1. Узбек миллатининг фожеаси

(биринчи макола)
Узбек миллатининг фожеаси хакида ёзаман деб ФБдаги дустларимга ваъда берганимдан сунг, бир неча кун Тошкентда булдим. Афсус, Тошкентда илхом париси ёнимга йуламади.
Узбек миллати фожеаси деганда, бу узбек халки назарда тутилаётгани йук. Узбекистон худудида истикомат килувчи, узбек тилида сузлашувчи барча ахоли назарда тутиляпти. Узбек халки тарихан байналминалчи халк, унинг худудида минг йиллардан буён турли халклар истикомат килади. Албатта, узбек халкининг байналминал фазилати Иккинчи Жахон уруши даврида яккол намоён булди.
Хуллас, бугунги фожеа хакида гапираётган гапим барча узбекистонликларга тегишли. Бу фожеага алокаси булмаган, фожеа келиб чикишига сабаб булган бундай иллатнинг келиб чикиши, амалда булишига алокаси булмаган шахслар орамизда куп. Тугрироги, амалдорлар орасида камрок, халк орасида эса куп.
   Асосий гапга утишдан олдин хаётий бир мисолни айтиб берсам.
Отам рахматлининг укахони, ерда харакатланиб юрадиган транспорт воситалари буйича кучли мутахассис Толик ака (устанинг отаси узбек, онаси рус)нинг автосервисида утган йили куз кунларининг бирида утирибмиз. Уша куни осмонда булут булса-да, кун очик, аммо совукрок эди.
Мотори товуши тариллаб турган бир «Нексия» келиб тухтади. Машинанинг ичида хайдовчининг оила аъзолари – турмуш уртоги ва иккита ёш 10, 7 ёшдаги фарзандлари бор экан. Хайдовчи автосервисга киришдан олдин оила аъзоларини кучада колдирди.
Автомашинанинг товуш пасайтиргич най(глушител)и тешилганидан, мотор товуши карнай каби кучли овоз берарди. Машина ичкарига кириб булгач, ундан хайдовчи тушди ва устага юзланди:
–Уста бува (кашкадарёда хурмат маъносида гапириш), машинани товуш пасайтиргич найини тузата оласизми?
–Тузатишга тузатамиз-у, автоген килиш учун карбид йук-да – деди, уста Толик хафсаласизлик билан.
Хайдовчининг феъли айниб, оркага кайтмокчи булаётганди, орага тушдим.
–Карбидни мен олиб келаман, уста ёрдам килиб юборади,- дедим йуловчига ва устага секингина «эрталабки ризкдан бош тортманг»-дедим-у, ташкарида турган машинамга томон йуналдим.
Хужалик моллари дуконига бориб икки килограмм карбид олиб, устахонага келсам, автомашина ура устига куйилган экан. Уста карбидни темир хумга солиб бироз утиб чайкагач ишга киришди.
Зум утмай иш якунланди. Автомашина эгаси маркабни ут олдириб газни босиб курди. Бинойи. Хайдовчи унга тикилиб турганимни куриб, хурсандлигини билдириш учун тиржайиб менга куз кисиб куйди. Хайдовчи мени хам сервисга келган мижоз деб уйлади, нега куз кисганини кейин тушундим.
–Неча пул булади уста? –суради хайдовчи.
–Уттиз минг,-деди  уста Толик.
–Э, киммат айтдингиз,уста, ун минг берай.
–Ёриги катта экан, бундан ташкари бошка жойларини хам тугриладим, мен ёмон нарх айтмадим.
–Уста, Самаркандга кетяпман, мана сизга ун беш минг, чунтагимда беш юз сумим колди, рози булинг.
Уста хайдовчининг узок сафарга кетаётганлигини эшитиб, индамай пулни олди ва бошка гапирмади. Хайдовчи хурсанд булганча сервисни тарк этди. Унинг менга куз кисганлиги «уста айтган нархнинг ярмини бериб уни боплайман, мени кузат» -дегани экан. Булмаса, Кашкадарёдан Самаркандга кетаётган киши чунтагида 500 сум билан борадими?
