги барча режаларни бажарди. Банкка 54 миллион сум накд пул топширди.
     Аммо, шунча машмашалардан кейин хам интизомсиз фермерлар «Лолазор замини» фермер хужалигининг ерини кандай тортиб олишни уйлардилар.
Тусатдан шундай фурсат етиб келди. Яккабог туман хокими Нишон туманига хоким булиб утди ва унинг урнига вактинча хокимлик вазифасини бажариш туман хокими уринбосари У.Абдурахмонов булди.
    2016 йил 14 май кунида Яккабог туман хокими вазифасини бажарувчи У.Абдурахмонов фермер хужалиги хисобчиси Ш.Бердиевни чакириб «Вазирлар Махкамасининг мажлис баёнига кура узумзорлар 5 гектардан ошиши мумкин эмас, сизларда 9 гектар узумзор бор экан. Узумзорнинг 4 гектарини давлат захирасига топширсанглар, узларингни вакилларингга кайта расмийлаштириб берамиз. Шу хакда ариза беринглар» дейди.
        Лекин, Вазирлар Махкамасининг Мажлис баёнида бу гап интизомсиз фермерларга тегишли эканлигини, режаларини бажариб келаётган илгор фермерларга 10 гектаргача бог колдириш мумкинлиги айтилганлигини билдирмайди. 
       Фермер хужалиги хисобчиси Ш.Бердиев, гарчи ваколати булмаса-да (уша куни бошлик дори кидириб бошка туманга кетган булади) 4,0 гектар ерни туман захирасига кайтариб, уни яна уз ишчи ходимларига кайтариш шарти билан, аризага алохида фикр билдириб, унда «Лолазор замини» фермер хужалиги Узбекистон Республикаси Президентининг 2009 йил  22 октябрдаги “Фермер хужаликлари ихтиёридаги ер майдонларини макбуллаштириш чора-тадбирлари тугрисида” Ф-3287 сонли фармойиши эълон килингандан кейин мамлакатимизда  макбуллаштириш жараёнига асосан Яккабог туман хокимининг 2009 йил 31 декабрь Х-1921/ 12-сонли карорингиз кабул килинганлигини ва тумандаги «Козок» махалла фукаролар  йигини худудида фаолият курсатаётган «Лолазор замини» фермер хужалиги  бошлиги Бердиев Бобурнинг фермер хужалигига туман хокимлиги захира ери хисобидан 9,0 гектар токзор ер майдони ажратилиш эвазига ташкил этилганлигини, 2013-2014-2015-йиллар мобайнида фермер хужалигимиз уз олдига куйган шартномавий режаларини бажариб, банкка жами 54 миллион сум накд пул топширганлигини, соликлар ва мажбурий туловлардан булган бокимандалар тулик копланганлигини, фермер хужалигимиз Яккабог туманидаги богдорчилик буйича рентабелли, илгор хужаликлардан бири хисобланишини, фермер хужалигимизга тегишли 9 гектар богнинг 2015 йилги кузги-кишки мавсум ишлари тулик бажарилганлиги, узумлар кумилиб, тегишли угитлар ерга солиниб шудгорланганлигини, бегона утлардан икки марта тозаланиб, 2016 йил март охиридан бошлаб, токзор очилганлигини ва икки марта техник ишлов берилганлигини, хозирги кунда богнинг хосилини териш иши колганлигини, фермер хужалигимиз 2016 йил 31 декабрига кадар Яккабог туман «Истикбол» дехкон бозорига 36 тонна (хар гектаридан 4 тоннадан) узум етиштириб сотиш хакида шартнома тузганлигини, олинган накд пул банкка топширилишимиз кераклигини, утган йил кишда ва бу йилги бахорда килинган ишлар учун олтита оила ишлаганлиги ва уларга ойлик маош хам узумнинг хосили етилгач берилиши шарти билан мехнат  килганлигини жами килинган харажатларимиз ва олиниши мулжалланаётган даромадимиз бу йилда 45 миллион сумни ташкил этиб, хар гектар ер учун 5.000.000 сумдан тугри келишини, Яккабог туман бозорига махсулот етказиб бериш хакидаги, банкка накд пул топшириш хакидаги амаллар бажарилмай колса етказилган моддий ва маънавий зиён келиб чикиши мумкинлигини инобатга олиб, узумзор ер кайта расмийлаштириладиган булса уни  шу фермер хужалигимизда ишлаб, богнинг барча ишларини амалга ошириб келаётган – Шариф Бердиев, Юсуф Зокиров, Суюн Чориев, Бердиев Ориф, Дилрабо Товашевалар номига расмийлаштириб берилса, фермер хужалиги давлат олдидаги 2016 йил 31 декабрга кадар тузилган шартномаларни  бажаришга кафолат беришини билдиради.   
