Борг1али малхи

                Борг1али малхи

      Дукха ха хьалха хиннад из. Лаьтта доагадеш дукха малхаш хиннад хьежаш. Ваха, лела йиш йоацаш, й1айха хиннай. Й1айха я тхона, аьнна, наха а оакхараша а малхаш лелхадаьд. Эг1аздаха малхаш дерригаш д1адахад. Наха оакхарий, оакхарашта нах б1арга ца гуш, баьддийрзар деррига дуне. Лаьтта шелделар.
      Лаьтта мел вахар в1ашаг1кхийтар, малхаш долча ца1 мукъаг1а лаьтта бола, аьнна, дехар де саг вахийта соцам бир. Ч1оаг1а д1айха малхаш долча ваха вухьаш цхьаь-ца1 вацар. Наха «оакхарий дахийта деза» йоахар, оакхараша «наха дикаг1а барт бе ховргда» йоахар.
      Дукха ха йоакх цар, цхьан уйлан т1а бовла ца могаш.
      -Мегаьд, со г1оргъя малхаш долча, -оал з1амигача Борг1ало. Цу хана Борг1ала  ткъамаш дацар, ч1угал а яцар. Массане а, малхаш долча г1етта ваха веза, аьнна, ткъамаш  ду цунна. Къамарг йоагаргйоацаш, мож ю, корта боагаргбоацаш, ч1угал ю. Г1етта, малхаш долча йода Борг1ал. Лакхе хьалкхаьчача, з1амига малх гу цунна. Шийна т1адилла г1улакх д1адувц цо. Ч1оаг1а дехар ду «ца1 мукъаг1а лаьтта бола» аьле.
      -Со малх бац, со бутт ба, со бенабар, аьнна, лаьтта д1охьалургдац. Малхага кхайка хьо, -оал бетто, - со а б1оаг1аргба малхаца цхьана.
      Борг1ало ч1оаг1а ц1ог1а тох. Малх гучабоал. Малх раьза хул лаьтта ба. Цу хана дена, малхи бути, хувцалуш, лаьттанга хьожаш хьабоаг1а.
      Х1аьта Борг1ала ткъамаш, ч1угал, мож юс, малхо йоагаяь ц1е а йолаш. Каст-каста, малх гучабала бицбалар кхераш, Борг1ал кхайк цунга.