ВАХТ

Рашид Азизов
ВАХТ

Вахт
буржлу шула
эдеблуйириз,
эгьемиятлуйириз,
гьяракатлуйириз,
берекетлуйириз,
агьлийириз
юкІв айи
кІваин алауз
гъушу гьядисйир,
улихь
гъюру уьмур рябкъюради,
думура, гьаци,
накьдинубси,
гъушу вахтаринси
дирипІуз гьамцдар «мюлхъяри»:
эдебсузари,
эгьемиятсузари, гьяракатсузари,
берекетсузари,
жвувкан инсанвал кидипдари
юкІв адарди,
гележег ипІури
алархьнайи
зат ккудрубкьрайиси
ва гьамусдихъантина
ккадрабхърайиси.
Вахт,
му
кьимат адру,
ккун дарапІру,
гьяйиф хътру бахт ву,
ккатІабццнайи варидариз.
Ва гьерхурхьа эдебсузарихьан,
...,
юкІв адрударихьан...
Дурари пиди:
«Бахт?
Бахт хусуси вахтназ
кеф хру алат ву».
Бахт – вахтназ?
Даршул:
«Вахт – бахтназ».
Гьаддиз Вахт
буржлу шула ...
...,
кІваин алауз
гъушу гьядисйир
гъюру
уьмур рябкъюради
гьаммишандиз.


© Copyright: Рашид Азизов, 2017
Свидетельство о публикации №217040500294
Список читателей / Версия для печати / Разместить анонс / Заявить о нарушении
Другие произведения автора Рашид Азизов
Рецензии
Написать рецензию
Другие произведения автора Рашид Азизов