Аммо, туман хокимлиги алохида фикрга жавоб бермасдан, «Лолазор замини» фермер хужалигининг ерларини унда ишловчи ходимларга расмийлаштирмасдан, орадан бир ой икки кун утгач эса туман хокими вазифасини бажарувчи У.Абдурахимов номидан (бу пайтда туманга янги хоким тайинланганди) 4,0 гектар узумзор туман захирасига кайтарилиши хакида  туман хокимининг 2016 йил 30 май Х-2225/05-сонли Карорини туман ер ресурслари ва давлат кадастри булими ходими З.Йулдошев кулма-кул топширади.
      Карорда факатгина хосили териши колган узумзор фермер хужалиги ишчи-ходимлари – Шариф Бердиев, Юсуф Зокиров, Суюн Чориев, Бердиев Ориф, Дилрабо Товашеваларга кайта расмийлаштириб берилиши хакида хеч кандай фикр йук.  Бу «Лолазор замини» фермер хужалигига Яккабог тумани Хокимияти томонидан берилган биринчи зарба эди.
Уша куниёк «Лолазор замини» фермер хужалиги Яккабог туман хокими вазифасини бажарувчи У.Абдурахмоновнинг 2016 йил 30 май Х-2225/05-сонли Карори ноконуний булганлиги туфайли уни хакикий эмас деб топиш хакида Кашкадарё вилоят Хужалик судига даъво аризаси топширади.
Даъво аризаси иш юритувга кабул килинган бир пайтда хосили энди пишаётган 4 гектар узумзор эски пудратчиларга 2016 йил 30 майда бериб юборилганлиги (28 июнда) маълум булади.
     Аникланишича, Яккабог туман хокими в.б. У. Абдурахмоновнинг имзоси билан  2016 йил 30-май Х-2119/05 – сонли Карорига кура ташкил этилган «Sattorov Javohir Saydullaevich» номли фермер хужалиги, Яккабог туман хокимининг 2016 йил 30-май Х-2137/05 –сонли Карорига кура ташкил этилган «Qarshiyev Ozodbek Musurmonovich» номли фермер хужалиги; Яккабог туман хокимининг 2016 йил 30-май Х-2138/05 –сонли Карорига кура ташкил этилган «Normurodov Akobir G’ofurovich» номли фермер хужалиги; Яккабог туман хокимининг 2016 йил 30-май Х-2139/05 –сонли Карорига кура ташкил этилган «Elbek Tolibovich bog’i» номли фермер хужаликларига «Лолазор замини» фермер хужалиги худуди 381-контуридаги 4 гектар 30 май куни тендер асосида булиб берилган эмиш. Бу Яккабог тумани Хокимияти томонидан «Лолазор замини» фермер хужалигига берилган иккинчи зарба эди.
     Бу фермер хужаликларининг раислари бир вактлар интизомсизлиги ва олинган хосилни уз манфаати йулида ишлатиб юборганлиги учун «Лолазор замини» фермер хужалиги аъзолигидан чикарилган шахслар хисобланади.
     Аммо, хеч кандай тендер утказилгани йук! «Лолазор замини» фермер хужалиги Кашкадарё вилоят Хокимлигига хам хак-хукуки поймол булаётганини, ундан мажбурий тартибда ариза ёзиб беришни талаб килишаётганини ёзганди.
     Вилоят Хокимлиги вакили аризани урганиш буйича 2016 йил 31 май кунида келди ва «Лолазор замини» фермер хужалиги бош хисобчисидан алдов йули билан ерни топшириш хакидаги ариза ваколатли шахс томонидан имзо чекилмаганлиги сабабли хакикий эмаслигини англаб, бош хисобчига фермернинг узи имзо куйган аризани олиб келишни талаб килганди.
