перамагаеш небыццё
ды толькі плынь вяртання
цяжкая як свінец
размыты белай варты твары
а марской хваробы соль
драбкамі
абуджае боль
слюну тугі згушчае
і не спатоліць смагу
вятрамі слёз
гайдае карабель
і гэты белы рай баліць
і моташна і млосна ад збавення
няпоўнае глухое
адраджэнне
і толькі пальцы
той што любіць
душы вяртаюць шчыльнасць
свету
колеры і гукі
заўсёды супакояць
хваляў катаванне
адзінае каханай рукі
вяртанне
© Copyright: Янина Пинчук, 2017
Свидетельство о публикации №217112401379
Свидетельство о публикации №217112401379
Рецензии