Дин, дуст ва ватан

ДИН, ДУСТ ВА ВАТАН

Сари гъапну:
– Магьаза…
Тмунури гьерхру:
– Гьап1за?
– Вари дюнья узлан илт1ибк1ура…
– Вуш гьап1за?
– Варидари узуз икрам ап1ура…
– Дидкан узуз фу а?
– Зегьриман, зегьер кубк1уз ужур, яв икрам навшдив?..
…
– Хъа ухьу дустар дарин? Уву йиз дин ва ватан дарна?
– Вуза... Вухьа… Ву к1ури фу ккундувуз?
– Уву т1араш гъап1у девлетнакан узузра кап1…
– Дидиз къаршу дарза. Узуз айи варит1ан аьхю девлет ихь дуствал вуйиз. Гьадму дуствал вари к1ул'инди увуз гъибтраза…
…
Хъа саризра даккни девлет фици узу йиз дустариз пай дап1ну душман хьуза?!
Мерседес тувиш, аварияйикк ккахъдиву, хулар тувиш, жилар гъут1урччвган, даргъидияв, пул тувиш, т1афлари т1араш ап1идиву
ва
дуствал ужуз хьибди… ватанди гъайгъу зигурадар пиди...
Йиз вазифа уву хат1а-балайихьан урхюб вуйиз…
– Вуш гьаддиз, йипа, ичв гьюкми гьамциб жюрейиинди касибар, ккун дап1ну, хат1а-балйирихьан уьрхюра?!
…
– Уву гъавриъ ахъайиз, дюньяра хъидип1ну ккудубк1иди…
…
– Узу гъавриъ т1ауз узуз дуст адарин, узухъ ватан хътарин…
Мура, тмура,  динра авуз, чпиз гьудрубк1райиб увуз фици тувди дурари...
Дин, дуст, ватан – мурар увуз ккилигурайи "саилар" ву...
Хам ув'ин илмиш, гьаддин к1уллан чиб-чпигъ гъярхьнайидар ву...
Ап1идихьа дурар адлу...