ЦО ПАЩМАНАБ АСАР ГЬАБУЛЕБ БАКЪАН БАЧ1АНА СОН БОТ1РОЛЪЕ. ГЬЕЛЪ ККЕЗАБУРАБ ГЬЕДИНГО ПАЩМАНАБ ЧОРХОЛ Х1АЛАЛЪ ТАТУ ТЕЧ1О ГЬАЛ РАГ1АБИ ХЪВАН ГУРОНИ:
Бекерун заман ана,
Тана гьит1инлъи нахъа.
Хирияй эбел ана,
Инсуй дуг1а ц1алана...
Балагьазул дуниял,
Мун нахъа тола буго,
Берцинаб дур т1абиг1ат
Теялда щаклъи гьеч1о.
Тела вижараб росу,
Росабалъа г1адамал,
Гъваридаб г1елму лъвина,
Т1аг1ина бук1араб лъай.
Сунарел гьал чирахъал,
Копое кьураб канлъи,
Т1ок1абго бихьилада
Лах1тоялде лъугьиндал.
«Халатаб» нилъер г1умро
Метериде сверила,
Макьилъ араб киниги
Т1аг1ун ина цебеса.
Философия жизни на аварском языке
© Copyright: Салих Салихов 13, 2017
Свидетельство о публикации №217061400033
Свидетельство о публикации №217061400033
Рецензии