ЙИШВ
Гинабаху гардан
кьюжал дапІна;
нивкІуз дубшнашул сабан;
маш гьитІибкІна.
Ваъ даабхнадар
йишв вушра,
йишвандин мучІушин машнаъ ичІибгнашра.
Дидиз мумкин адар
шад апІбахьан улар,
заварин гъатариан
крабчІури акв
хядарихьан
гъянарихьна
даргарин дуркьу цІабарихьан
ва
сини абцІнайи жвилли кюкйирихьан.
Гирами гьиснакан йишвандин
сикинвалин
гъадри ктар,
гинабахуси
гардан кьюжал дапІну
нивкІуз
маш гьитІибкІну
душнайидариз,
йишвандин сессузвалиъ
ригъдихьан вазли крабчІурайи
аман адабтІру,
инанмишди адру
имансузвалиъ.
ЙИШВ
© Copyright: Рашид Азизов, 2017
Свидетельство о публикации №217040501837
Свидетельство о публикации №217040501837
Рецензии