Хьакха

                Хьакха

   Баьцат1а г1олла йоаг1ача, 1уйранна денз меца йоллача Хьакхана гаьннара б1арга го кхайт1а улла к1алхара йоахкаенна харбаз. Харбаз яа аьнна кийченнача Хьакхага йист хул баржаш боала етт. «Ай, йоахкаенна харбаз дег1а дика хуг яц хьона» - аьлле.
  «Сайна хов сонна, 1а хьа ца аьлча а» - оал цунга Хьакхо, мецача б1аргашца б1ара а хьежа.
   Д1ахо йод Хьакха, харбаза а ца юаш.
   Мацало готтъяь, г1айг1ане йодача Хьакха го 1ажаг1енна улла паста. Паста яъ аьнна д1ат1айода из.
  «Паста ч1оргашмерза дац  хьона…» - оал цунга гаьна йоцаш яржаш йолача виру.
    Эг1аз йода Хьакха, вирага йист а ца хулаш, паста а ца юаш цигара йод из.
   «Ма ч1оаг1а со х1ама даа 1омае г1ерта ераш… - йоах цо ше-шийца, - сайна хов сонна фу, мишта яъ еза».
   Лаьтта лакхаг1а кха х1ама йий хьог1 яъ йиш йолаш, аьнна Хьакха ураг1а хьажача гаьнат1ара михо оагадаь б1ара дож цунна муц1арат1а «Йера-м дуадда хьона аз» - аьнна б1ара дежача йод Хьакха.
  «Б1ара т1ера дуаж дац хьона»…- кхайк цунга гаьнат1а яг1а къайг. Цунга хьажа аьнна корта айбеча юкъаг1а къайго б1ара хьо.
  Ч1оаг1а эг1аза йода Хьакха.
  Корта лаьтта чу а белла, кхы ураг1а ца хьожаш, шийна гонахьара бараш теркал а ца беш, шийна кора мел яр бе йоацаш, хьаккха юаш яха йолалу Хьакха.
   Цу хана денз, Хьакх аьнна ци а тул цунна.