Къамаргаш

                КЪАМАРГАШ

     «Мухьмад -Сали, ва Мухьмад-Сали»  - яхаш цIоагIа а детташ  Башир цIагIа чу ваьлча, цунна гу йиший шарф  фоартагIа а йоалаш  метта  улл  ший  доттагI.   «Ай… тахан  чкъаьрий лувца гIоргда ма аьннадий вай» - оал цо.
    «Магац сонна, къамаргаш лазаянний»- хала  юха  йист  хул Мухьмад-Сали. «ДIавала… фу  къамаргаш  я   Iа  ювцараш,  чу веча юха Iавужаргва хьо… гIатт… - йоах Башира, кIаьнка тIа улла юврагIа  увза а беш.    
   - «Наьсара тIехьа вала йиш яц са, когаш тIоадабе йиш яц». 
   -  «Наьсара тIехьа  аз ги  а вела воакхарг ва хьо… кийчале…» - воаккха саг сана цIагI дIа-юха ух Башир. Мухьмад-Салена ховра Башира ше яхачара тIера вакха хала волга, догIа делхе а чкъаьрий даха гIоргда аьнна, чIоагIо а я ер цар къостача хана. НIаний кхоачам а баьбар.
     Шоай зIакхарч а ийца  ШолжатIа чкъаьрий лувца аьнна болх доттагIий. ШолжатIа кхачалехьа Наьсара улар, тIехьа вала везаш. Ше денна дош кхоачаш а деш, Башира ги а вела хина тIехьа воакх Мухьмад-Сали.
 Шолжа чура чкъаьрий лувца гIерташ гаьнна бовл доттагIий. Бакъда акхарга хьежаш багIаш цхьаккха чкъаьра бацар. «Мича дахад уж, вайга хьежаш даьгIараш»… - каст-каста закх хи чу кхувс, лазача къамарго готт ваьча Мухьмад-Салес.
   Ди сайрангахьа даьлар.
   «Ай… хьаоаза … хьаоаза… чкъаьра лаьцаб 1а … - ц1оаг1а а техе Мухьмад-Салин бе доала закха ка етт Башира. Мухьмад-Сале закх ара даьккхача лаьца чкъаьра з1амаг1а бола  п1елгал з1амаг1а бар. Чкъаьра б1арга байча, шийг1а боалла чкъара а т1ехьа закх Шолжачу кхосс эг1азвахача Мухьмад-Сали.
   «Воалле, ц1адолха вай… - оал цо. « Маьгаьд…» - аьлле Наьсара т1ехьа вал аьнна хи чу воал Башир.  «А со …» - ц1ог1а  тох Мухьмад-Сале. «Аза хьо Наьсара т1ехьа воакхарг ва аьннадаре? Аьннадар…, т1ехьа а ваькхав…, къонахчунна дош ц1аъ хала деза, юха т1ехьа воккхарг ва мича аьннадар  аз… - вел Башир. Мухьмад-Сали дехар де оатт, лазаш йола къамаргаш ювц,  т1оаде бе йиш йоаца  когаш бувц. «Маьгаьд…  маьгаьд…  хьа вале, хьа ги эккха,  массахана са ги воалаш ваха воал мотт сонна хьо…» - яхаш вела а велаш Мухьмад-Сали ги а веле Наьсарача воал Башир.
     Башир хи чу ваьлча кхетаду хи къоргаг1а долга.  Юха баха гаьна яр. «Фу до вай?»- аьле шийна ги воаллача Мухьмад-Салега хоатт цо.  «Укхаза г1олла довл» - оал Махьмад-Сале.  Наьсара т1ехьа ваьлча ше ц1аг1а волча сана хетар  цунна.
     Башира г1а ма боакха хи къоргаг1а  хуллар . Башира барцкъаш ги воаллача Мухьмад-Салена бе доахкар. Шийна бе боахка Мухьмад-Сале когаш лакхаг1а айбир Баширас.  Ги воалла Мухьмад-Сали Баширал дег1а  лакхаг1а вар, когаш ураг1а бахача, т1ехьашкара верига хи чу вахар из. Айвала г1ерташ Башира къамаргаш т1о1а ю цо. «Ай къамаргаш, къамаргаш… садаккха  воал хьо са»- яхаш ц1оаг1а ух Баширага. Наьсар Башира  бе боахкача Мухьмад-Сали когашта  кхоачаш латтар. Когаш кха а лакхаг1а айбо Баширас, т1ехьашка  воалла Мухьмад-Сали корта мара ца бусаш веррига хи чу вода, т1аювха хьамаш т1оада а еш. «Ай … т1оада ваьв 1а со… т1оада…» - яхаш ц1ог1а ух цунга. Из хазача Башира кха а лакхаг1а когаш айбо.
     Баширо  Мухьмад-Сали берда т1а 1о ваьккхача ши ког мара декъа хьама дацар. Цунна б1ара хьажа Башир саца ца луш вела волалу. «Когаш ма барий вай тоада бе йиш йоацаш хиннараш, уж вай тоада а баь бац… - йоахар цо велара юкъе.
     Мухьмад-Сали т1ера хьамаш 1оъ яхе 1овда отт, х1аьта Башир берда йисте ший когаш била аьнна 1оверз. 1овирза воалла Башир лохер г1олла юха хьажача, цунна го шийна сихвенна т1авоаг1а Мухьмад-Сали. К1аьнко кхетадо ше т1ехьашкара тетта хи чу кхосса из воалилга. Мухьмад-Сали шийна юхе кхаьчача ваг1ачара тосс а велле кхачахьа хов из. Мухьмад-Сали Башира татта аьнна айдаь кулгаш а долаш Наьсарача вож.
     «Ай… когаш… когаш…» - яхаш в1алла соца ца луш вел Башир.
     «Ма б1еха х1ама я хьо… - йоахар хи чура ше ара ваьлча Мухьмад-Сале  - кхы со дийна волаш хьоца цхьаннахьа  г1орга ма вац со…»
      Соца а ца луш велаш улла Башира б1арахьежаш а лаьтте,  ше а вела лу Мухьмад-Сали.
      Башира декъа барцкъаш дийкъа а дийкъе, шоай маьчеш бе а ехке, когаш берзан ц1енгахьа берз доттаг1ий.
     Шоллаг1ча дийнахьа Мухьмад-Сали къамаргаш в1алла лаза а лаза йий хьог1 аьнна хеталуш тоа лу.