я раней была лепей.
лятуць проста ў твар
успаміны
бязважкай чародкай;
не, не ведала больш,
і мацней не была,
і жыццё не было
больш салодкім;
я не крэсліла мар,
а заместа віна
дастаткова было
кубка чаю;
іншы быў красавік,
я хадзіла ў касцёл,
там вяла барацьбу
з адчаем...
ціхі подых вясны,
і вялікдзень ідзе,
асцярожна –
скрозь хмары праменне...
я не прагну мінулае
уваскрасіць,
але хочацца мне
адраджэння.
раней
© Copyright: Янина Пинчук, 2017
Свидетельство о публикации №217041800110
Свидетельство о публикации №217041800110
Рецензии