              «Лолазор замини» фермер хужалиги эртаси куниёк янгитдан маълум булган туртта карорни хакикий эмас деб топиш хакида олдинги даъвога кушимча равишда Кашкадарё вилоят Хужалик судига даъво киритди.
           Яккабог туман хокимининг 2016 йил 30-майдаги карорлари тартиб ракамига эътибор беринг:
1. 2016 йил 30-май Х-2119/05 – сонли Карор «Sattorov Javohir Saydullaevich» номли фермер хужалиги хакида;
2. 2016 йил 30-май Х-2137/05 –сонли Карори «Qarshiyev Ozodbek Musurmonovich» номли фермер хужалиги хакида;
3. 2016 йил 30-май Х-2138/05 –сонли Карори «Normurodov Akobir G’ofurovich» номли фермер хужалиги хакида;
4. Яккабог туман хокимининг 2016 йил 30-май Х-2139/05 –сонли Карори «Elbek Tolibovich bog’i» номли фермер хужалиги хакида
Эътибор беряпсизми 30 май куни утказилган тендер асосида берилган биринчи карор 2119 кейингиси 2137 – ракам орада 18 ракам колиб кетяпти.
Бу Яккабог тумани Хокимияти томонидан «Лолазор замини» фермер хужалигига берилган учинчи зарба эди.
     Бу хеч нарса эмас, янада кизик холат бор. Яккабог туман хокимлиги «Лолазор замини» фермер хужалигидан ерни захирага кайтариш хакидаги карорни Х-2205/05 раками остида руйхатга оляпти. Яъни, 4 гектар узумзор хали захирага кайтарилмаган ер учун бериляпти!!!
     Афсуски, хокимиятнинг ва Хужалик судларининг бечора тадбиркор, интизомли фермерга зарба бериши бу билан тугагани йук!
    «Лолазор замини» фермер хужалиги кушимча даъво киритишидан бир кун олдин      Яккабог тумани Халк депутатлари Яккабог туман Кенгаши ва туман хокимлигининг нашри хисобланмиш Яккабог овози газетасининг 2016 йил 27 июнь 18 (7626) – сони 7-бетида шундай эълон чоп этди:   
               
                ТЕНДЕРГА     МАРХАМАТ

      Яккабог туман ер участкаларини бериш (реализация килиш) масалаларини куриб чикувчи (тендер) танлов комиссияси томонидан «Фермер хужалиги ташкил этиш» ва фермер хужаликларига кушиб бериш учун «танлов»га куйидаги худудлардан ер майдонлари куйилмокда:
1. «Козок» МФЙ Ж.Михлиев массиви худудидаги кишлок хужалик харитасидан узумчилик учун 13-лойиха 381к-контурдан иборат 4,0 гектар ерлар. ...
        Танловга катнашиш буйича аризалар туман ер участкаларини бериш (реализация) килиш масалаларини куриб чикувчи (тендер) танлов комиссияси томонидан 2016 йил Яккабог шахри А.Темур кучаси туман хокимлиги биноси 2-каватда кабул килинади.
        Эътибор беряпсизми? Тендер хали утмаган экан!   
        Бу Яккабог тумани Хокимияти томонидан «Лолазор замини» фермер хужалигига берилган туртинчи зарба эди.
        Яккабог тумани хокими вазифасини бажарувчи Жаноб У.Абдурахмонов жуда устомон киши экан! У киши 2016 йил 30 май кунида янгитдан туртта фермер хужалиги ташкил килади, булар ушалар –  1.«Sattorov Javohir Saydullaevich» номли фермер хужалиги; 2. «Qarshiyev Ozodbek Musurmonovich» номли фермер хужалиги; 3. «Normurodov Akobir G’ofurovich» номли фермер хужалиги; 4). «Elbek Tolibovich bog’i» фермер хужаликлари. Бу турт шоввоз хали банкдан хисоб раками, солик инспекциясидан идентификация раками олмасдан тугилган куниёк тендерда катнашиб, голиб булишади ва эртаси куни шахдам кадамлар билан хосилини биров етиштирган бокка бориб эгалик килишади. Койил! Каддингни ур учар шоввозлар!!!