Бу машина кетатуриб оркасидан яна бир «Нексия» автомашинаси, айни шундай холатда дуриллаб кириб келди. Машина хайдовчиси кушни Дехконобод туманилик тожик йигит булиб, киракаш шекилли, салонда икки ёки уч кишиси хам бор эди.
Уста бунинг ишини хам рисоладагидек бажариб берди.
–Неча пул булади, уста? –суради хайдовчи.
Бу пайтда устахонада одам купая бошлади, бир 20-25 ёшлардаги йигит «ГАЗ-24» автомашинасининг коробкасини кутариб келди. Яна икки йигит кириб келди.
Хайдовчининг берган саволига жавоб бераётган уста одамлар олдида тортишишини истамади, шекилли, дарров жавоб берди:
–Ун беш минг берсангиз булади.
–Ун беш минг пулим йук, уста бува, беш минг берай.
–Беш минг? Ким сизга бундай ишни беш минг сумга килади?
Масофа бироз узок булгани туфайли улар уртасидаги узаро савдоми ёки тортишувми (нима деб аташниям билмайсан киши) яна бир неча дакика давом этди. Ахийри хайдовчи «уста мана сизга етти минг, шуни олиб туринг, уч минг сумни эртага бериб кетаман» дегач гап тугади.
Устанинг кайфияти бузилгани куриниб турарди. Уттиз минг демай ун беш минг деганди, одамлар унинг белидан хам паст бахони бериб кетишди. Латифанамо гап эшитувдим. Бир кишининг миллион долларлик автомашинаси бузилиб юрмай копти. Энг зур устахонага олиб бориб зур усталарга курсатибди, машина ут олмабди. Мулкдор «ким шуни тузатса юз минг доллар бераман» дебди. Шахарнинг турли бурчакларидан усталар келиб машинани тузатишолмапти. Ахийри, бир кишлоклик уста келибди. Кишлоклик уста машинани обдон куриб чикиб, кейин сумкасидан бир болга олиб унинг бир жойини мулжаллаб битта урган экан машина тузалибди. Бу холатни куриб турган бошка усталар хам, мулкдор хам «битта болга уришга юз минг доллар куплик килади»-дея махоратли устага ваъда килинган пулни беришмабди.
Уста Толик соддалик килди-да, уз пулини олиш учун бирон соат  автомашинанинг у ёк, бу ёгини чукулаб туриш керак эди. Ишни тез бажаргани учун килган мехнати арзон куриняпти. Самаркандда бир жанозада катнашганман. Ушанда биз майитни елкалаб олиб борганимизда, кабрни казган уч-турт гурков йигитлардан бири устидаги тупрокларни кокмокчи булди, аммо, уни ёнидаги шериги секингина туртиб кайтарди. Уларнинг ёнида турганим учун сезиб колдим ва тупрокни кокишдан кайтарган йигитнинг уст-бошига разм солдим. Кун иссик булгани туфайли у йигитнинг бошида румоли оркага тарнов килиб богланган, йигитнинг бошидан бутун танаси ва елкалари узра кабр тупроги атайин сепилгандек жойлаштириб чикилган. Психологик вазиятни каранг, хамма кариндош-уруг, таниш билиш чукур кайгуда, улар уз кадрдонларини сунгги манзилга кузатаяптилар, гурковлар эса «машаккат чекиб, хамма томони чанг, тупрок булиб, роса мехнат килишиб, маййитга кабр казишибди, уларнинг мехнати халол, неча пул десаям олсинлар!».
Афсуски, уз касбининг истеъдодли мутахассиси булган уста Толик килган мехнатини бировларга курсатишни билмайди ёки хамма вакт хам истамайди. Гох-гохида, узи истаган пайтда яхшигина пул ишлашни билади, аммо, бу холат ахён-ахёнда, устанинг пули тугаган пайтда буп туради. Бугун эса унинг пули бор, шекилли, мижозлар неча пул беришса тортишмаяпти.
Уста ишлаётган кайси пайтда юкорида айтганим «ГАЗ-24» автомашинасининг коробкасини олиб келган йигит  качон келувди ёдимдан кутарилибди. Хар калай у инсофли бола эканми, устанинг килган мехнати-ю, олаётган пулига ачиниб кетдими, хизмат хаки масаласига ойдинлик киритмокчи булди.
