СПАТЫЧКІ
Любая добрая справа абавязкова пачынаецца з нейкай спатычкі. Так мяне вучылі мнахі. Нейкая парушынка патрапіць у вока, каб стварыць перашкоду. Гэта амаль што правіла. Будзь асабліва пільным і ўважлівым, калі ўсё пачалося без сучка і задзірынкі і далей робіцца як бы само сабою, нават без тваіх намаганняў. Спыніся. Аглядзіся навокал. Прыслухайся да сябе і наваколля. "Яму сам рагаты собіць", "Чорт качагарыць і ў топку паленцы падкідвае" - гавораць у народзе пра такі стан рэчаў. І ды задумайся: ці не падмялі перад табою дарогу сваімі хвастамі нячысцікі?
Падобную, але зусім іншага роду спатычку чакай і тады, калі ты шчыра ад усяго сэрца аказаў нейкаму міласць. За бліжэйшым вуглом цябе ўжо чакаюць, каб зрабіць падсечку і ўкрасці благадаць.
Спатычка
© Copyright: Анатоль Кудласевич, 2018
Свидетельство о публикации №218082700779
Свидетельство о публикации №218082700779
Рецензии