Рак1алде доб заман щола,
Щвараб хасел бихьула.
Нахъа тарал дол сонал,
Гьанже цере т1амула.
Г1умроялъул сухъмахъал –
Парсазулъан лъураб нух,
Чанго лъалел хут1ана,
Къадаралде жал ккарал.
Берцинаб сипат-сурат
Аралъул цебе ч1ола,
Лъик1ал-щиназул гьурмал
Рак1алдаса унаро.
Гьудулзаби чан инч1ел,
Г1агарал чан т1аг1инч1ел,
Ц1алдеялъулъ цадахъал
Чан чи «нахъа» хут1ич1ел.
Чан жеги «къач1ан» ругел,
Нилълъги тун доре ине,
Къисматалъул нухазул
Цебе бугеб лъаларо.
Философия жизни на аварском языке 2
© Copyright: Салих Салихов 13, 2017
Свидетельство о публикации №217061400047
Свидетельство о публикации №217061400047
Рецензии