–Уста бува, мана бу коробканинг тешигини ямаш ишлари неча пул булади? Хар калай олдиндан келишиб олсак буларди.
–...
–Неча пул дейсиз?
Уста йигитнинг кулидаги коробкани куздан кечириб булгач, деди:
–Бу ишни Тошкентда килдирсанг уч юз минг сум булади.
–Эх,-хе. Шунча кимматми?
–Албатта, бу коробка алюминдан ясалган, уни ямаш жуда кийин, Гузорда бу ишни мендан бошка хеч ким килолмайди. Сен узимиздансан юз минг сум берсанг хам булади. Устанинг бу гапига йигит индамади. Уста сукут – розилик аломати деган акидага биноан ишга киришиб кетди.
Бу иш хам унча куп чузилмади. Бояги ёш йигит, гап-сузларидан Ботош кишлогидан эканлигини англадим. Бу кишлок одамлари гапга чечан, узларини мулойим курсатгани билан ута пухта, огзидагини бировга олдириб куймайдиган кишилар тоифасига киради.
Коробка кизиб кетгани боис уни совутиш керак эди.
Устанинг дам оладиган хонасига кирдик. Йигит коробка ёнида колди.
 Бир муддатдан сунг ямалган коробкани кутариб йигит кириб келди ва суради:
–Уста хизматингиз неча пул булади?
Ёшгина ботошлик бола (унинг паст кетаётганлиги сабабли, кузимга у ёш боладек курина бошлади) худди аввал келишилмаганидек устадан хизмат хакини сураётгани мени ажаблантирди. Уста хар холда тажрибали киши, бундай мижозларнинг нима деяётганини билади, шекилли, секингина ёш йигитга келишилган гапни эслатди:
–Мен сенга айтдим-ку, юз минг сум булади, деб.
–Мен, сизни хазиллашдингиз деб уйлабман!
Боланинг бу гаплари мени ранжитди. Чунки, бола безбетлик килаётганди.
–Канака хазил? Буни  альюмин пайвандлаш дейдилар, жуда мураккаб иш. Иш бошлашдан олдин сен сурадинг, мен сенга айтдим «Тошкентда бу ишни уч юз минг сумга килишади, менга юз минг берсанг булади» дедим.
–Уста бува юз мингга мен бундай коробкани янгисини оламан! Лекин, сизни хазиллашяпти, деб уйлагандим
–Канака хазил? Майли, эллик минг бер-у, кетавер.
–Эллик минг сум пулим йук.
–Бошимниям роса котирдинг, бор жуна, сенга килиб берган ишим бепул, хайрия!
Устанинг жахли чикаётгани тугри эди. Йигит ёш булишига карамай роса сурбет хам экан. Кетмайдиям, аксинча, хаммани хайратда колдириб, бундай деди:
–Уста бува, шу ямаб берган коробкани кайтадан тешиб беринг, уша бузук холида кайтариб олиб кетаман.
–Сен бола тентакмисан? Узим ямаб берган нарсани кайтадан тешайми? Ахмокмисан? Бу ёкка кара, сенга йигирма минг сум бераман, кузимдан йукол, буптими?
–Уста, бу коробкани нафакахур отамнинг машинасига оляпман. Бор йук пулим йигирма минг сум, мана олинг,-деди йигитча ва чунтагидан пул чикарди.
Уста пулга кулини чузмади. Йигит пулни уста ётадиган тахта каравотга куйди. Уста бу ёш йигит билан умуман талашишни истамади, унинг тезда бу ердан кетишини хохларди. Чунки, ботошлик йигит гапга чечан чикиб колди. Уста бирон гап айтса, яна енгилиши мумкин.    
 Мана юкорида мен сизга учта вокеани айтдим. Умумий айтганда бу вокеаларнинг хаммаси динимиздаям, миллийлигимиздаям кораланадиган энг ёмон иллат ХАСИСЛИК дейилади.
Афсуски, хасисликнинг турлари куп. Тугрими?
Атроф четимизда содир булаётган хасисликнинг бошка турларига утишдан олдин, юкоридаги хасисликни йукотишнинг ягона йули ПРЕЙСКУРАНТни олдиндан осиб куйиш деб хулоса килсак, менимча маъкул.
