ЧИМЛИН КЮКЮ
Вазарикан йигъар гъахьну,
йисарикан – уьмрар...
Чимлинра Кюкю ами цІарнаъ
гьадмуганси гъира
ич жини сир уьбхюри –
байвалин вахтар,
гъяцІли ликар
таза варжйириз дуфнайи,
кьилзи кьикьшвар
утан уьлихъди
хьадукрахъ ниъ хъапІри итІуз,
убцурамиди,
мас алдатнайи,
ктучІвурайидар
ттернин гарак куржнайи
удну, удну,
тІубари,
табар итІигънайи
дадайин хилари
кадабгънамиди.
Уьмрар йисарикан гъахьну,
йисар – вазарикан
жини сир айи
Кюкдин цІарнаъ
чимлин гъатху,
байвахтариъ
узуз гьадрархру.
Чимлин кюкю
© Copyright: Рашид Азизов, 2017
Свидетельство о публикации №217040500938
Свидетельство о публикации №217040500938
Рецензии