Жижиг духкучохь

          Мацах  цкъа  цхьа  куро  накъост  жижиг  эца  вахана  хилла  г1алахь.  Х1ара ваханчу  жижиг   духкучу   меттехь   и  эца   веана  масийтта  божарех   стаг  а  хилла,   царна   юкъе нисъелла  цхьа  жима, товш  зуда  а  хилла.
          - Т1аьхьара  мила  ву?  – аьлла,  хатта  а  хаьттина,  рог1е  д1ах1оьттина  х1ара. 
          Дан х1ума    а   доцуш,   луьйш-олуш   х1орш   лаьтташ,   тIевеанчо,  и   зуда   хьовзо   дагахь,   аьлла-кх:
          - Ва  зуда,  ахь  мукъане   а  х1ун   леладо   теша,  дуй  хьуна,  божаршна   юккъе   а еана?
          Т1ехьаьжна  а маттана ируо йолчух  тера  йолчу  зудчо,  кхунна  дуьхьал  а  йирзина, йела  а къежаш,  аьлла:
          - Ватта!  И  х1ун  къамел  ду?  Шуна  санна  жижиг  ца  деза сунаъ?
          - Дезахь,  хьан-сан  десара  веза  шай стаг ваийта, наха  санна, дуй  хьуна…
          - Стаг  ца  хилча  х1ун  да  деза  т1акха?  Шун  зударийн   санна,   массера  а  ма   бац стегарий…
          - Дера  беза,  дуй  хьуна,  хьайн  цхьа  г1айг1а  бан. Ца  хуьлча  т1е  далахь,  со а ву-кх  хьуна  кху меттехь  лаьтташ, дуй  хьуна, - аьлла  куро  хаьн  т1е  куьг  а  диллина  аг1ор сеттина  накъост.
          - ?!
          - Бухахь  кхоъ  йолуш  ю,  хьо  цхьаъ  т1екхетарх  галдала  х1ума  а  дац,  дуй  хьуна- деца  хьуна...
          - Эс-сай… - аьлла ца йешаш зудчо,  коьртера когашка  кхаччалц  леррина  къонахчух б1аьрг  а  тухуш. 
          Т1акха  т1етоьхна:
          - Хьан  йоьалг1а   зуда  а  хилла,  хьуна  рог1е  х1уттучул,  кхузахь  жижиг оьцу-черан  рог1ехь  латта  реза  ю-кх  со, йелла  д1айаллалц…  Хьуна  х1у  моьтту  мотта.?!


         


Рецензии
На это произведение написаны 2 рецензии, здесь отображается последняя, остальные - в полном списке.