2. Узбек миллатининг фожеаси
(иккинчи макола)
Узбек миллатининг фожеаси – хасислик, бахиллик, зикналик!!!
Узбек халкининг бахилликка оид жуда куп маколлари бор. Энг машхури «Бахилнинг боги кукармас» булса керак.
Дунёдаги барча ривожланган халклар мана шу бахиллик иллатини енгиб утолсагина тараккиётга эришган. Бу иллатдан воз кечиш шу мамлакатдаги халкларни бирлаштирадиган куч хам. Бунинг энг самарали, тажрибада синалган ишончли услуби, шу мамлакат зиёлилари.
Хасис Скрудж амаки хакидаги Чарльз Диккенс яратган бадиий образнинг ёйилиши Англия давлати ва халки тараккиётидаги ролини улчаб буладими?
Бекиёс!
Бизнинг ёзувчиларимиз, драматургларимиз, сценарист ва режессёрларимиз олдида турган долзарб мавзу ёркин узбек хасис бойи образини яратишдир.  Хасисликка мисолларимиз эса, бахтга карши утакетган даражада куп, дустлар!
Миллатдошларимизнинг чет элга иш кидириб кетишига сабаб нима?
«Иш булмагандан кейин кетади-да!»
Тугри! Лекин уларни кетишига сабаб узимизнинг окил-у доно бойларимиз. Давлат ишларини айтмай куяколай. Канчадан-канча мардикорларни ишлатиб пулини бермай юрибди, баъзи бойларимиз. Баъзи бир-икки сум топиб семирган товукка ухшаб оркаси кисилган бойвуччалар ишни бажартириб «еган овкатинг унча булди, бунча булди, шунча карз булдинг» -дегувчилариям бор. Баъзида иш хаки бериш пайти келганида «без прописка юрувчиларни текширишяпти» деб куркитиб хакини бермай юрганлари камми?
Бир танишимнинг ягона угли бор. Россияда ишлаб юрибди. «Нега у ёкка кетди?» -деган саволимга мавзу буйича койилмаком жавоб олдим.
«У кариндошнинг уйида ишлади  «туй киляпман, килган ишинг туёна» дебди, бунисикида ишласа «хашар» дебди. Унисининг ахволи огирмиш, бунисининг бошка бахонаси тайёрмиш. Кетади-да».
Кетади. Россияда ишлаб келган йигитларнинг гапини тинглаб утирибман «фалончи куни полиция келиб, документларининг нотугри деб камомокчи булиб махкамасига олиб кетди, лекин, хозяин хам зур одам, куткариб олди».
Улар нима деяётганини билишмайдими? "Хозяин" дегани хужайин. Каранг-а? Хужайиннинг хизматкори булиб ишлаётганини фахр билан айтяпти. Аслида бунинг номини кулчилик дейилади.
Баъзи бир, балким, эътиборимни тортаётган барча ён-атрофимдаги вокеалар сизларга баён этишим учун булаётгандирки, шунинг учун кулимни клавиатурага босяпман.
Келинг шундай вокеалардан бирини сизларга сузлаб берай.
Кариндошларимнинг кули очик, довдирлигига гап йук. Албатта, хасислариям бор. Кариндошларимнинг ишлари юришиб турсинда. Ишлари юришмай турган пайтида улар билан мулокот килиш жуда огир. Гурзидай огир-огир гапларни бошингизга урадики, дилингиз сиёх булиб улардан воз кечиб юборгингиз келади.
Хуллас, кунлардан бир куни якин кариндошларимдан бири шунаканги бир гап килдики, «э, бор-э иккинчи сенинг даргохингга келмайман» -дея чикиб кетдим. Тугри бу гапни унга айтганим йук. У мени хафа булди, деб уйлаганиям йук. Мен узимга узим касд килиб чикиб кетдим.
Кечкурун хуфтондан сунг, калбларга шифо бергувчи дори - Куръонни очиб укиб утирсам, "кимки кариндошлик алокаларини узса, унга Аллохнинг лаънати булур" деган Конунни укиб бутун вужудим титраб кетди.
