Дажаев Эскерхан Даймохк клубан декъашхо

Дажаев Эскирхан Хаважиевич
Веденский район ,юрт Тевзана,9-чу классан дешархо,
«Даймохк» клубан декъашхо

        Нохчийн мотт

Дахаран хазна ю  нохчийн мотт тахна,
Лакхене г1улчашка г1ирс иза бу,
 Буьссур бац ненан мотт шен некьах боьхна.
 И кхио яхь  йолуш к1ентий  мел бу,

Мотт бацахь – кьам а  дац,долуш ду кица
 Цундела и лело вай декхар ду.
Йиш яц вайн ненан мотт цхьаьнца а хийца,
 Иза вайн кьоман хазалла яй.
 
1илмано некь гойту вайн Даймохк ларбан.
 Муьлхха мотт Делере цхьа ни1мат ду,
Х1ора а декхар ву шен меттан сийдан,
 1алаш беш мотт кхиор оьздалла ю !

Даймохк вай ларбийр бу ,ларбийр бу мотт,
 Х1ораннийн даггара ч1аг1о ю и,
Йист йоцу х1орд санна хилла и шортта
 И хилла вай мехкан хьалхара сий.

 Кьоман юьхь вай дайша маттаца лийрина,
 Йозанца яйьина бодане дохк.
Мотт вай кхиор Дайн весет лийрина,
 1илманца кьагор бу и сийлахь мохк!



  Сан хьоме Нана

Мерза мутт санна, дош мерза долуш,
 Маьлхан йовхо санна, куьг довха долуш,
 Ц1ена шовда санна, дог ц1ена долуш ,
Массарел хьомениг сан нана ю.

 Бода болчохь серло ю
Шело йолчохь йовхо ю.
Цунна уллохь марзо ю.
 И сан хьоме нана ю.

 Нана ца езаш верг кьонах ма вац,
 Цуьнца барт боцуш верг стаг ванне вац,
 Ас Далла хастам бо и суна яларна,
 И сайца йитарна «АЛЬХЬАМДУЛИЛАХ1"!