111) Хьекъал долчух дагаволуш воцург шен 1овдалаллица ша вуьсу.
112) Хьекъал долчо аьлларг кега а дой ша хьекъале хетийта лууш хуьлу цхьаверг.
113) Нехан шех дийца дика х1ума доцчунна нахах дийца вуон х1ума карадо.
114) Комаьрша стаг хаставар а комаьршалла хеташ хуьлу б1аьрмециг стаг.
115) Цхьамма динчух г1алат даккха хууш верг ша и дан хууш а ца хуьлу.
116) Барт бохо ойла йолуш верг бахьана доцуш вуьсур вац. Барт бан г1ерташ волчуьнан къахьега деза.
117) Шена к1ел мел сеца а бала т1ебазло.
118) Хьекъал дерг бахам ца хилча а ларур ву. 1овдалчунна бахамо дан г1о а дац.
119) Х1умма а ца хуург 1овдал вац, хаа ца г1ертарг ву 1овдал.
120) Тоба, тхьамда ца хиларх а тоба ю, амма тоба ца хилча тхьамда хир вац.
12. Дахарехь зеделларш
© Copyright: Сайд-Эмин Мартанхо, 2017
Свидетельство о публикации №217110101026
Свидетельство о публикации №217110101026
Рецензии