Кайтараман. Уша кунги вокеада менга каттик гапирган кариндошим, менинг хафа булганимни билгани йук. Мен узимга узим касд килиб кетдим, демакки, кариндошлик ришталарини биринчи булиб мен узяпман (???!!!). Тугри, бу гапни мен хеч бир одамга айтганим йук. Аммо, бировларга уз сузида туриш хакида Аюб пайгамбар мисолини тушунтиравериб хикматли гап килавериб ёдимда колиб кетган ривоят эсимга тушди. Менинг ришта узмокчи булаётганимни Аллох куриб турибди.
Аюб пайгамбар вокеасини эслатиб куя колай. Пайгамбарлар орасида сабр-токат бобида Аюб пайгамбарнинг вокеалари жуда ибратли. У киши касалланиб колганларида хотини нима биландир пайгамбарни хафа килади. Шунда Аюб алайхиссалом «агар согайиб кетсам, хотинимни юз хивчин ураман» деб узларига узлари суз берадилар.
Тузалиб кетгач, айтган гаплари ёддан чикади ёки хотини кузларига яхши куриниб кетади, хуллас у киши хотинини юз хивчин урмокчи булмайдилар.
Бу вазиятни кузатиб турган Аш Шахийддан шунда вахий келади ва адолатли хукм буюрилади «юзта хивчинни бир боглам килиб, хотинингни бир марта ур, берган ваъдангдан кайтма!».
Баъзи бир кишиларнинг «динда ёлгон гапришга рухсат бор» деганларига мана шу вокеа далил. «Йигит киши айтаверади хам, кайтаверади хам» деган совет маколи накадар пасткашлик куроли эканлигини билиб куйинг, дустлар. Берган ваъдангизни бажаринг. Бировларни ишлатиб хаккини беришни пайсалга солманг. Бировни алдашингиз мумкин, лекин Ал Коимни алдай олмайсиз.
Менинг ахволим жуда огир эди. Чунки, мен у кариндошим билан риштани узсам Аллохнинг лаънатига дуч булишим мумкин. Агар Аллохнинг газабига дуч булмайин деб, бугунги узимга берган ваъдамни бузсам, Аллохнинг розилигини олиш учун нима иш килишим керак?
Яна Куръон варакладим.
Ваъдамни бузиб куйган пайтимда учта ишнинг бирини килишим керак экан.
1. Бир кулни озод килиш (менинг тасаввуримда булиши мумкин булмаган иш!!!);
2. Олтмишта мискинни таомлантириш; Бу ишни бажарса булади, аммо харажати бор.
3. Олтмиш кун кетма-кетига руза тутиш. Бу ишниям килса буларди-ю, уша пайтда моддий ахволим бундай ташвишларни кутара олмасди.
Лекин, иккинчи ёки учинчи шартни бажариш учун яхшигина эркин маблаг топгач килиш ниятини калбимга тугиб куйдим.
          Вокеа Тошкент шахрида булиб утганини айтиб куяй. Эртаси куни пешин пайти Тошкент шахридаги мачитларнинг бирига кечикиброк бордим. Адашмасам февраль, йук март  ойлари эди. Хар холда иссик кийиниб юргандик. Пешин намозини укиб булгач, мачит ёнидаги ошхонада тушлик килишниям мулжаллаб турибман.
            Тахорат олиб, мачитга кирдим. Бир пасда уч-турт киши йигилиб колдик. Хаммадан ёши каттаси мен эдим. Турт ракаат суннатни укигач, фарз укиш навбатини бир-биримизга таклиф кила бошладик (хамма жавобгарликдан коча бошлади десам тугрирокдир), «ёши улуг укийди» деган тушунчага биноан имомликка утиш чеки менга тушди.
            Ибодатни адо килиб ташкарига чикувдим, сафда турганларнинг бири, ёши мендан етти-саккиз ёшлар кичик, кора тунли йигит менга мурожаат килиб колди:
         –Ака, уйингизда иш йукми?
         –Канака иш?
         –Бирон бир юмушда,-деди йигит ийманиброк.
         Узим ижарада турсам, устига устак «дом»да.
         –Домда тураман канака иш?
          Бу гапим билан бехосдан йигитнинг умидини сундириб куйдим. Вазиятни бироз юмшатиш максадида, оркага угирилиб кетишга шай турган йигитга дедим:
        –Иш узи сизга нега керак?
