Динагьли ва дишагьли

ДИНАГЬЛИ ВА ДИШАГЬЛИ

Динагьлийи к1ура: «гъудган ап1ин».
Дишагьлийи к1ура: «марццшин ап1ин».
Динагьлийи к1ура: «садакьа тув».
Дишагьлийи к1ура: «касибурин гъайгъу зиг».
Динагьлийи к1ура: «дюаь ап1ин».
Дишагьлийи к1ура: «идолариз икрам ап1руб дар».
Динагьлийи к1ура: «мусурман йихь».
Дишагьлийи к1ура: «инсан йихь».
Динагьлийи к1ура: «ислам ккун ап1ин».
Дишагьлийи к1ура: «РАББИ ккун ап1ин».
Динагьлийи к1ура: «кяфир ккун мап1ан».
Дишагьлийи к1ура: «яв душманра ккун ап1ин».
Динагьлийи к1ура: «диндихъанди яв жан тув».
Дишагьлийи к1ура: «РАББИЙИ Чан жан варидарихъанди тувна».
Динагьлийи к1ура: «каламар урхури ап1ин».
Дишагьлийи к1ура: «РАББИЙИН Гаф вуйи Тора ва Месигьдикан вуйи Шагьидвалар аьгъю ап1ин»
Динагьлийи к1ура: «гъач1иган женнетдиъ итдиву».
Дишагьлийи к1ура: «Женнет увуз гъит, узу гьаммишан ЗААНУРИХЪДИ хьидиза».
Динагьлийи к1ура: «зивзивар кч1икьидивукан».
Дишагьлийи к1ура: «к1уч1лар ап1урайи увкан, ав, карк ктадити…».
Динагьлийи к1ура: «ув’ин али хьуб фарз тамам ап1ин».
Дишагьлийи к1ура: «фарзар алахьуру дурарикк к1ул ккивруриин, хъа РАББИЙИ Чахъ хъпехърудар вари варибдиккан азад дап1на».
Динагьлийи к1ура: «динди к1уруб ап1ин».
Дишагьлийи к1ура: «РАББИЙИ к1уруб  ап1ин».
Динагьлийи к1ура: «ислам дюньяйиъ варит1ан ужуб дин ву».
Дишагьлийи к1ура: «адмийири чпи чпиз варит1ан ужуб дин му жилиин тешкил гъап1ну, аммаки узуз ккундайиб дин дариз, хъа аьршарайи АДАШ».
Динагьлийи к1ура: «дин аллагьди тувнайиб ву».
Дишагьлийи к1ура: «ичв аллагьди тувуншул, хъа РАББИЙИ инсандиз тувуб Чан масанвал ву. Дин ЗААНУРИН душман ву. Гьаци гъапну Дугъу Учв му жилиинна инсандин жан хъивну гъафиган».
Динагьлийи к1ура: «жугьдарин РАББИ»
Дишагьлийи к1ура: «аьрабарин аллагь… Ислам диндин аллагь филадихъанмина табасаранариин илитна? Думугандиз вуйи дурарин абйирин РАББИ тина дап1ну, му мина гъап1ну к1ури, инсандин к1ваан диндихьан ЗААНУР идитуз шулин?».
Динагьлийи к1ура: «думукьануб наънан аьгъявуз?».
Дишагьлийи к1ура: «Табасарандин, абйирин, тарих аьгъю ап1ин ва урус ч1алназ илт1ибк1найи дурарин ЗААНУРИН Гаф урх».
Динагьлийи к1ура: «учуз Думу Китаб урхуз ихтияр туврадар».
Дишагьлийи к1ура: «хъа учвуз, дин гъядарди, фу ихтияр ачвуз?».
Динагьлийи к1ура: «гьеле фикир ап1уча».
Дишагьлийи к1ура: «ап1инай, ап1инай, дюнья саб диндиинди ккудубк1урайиб дар»…

Узу дарза динагьли…
Узу вуза дишагьли…