351) Бахам хиларх цхьа пайда бу: Бахам гулбеш йойъу хан кхоало.
352) Тейог1у хан муха хир ю цахууш сатуьйсу. Д1аяхна хан муха яра а хууш дагатуьйсу.
353) Х1ума цахаар т1ехтухучо и хаарехь шовкъе во.
354) Вуочо пайда оьцуш долу х1ума, дукхахьолехь, дикачо кхочуш дина хуьлу.
355) Дика г1уллакх динарг вуон диначул а ч1ог1а дохко волу, ваьккхича.
356) Уггар дикачу дарбанех цхьаъ - дарбане сатийсар.
357) Шегахь алсам дерриг го х1оранна а нахехь - дика а, вуон а.
358) Хьехам беш хиларх суьпа а ца хуьлу, дарба хьоьхуш хиларх могуш а ца хуьлу.
359) Къинт1ера вала хууш воцург нахана юккъе г1ерта а ца веза.
360) Баккхийчу нехан хьекъал, дукхахьолехь, юьхь1аьржонах ларбала хаар ду.
36 Дахарехь зеделларш
© Copyright: Сайд-Эмин Мартанхо, 2018
Свидетельство о публикации №218042801718
Свидетельство о публикации №218042801718
Рецензии