Хокимиятнинг «Лолазор замини» фермер хужалиги устидан утказган зулми, унинг хар кандай фермер ва тадбиркорни тиз чуктирадиган туртта зарбаси хакида озгина булса-да тушунча бердим.
       Энди бечора фермерни эзган яна бир хокимият вакили – Хужалик судига навбат.
       Хужалик судидаги суд ишларида иштирок этувчи тарафларнинг бошка судлардаги иштирокчилардан катта фарки бор.
       Бу ерда узини эплай оладиган, деярли барчаси Олий маълумотли кишилар тараф булиб иштирок этадилар.
       Бир танишим айтиб берганди. Вилоятдаги иккита адвокатлар хайъати низолашиб колади. Бири иккинчиси устидан даъво аризаси ёзиб, уни Хужалик судига топширади.
       Ишда иштирок этган тарафларга эътибор беринг.
       Даъвогар: Адвокатлар хайъати тулик таркиби билан олий маълумотли хукукшунослар;
       Жавобгар: Адвокатлар хайъати тулик таркиби билан олий маълумотли хукукшунослар;
       Ишда катнашаётган Прокурор – Олий маълумотли хукукшунос;
       Ишда гувох сифатида иштирок этган – Вилоят Адлия Бошкармаси – олий маълумотли хукукшунос;
       Энди ишни курган судья ва унинг котиби хам Олий маълумотли хукукшунос.
      Хакикий хукукшуносларнинг суд мажлиси!!!
      Бу хамма конунни яхши билади-ю, аммо Барча масъулият Судья зиммасига тушади. Шунча юристнинг ичидан тугри ечим топиш керак.
      Майли бу кам учрайдиган холат. Бошка суд процесслари хам кам эмас. Чунки, тарафлар Олий маълумотли булмаса-да энг камида тадбиркор, фермер ёки сармояси бор ёки качонлардир сармоядор булган киши. Яъни эсли хушли, аклли одам. Узи хукукшунос булмаса-да хукукшуносни ёллашга хакли.
«Лолазор замини» фермер хужалиги билан Яккабог туман хокимлиги уртасидаги низода хукукшунос булиш хам шарт эмас.
1. «Лолазор замини» фермер хужалигидан ерни ихтиёрий (мажбурий) тартибда олиш хакидаги туман хокими карори 2225-ракам остида руйхатга олиняпти, янги фермерларга берилаётган карорлар раками ундан олдин – 2117; 2137; 2138; 2139.
2. Яккабог туман хокими в.б. У. Абдурахмоновнинг имзоси билан  2016 йил 30-майда ташкил этилган «Sattorov Javohir Saydullaevich»; 2. «Qarshiyev Ozodbek Musurmonovich»; 3. «Normurodov Akobir G’ofurovich»; 4.«Elbek Tolibovich bog’i» номли фермер хужаликлари уша куни ташкил этилиб, уша куниёк тендер (аслида булиб утмаган)да «Лолазор замини» фермер хужалигига тегишли ерни хуфёна равишда кулга киритяпти;
3. «Лолазор замини» фермер хужалигининг «Козок» МФЙ Ж.Михлиев массиви худудидаги кишлок хужалик харитасидан узумчилик учун 13-лойиха 381к-контурдан иборат 4,0 гектар ерларини тендерга куйиш хакидаги эълон хуфёна тендер оркали бериб юборилгач 27 кундан кейин   «Яккабог овози» газетасининг 2016 йил 27 июнь 18 (7626) – сони 7-бетида эълон килиняпти;
4. «Узбекистон Республикаси Вазирлар Махкамасининг Кишлок хужалигида иктисодий ислохотларни чукурлаштириш буйича Республика комиссиясининг 2016 йил 18 апрелдаги йигилиши Баёнида сабзавот-полизчилик, богдорчилик ва узумчилик йуналишидаги фермер хужаликларининг ер участкалари улчами 5,0 гектаргача деб курсатиб утилган. Вазирлар Махкамасининг 2016 йил 18 апрел йигилиш баёни 13 – Хатбоши 2-кисми, 3 –кичик бандида              «экин ерлари, бог ва токзорлардан самарали фойдаланаётган, мева-сабзовот махсулотларини кайта ишлаш ва саклашни йулга куйган фермер хужаликларининг ер майдонларини истисно тарикасида 10 гектаргача белгилаш» мумкинлиги айтиб утилган.
