Хасанова Мадина Мусаевна
йина 1алхан-Калахь 1998 шарахь,
доьшуш ю хьехархойн колледжехь,
байташ язъян йолаелла 11 шо долуш.
Нохчийн мотт
Нохчийн мотт даггара хьо беза суна,
Хьо лоруш, хьо буьйцуш дозалла до.
Дас-нанас бераллехь 1амийна тхуна,
Хьан аьзнаш схьахезча дог дела ло.
Нохчийн мотт мел беза хетта хьо сунна,
Хьан маттахь дуьххьара аьлла ас дош,
Дуьххьара байташ а лерина хьуна.
Хьо цкъа а биц бир бац,зама ю теш.
Нохчийн мотт, хьоьца ду сан елар, елхар,
Хьоьца ду сан г1иллакх, иман-бехк,эхь.
Хьо кхиор, хьо хестор хета сайн декхар,
И декхар ду х1ора нохчочун т1ехь.
Хьо сийсаз беш вериг ву къоман мостаг1,
Хьо лоруш воцуриг ма сийлахь вац.
Хиларх а дуккхачу меттанийн доттаг1,
Шен мотт ца хуург ирсе хир вац!
(ХаСаНоВа МаДиНа)
Хасанова Мадина, член клуба Даймохк
© Copyright: Литературный Клуб Даймохк, 2017
Свидетельство о публикации №217070902074
Свидетельство о публикации №217070902074
Рецензии