Ведаеш, слова цікавае ёсць:
"Jura" літоўскае – значыць “мора”;
Вось каб стацца мне караблём
І згубіцца ў тваёй прасторы...
Стацца б чаіцай белай мне
І нырнуць у хвалі пачуццяў –
Дотык гэты магутны, ласкавы
Так і мрою, так прагну адчуць я!
Кім жадаю я стацца найбольш -
Гэта юнай марской багіняй
І ў бурштынавым замку сваім
Вечна жыць у тваіх глыбінях,
Кіраваць падводнымі плынямі
І хмурынкамі на небакраі
І насіць, як карону, імя,
Што так моцна тваё паўтарае.
Марскi раманс
© Copyright: Янина Пинчук, 2017
Свидетельство о публикации №217022401356
Свидетельство о публикации №217022401356
Рецензии