             «Лолазор замини» фермер хужалиги эса Яккабог туманидаги айнан энг илгор, токзордан самарали фойдаланиб келаётган фермер хужалиги хисобланади.
Суд процесси 8 июлга белгиланган эди. Жавобгар вакили уша куни суд процессига келмади. Судья И.Тешаев (бир неча йил олдин айнан шу судья «Лолазор замини» фермер хужалигининг ерини олиб куйиш хакида Хал килув карори кабул килган, Олий Хужалик суди ушбу карорни бекор килган эди. Иш кандай килиб унга кайтадан тушиб колди? Бу савол очик колди) ишни куришни 14 июлга колдирди.
Суд процессининг кейинги 14 июлдаги процессига хам жавобгар вакиллари иштирок этмади. Судья уз ташаббуси билан, процессга чакирилмаган шахсларни уз ташаббуси билан Мустакил талаб билан арз килмайдиган учинчи шахслар сифатида чакиртириб ишни курди. Судья И.Тешаев даъвогарнинг бирон бир келтирган далилини урганиб чикмасдан асоссиз равишда куриниб турган адолатсизлик ва конунбузарликка куз юмиб, даъвогарнинг даъвосини рад этди.
Бундан ташкари даъвогардан  6.512.000 сум (!!!) давлат божи ундирди. Судья 2012 йил 24 ноябрдаги кейинчалик бекор килинган Хал килув карори учун уч оларди гуё.
Бу умуман одоб-ахлок коидаларига тугри келмайди! Агар судья узига узи отвод олганида бошкача фикрлаш мумкин эди. Аммо, судья холис булолмади.
Нега давлат божи бунча куп булиб чикди?
Аслида бундай низолар учун ун минимал оклад 1.302.400 сум давлат божи ундириш керак эди. Судья бешта карорни хакикий эмас деб топиш суралаётгани учун унинг беш баробари микдорида 1.302.400 х 5 = 6.512.000 сумга купайтириб куяколди. Иш даъвогар ва жавобгар уртасидаги битта низо устида боряпти. Агар бешта карор ажратилиб, хар бири алохида курилганида, хар бир иш учун алохида суд харажатлари сарфланганида судьяни тушуниш мумкин эди. Иккинчидан битта карорми бешта карорми хаммаси битта фермернинг ер участкасини олиш хакида буляпти. Учинчидан колган туртта фермерлар иш буйича мустакил талаблар билан арз килмайдиган учинчи шахслар сифатида суд ташаббуси билан жалб (телефон оркали чакирилди) этилди.
Янги тахрирдаги Солик Кодекси 329 – моддаси 13-бандига шундай янги норма киритилди. Бунга кура:
       «тадбиркорлик субъектлари тадбиркорлик фаолиятини амалга ошириш билан боглик булган хукуклари ва конуний манфаатларини бузадиган давлат органлари хамда бошка органларнинг карорлари, улар мансабдор шахсларининг харакатлари (харакатсизлиги) устидан судга мурожаат килганда» давлат божи тулашдан озод этиладилар.
Бу ерда суд дейилганда барча судлар назарда тутилади. Солик Кодекси ахамияти жихатидан Узбекистон Конституциясидан кейинги уринда туриб, Уз.Р Хужалик Процессуал Кодексидан кам ахамиятли эмас.
        Бу нормага мувофик, тадбиркорлик субъектининг даъвоси каноатлантириладими, йукми барибир ундан давлат божи ундирилиши мумкин эмас. Нега? Гап шундаки Узбекистон Республикаси тадбиркорлик сохасини совет замонидан колиб кетган маъмурий буйрукбозлик иллатларидан тозалаш учун, хукуки бузилган тадбиркорларга мана шундай имтиёз бермокда.