        –Уйимга кетишга пул керак. Шунга ишлаб пул топсам дегандим.
       Бу гаплардан кейин юрагим увушиб кетди.
        –Нега пул тополмайсиз, Тошкентга кандай келдингиз?
        Асли водийлик кирк ёшлар атрофидаги йигит бошидан утказган гапларни тушлик пайтида айтиб берди.
        Маълум булишича, улар Остонада куп каватли уй куришган. Иш огир, шунинг учун козок иш берувчилар ишчиларни яхши овкатлантирганлар. Ишчиларнинг паспортларини олиб куйиб бир неча ой давомида иш хаки бермаганлар. Шунда хамсухбатим ва Сурхондарёлик йигитлар иш берувчилардан пулларини талаб килишган. Улар эса купчилик булиб ишчиларни дуппослаганлар. Хорликка чидаёлмаган йигитлар кочишга келишганлар ва Узбекистонга келаётган автобусга миниб олганлар.
          –Божхона постида паспортсиз кандай утдиларинг?
          –Сиз, мени танамдаги жарохат излари кетганида куриб турибсиз. Постга келиб булган вокеани айтиб берувдик, маматалок башарамизни куриб, постдаги йигитлар паспортсиз утказишиб, кулимизга беш-олти сум хам беришди.
          Шу гапдан кейин мен хам хамсухбатимнинг юзига разм солдим, яра излари битай-битай деб турганди. Мени тикилаётганимни курган йигит кули кафтидаги битаётган конли изни хам курсатди.
        –Неча кун булди Тошкентга келганингизга?
        –Ун кунча булди?
        –Каерда ётиб юрибсиз, кунлар совук-ку?
        –Мачитларда ётиб юрибман. Тошкентда баъзи мачитлар кечаси кулфланар экан, четдагилари очик тураркан. Бир хамшахаримни учратиб колиб, бор дардимни айтиб солдим. У менга рахми келиб ун минг сум берди.
         –Уйда бола-чакалар борми?
         –Бор. Уйга етволсам  булди.
          –Таксида кетиш пули неча пул?
          –Фалон минг сум, -деди ва уялиб кузларини олиб кочди.
           Бундай кишилар мискин дейилади. Пулга мухтож, аммо суролмайди. Халол ишлаб пул топайин деб турибди. Буни карангки, водийга таксида етиб борадиган пул менинг чунтагимда бор эди.
            Ошхонадан чикиб чунтагимдаги пулдан хамрохим уйига етиб оладиган пулни бергандим, йигит хурсанд булди-да «телефон номерингизни беринг» деб туриб олди. У пулни менга эрта-индин кайтармокчи.
           –Телефон берилмайди, мен бу ишни холис Аллох учун киляпман, дедим мен.
           –Телефонингиз номерини берсангиз, етиб борганимни хабар киламан,-деди у кувлик килиб.
           –Йук керакмас,-дедим мен.
           Хуллас хайрлашдик.
Мен ибодатли бир мискин, мусофир яна устига-устак мазлум кишига ёрдам берганимдан хурсанд булдим.
           Кечкурун келиб, пешинда булиб утган вокеани мушохада килсам иш кидириб юрган кишини уз оиласи багрига етиб бориши учун килган ишим битта кулни озод килишга тенгмикан? - деган фикрга бориб колдим. Шундай хисобга утишини Ар Рахиймдан умидворман.
          Бу вокеа бежизга мен билан содир булмади, хойнахой. Шунинг учун битта ишчи урни яратган тадбиркорни Аллох наздида жуда катта савоб иш килган киши деб хисоблайман.
          Дустлар! Бировни ишлатсак хизмат хаккини дархол адо килайлик, кулимиздан келса, бу дунёдаги энг савоб катта иш - битта булса-да ишчи урни яратайлик!
                Ишчи урни яратган тадбиркор дустларга эса Аллохнинг рахмати ёгилсин!
                Узбекистон шароитида ЖУДА  КАТТТА САВОБ - ишчи урни яратишнинг осон йуллари баёнини кейинги маколамизда айтамиз, ин ша Аллох!