Заманан мехалаш мел хийца елла
Вовшашца гергарлонаш хера девлла
Доьзалехь леладеш вай хилла низам
Д1адовш ду,шех хилла к1орггера хийцам.
Кхетам кхиош берг бу «Дуьненан маша»
Воккхачо аьллачух ца х1утту ваша.
«Аш лайнарг,лелийнарг ю яхна хан»-
Бохуш ца туьгу доьзал аьлларг дан.
Суннаташ леладарх,дицдина фарз
Саг1а к1еззиг деш,вай еш йолу харж.
1уьйранна баржоза ламазна куз,
Сурташ т1ехь гайтарх вай нахана рузба…
Дас-Нанас аьлларг дар ца ларахь декхар
Дела а,неха а байъича безам,
Г1иллакх а,г1уллакх а дицдича дайн
Нохчий ду ала хьакъ хир дуй те вай?
Заманан мехаллаш
© Copyright: Зара Болтукаева, 2017
Свидетельство о публикации №217042100634
Свидетельство о публикации №217042100634
Рецензии