Хуьруьн шикилар 5

    
   Эхтилат авурди зи ими (дах), Жамедин буба (93 йис) я. «Гьемзе, гьеле гъвеч1изамаз дидедикайни бубадикай магьрум хьана, етимдаказ гагь садан, гагь масадан къулав хьана. Гьавиляй, ам са гьал ч1ехи хьунни вичин кьил хуьн патал чубанвал ийиз эгеч1на. Са юкъуз, Гьемзе ч1урай хтана, гъил-чин чуьхвена вичин к1аникай алай перемни вахчаг алаз кимел, итимар алай чкадал, фена. Итимри, Гьемзе винелай алук1дай парталар алачиз кимиз атана лугьуз, айибна. Инал акъвазнавай юзбашиди Гьемзедиз са манат жерме (штраф) я лагьана, тагькимна. Къази вилик экъеч1на, вичин патайни са манат Гьемзедиз жерме тирди малумарна. «Я стхаяр,- инсанрихъ элкъвена лагьана Гьемзеди,- зун аял вахтунлай чубанвилел кьил хуьзвай кас я, заз зи уьмуьрда акурди - вилик хпер, кьулухъни киц1ер я. Заз куь къайдайрикай гьинай хабар жеда кьван?» Юзбаши хиялди тухвана, са гъвеч1и ара гана ада лагьана: «Зи жерме элкъуьр хъийизва!" Гуьгъуьналлаз къазидини вичин жерме элкъуьр хъувуна».