ГЬЮЛИХЪ
Лепйири макар наан апІура гъумраз,
чІвакІариз,
швякьяриз? –
гьюлихъ,
ккун хьувалин зегьметнаан
каф илмиди
амкІун литІнариин.
Йирфар ккирчназа амкІ кмиди,
гъебццу каф гъухригъ гъимиди –
зегьметнан лишнар,
лепйириз,
чухсагъулин макар апІуз,
гьюлихъ...
ва хъана
йиз паргариз гъюрза
теменйирикан,
цІадлари йиз йирфар тІиршурайиган
кьувват гъибисури
гьюлихъ.
Хажалат гъабширра шулза ишури
ишурайиб аьгъю даршуз,
улдузурайи нивгъар цІадлар ву пуз
гьюлихъ,
Сарихьна гьарай деебтури,
кюмекназ ухди гъач кІури,
гъянаъ айи дерди,
ккарагури
гьял апІуз…
Гьюлихъ
© Copyright: Рашид Азизов, 2017
Свидетельство о публикации №217040501939
Свидетельство о публикации №217040501939
Рецензии