трыумф плоці – гэта калі
праз валасы кропля поту
няпрошаным зверам крадзецца,
калі сэрца – драпежнаю
птушкай стаецца,
а цягліцы нібыта ўзгоркі
прыкрытыя
скуры тоненькім снегам,
і напяты струною твая воля і дух,
а дыханне зламацца гатова,
як падчас крыгалому,
і гатовы штыхом альбо шабляю
ты працяць небяспечнага ворага
і адчуць трыумф перамогі –
хаця ворага побач няма,
над сабой перамога
і хвала найвышэйшая
таму Творцу, што даў табе цела
з усім спрытам яго, боскай формай,
і іспытамі, і адчуваннем;
толькі пераадоленнем можаш
стрымгалоў
даімчацца да зораў.
трыумф плоцi
© Copyright: Янина Пинчук, 2017
Свидетельство о публикации №217092601310
Свидетельство о публикации №217092601310
Рецензии