        Тугри Солик кодекси 328-моддасида давлат божи ундириш объектлари санаб утилган бунга кура «органларнинг ва улар мансабдор шахсларининг харакатлари (карорлари) устидан берилган шикоятлардан» давлат божи ундирилади.
Лекин бу ерда гап давлат корхоналари, тадбиркорлик билан шугулланмайдиган нодавлат –нотижорат, жамоат бирлашмалари ва хоказолар деб тушинилиши керак. Иккинчидан конун нормасида даъво аризаси хакида эмас, балки шикоятлар хакида гап кетяпти.
        Давлат томонидан тадбиркорга берилган имтиёзни осонгина йукка чикарманг жаноб судьялар, тадбиркорнинг фойдасига яна бир Конун нормаси бор.
Бу Конун Узбекистон Республикасининг «ТАДБИРКОРЛИК ФАОЛИЯТИ ЭРКИНЛИГИНИНГ КАФОЛАТЛАРИ ТУГРИСИДА” конунинг 11-модда (Тадбиркорлик фаолияти субъекти хукукларининг устуворлиги) сида «Тадбиркорлик фаолияти субъектларининг давлат органлари, шу жумладан хукукни мухофаза килувчи ва назорат килувчи органлар, шунингдек банклар билан узаро муносабатларида тадбиркорлик фаолияти субъекти хукукларининг устуворлиги принципи амал килиб, унга мувофик конун хужжатларида тадбиркорлик фаолиятини амалга ошириш билан боглик холда юзага келадиган барча бартараф этиб булмайдиган зиддиятлар ва ноаникликлар тадбиркорлик фаолияти субъектининг фойдасига талкин этилади».
       Кун тунга улаб бирон –бир иш урни яратаман, деб чопиб юрган тадбиркорни нафси бузук амалдорларнинг зулмидан ким химоя килади?
       Яккабог туманида хар йили банкка 20 миллион сумга якин накд пул топширадиган, хеч кандай карзлари булмаган « Лолазор замини»га ухшаш узумчилик фермер хужалиги йук. Мана утган йили ундан хосили узиламан деб турган токзорни  олган туртта фермер, узумни сотиб нима килди, кизикиб куринг. Банкка накд пул топширдими йукми?
      Хуллас Яккабог туман хокимлиги етти йил деганда илгор фермер хужалигини охири ер тишлатди. Хужалик Суди хам унинг йуригига амал килиб илгор фермерни иккинчи марта даъво килмасликка мажбур килди. Вахоланки, бу давр ичида туман Хокимлиги 70 гектарлик янги бог яратиб, уни хосилга киритган буларди.
      Фермер хужалиги хукукшуноси адолатсизликка чидамасдан Кашкадарё вилоят Хужалик судига апелляция шикояти топширмасдан Олий Хужалик судига кассация тартибида шикоят ёзишга фермерни бир бало килиб кундирди.
Фермернинг отаси «кассация берманглар, хозирги пайтда Хокимнинг дегани деган, куланкаси майдон» деганига кунмасдан фермер хужалиги хукукшуноси кассация тартибида шикоят кириттирди.
       Кассация шикояти 2016 йил 20 сентябрда Олий Хужалик судида куриб чикилди ва даъвогар вакиллари Кашкадарё вилоят Хужалик судининг биринчи инстанция суди (И.Тешаев)нинг 2016 йил 14 июль 18-1606/14113-сонли ХАЛ КИЛУВ КАРОРИ моддий хамда процессуал хукук нормаларини купол равишда бузиш оркали кабул килинганлиги юкоридаги далиллар билан тулик исботлаб берса-да, маслахатда деярли бир соат кириб кетган хайъат аъзолари, адолатсизлик килиб Хал килув карорини узгаришсиз колдиришдан ташкари, бечора фермернинг зиммасига яна 3256000 сум давлат божини, асоссиз равишда илдирдилар.
      Бундан сунг «Лолазор замини» фермер хужалиги раиси, унинг оила аъзолари, ишчи ва хизматчиларининг АДОЛАТга булган ишончи сунди.
      Тугри назорат тартибида хали ариза топшириш имконияти бор. Аммо, фермер том маънода хам рухан, хам молиявий синди. Шунинг учун хеч каерга шикоят топширмокчи эмас.
      Укувчилар нима дейди билмадим?