Учвуз к1уру кьюб гаф айиз

УЧВУЗ К1УРУ КЬЮБ ГАФ АЙИЗ

Гизаф вахтар мидиз улихьна,
Рим империя айи вахтари,
Заанурин Дарамат Ерушалаймдиъ айи вахтари,
Заанури Чав ва Чан пайгъамбрари улупу рякъяр жугьдари ч1ур ап1ури гъахьи вахтари,
(фицики
Заанури Чан Къанун Чав ктагъу жугьдариз улупну,
гьадрарилантина вари инсаниятди Чан Къанун хъап1бан бадали,
фицики
Думу Къанун хъап1ри гъахьир ужуб уьмрин эйси шули гъахьну,
хъа Къанун хътрап1рур иблиси чан хилиз дисури гъахьну).
Дугъу туву Къанун гьяспикк дарап1ди,
инсанари чпикан
Дугъан ччвурнахъ
чпин аьдтарна къайдйир лап яманди дарагънайи вахтари,
Заанури гьаъну Чан Бай гъафну жилиина инсандин беден хъивну,
ва инсанариз:
Заанури дебкку Къанундиъ айибси ап1инай
ва жвуваз даккниб жарариз ккун мап1анай, дупну
Чан жан ухьу гъап1у ихь тахсрарихъанди тувну,
ч1иви духьну,
хъана гъушну аьршариз Думу,
Иешуа,
Чан Адашдихьна,
хъана гъидиза дупну.
***
Багарихьди,
лап багарихьди,
гъи-закур,
магьа гьаммус,
учвуз к1уруб айиз гьамус,
иб хъивай
ва аннамиш ап1инай,
ичв к1вак бисай
ва гьязурди гъибтай ичв намус…
Хъана гъидиза гъапи Бай
гъюру вахтар инсаниядиин улукьна…
Заанурин Къанун хъана тина дап1ну,
жугьдарин гъуншйир вуйи халкьар – аьрабар
Иблиси чан хилиз гъадагъна…
Иблис Заануриз къаршуди удубч1вну,
диди аьрабариз чан къанун (кьур’ам) дебккну,
учвуз аллагьди дебкку ц1ийи къанун ву дупну.
(Фицики
аьрабари думу вахтари гьар жюрейин идолариз икрам ап1урайи…
{Идол (бут) – адмийири чпикан кадабгънайи, чпиин аьхювал ап1уз к1ури, дидиз адмийир дурккайин гъурбан ап1урайи саб образ ву}.
Ва
варит1ан аьхю идол дурарин аллагь вуди гъабхьну
ва
гьадму идолиз,
дидкан хабар адрудари гъира кмиди,
кяфирар ву дупну ччвур иливайин,
дурккайин,
йивну йихайин
ва жара жюрейиинди
инсанар динари пуч ап1ура…
чпи аллагь к1урайир, учв иблис вуйибдикан чпиз хабар адарди…)
Аллагьдин къанундиъ гьамци а:
диндиз къаршу вуйир кяфир ву ва думу йивну йик1ну ккунду – гьамциб жюрейиинди аллагьди чаз инсан гъурбан ап1уб ккун ап1ура
ва инсандин ифи дарди аллагьдихьан (иблисдихьан) гъубзуз шулдар.
Хъа Заанурин Къанундиъ – Торайиъ (иврит ч1алниинди), Библияйиъ (урус ч1алниинди), Ужувлан Хабарнаъ (табасаран ч1алниинди) гьамци к1ура:
Узу Йиз Бай гьаъну вари инсанарихъанди ДУМУ гъурбан гъап1унза,
гьарсар кас Узуз багьа вузуз,
учву динариккан, идолариккан азад гъап1унзачву,
гьамусдихъантина, инсан,
увуз уву фици ккундуш,
имбунурра гьаци ккун дап1ну,
яшамиш йихь.
Заанурин тереф дибиснайи касди гьаци ап1ура,
хъа аллагьдин тереф дибиснайи касари
жугьдариин, урсариин ва жара халкьариин хъял иливна…
Му хъял,
вари дюнья вуйибси динари ижмиди дарабгъна
ва инсан йивну йик1увалар артухъ ап1ура…
Фицики иблис инсандин ифдихъ,
чан аьхир гъюрайивал рябкъюри,
яманди дахабгна…
Ари гьаму лишнар ву дюньяйин,
инсанари чпикан кадагъну дерккнайи динаринна гьюкмарин аьхир дуфнайи вахтар.
Инсанари,
иблиси чпи ч1урубдихъ хъаърайибдикан хабар адарди,
Заанурин Къанун тина дап1ну,
аллагьдин кьур’ам бисура
ва гьациб жюрейиинди,
дурари чпин к1ул’ина бала хура.
Ари гьадму бала хьади,
ва Заанурин Къанун дебккуз
Заанури Чан Бай Иешуа
багарихьди,
лап багарихьди,
гъи-закур,
магьа гьаммус,
Чан халкь уьрхюз
кьюбпи ражари
Чав арайиз гъахи жилариинна гъюра.
Учвуз к1уруб гьаму вуйиз,
иб хъибай
ва аннамиш ап1инай,
ичв к1вак бисай
ва гьязурди гъибтай ичв намус,
дидкан хабар адайчуз дарпуз,
ва
хабар айи Рашиддикьан
гьаз гъапундайк1ан учуз,
дарпуз.
Ичв улихь узу
магьа гьамус,
улихь гьипну йиз намус,
Пилатдиси,
хилар жик1ураза йиз
тахсиркарди гъудрузуз.
Гьякь к1урур – иблисин душман,
нягьякь к1урур – Заанурин душман…
Махьан уву душман Заануриз.
Гьадмукьан зарбди уву ккун Гъап1уриз…