***

Резванова Айза



Резванова Айза

Хьо вист а ца хуьлуш д1атеро,
Сан дагна т1е 1аткъам бо...
Сил дукха хьо дагна везаро,
Ойланаш сан керчайо...

Д1о геннахь схьагучу серлонах,
1ехалой са айъало...
Шеконо синхьаса уозабой,
юху а са хьере до...

Хьомениг сан деган аз хазий,
Сан синтем ахь хьасталахь...
Сан ц1енчу безамна дог дастий,
Са маьрша ахь даккхалахь!

1)Р.А.

АЛЛАХ1 ВОЦЧАХЬ ЦХЬА А ВАЦ,
БЕКХАМ БОЦУШ ДУЬСУР ДАЦ...
КХУ ДУЬНЕНАН ДА ВУ ЦХЬАЪ,
ЦУНАХ ДОВЛА МЕТТИГ ЯЦ...

АДАМ ХЬИСПЕХЬ ШАЙТАНАШ,
ДУ ГО БИНА ЛАЬТТАШ ДЕРШ...
АДАМАЛЛА ЭШОР ШАЬШ,
БОХУШ ИРЪЕШ ОЙЛАНАШ...

АЛЛАХ1 - ДЕЛА ЦХЬАЪ ВЕШ БЕРШ,
КХОЬРУШ БАЦ ЦУ КЪИЗАЛЛЕХ...
ЦУ Г1АЗОТАН ДЕКЪАХЬ ШАЬШ,
ХИРГ ХИЛАРАХ БАККХИЙБЕШ...

ЦУ ИБЛИЙСАН - ЛАЙН КХЕТАМ,
БАЦ И ХАА ХЬЕКЪАЛЧОХЬ...
СА БИЙЛАРНА ВАЙХ ХЬЕГАМ,
ХАЬДДА БУ УЬШ АДАМАЛЛЕХ...

ДУЬНЕНО А НУЬЦКЪАЛЛА,
ЛОРУШ ХИЛЛАЧ РОССИЙНО...
ДУЬНЕ А ШЕХ КХАРДАДЕШ,
ЙОВЗИЙТА ШЕН К1ЕЗГАЛЛА...

НОХЧИЙН КЪАМ ЦА КАГДЕЛЛА,
ЦЕРАН ДЕГНАШ Ч1АГ1ДЕЛЛА...
АЛЛАХ1 - ДЕЛА ЦХЬАЪ ВЕШ КЪАМ,
КХУЬУР ДУ ШЕН БЕКХАМ БАН!!!

Р.А.

Аллах1 Дала 1алаш бойла и к1ентий балаза белахь!
Д1а кхелхинехь Аллах1а г1азотехь хьоьстийла церан синош!
Дала собар а, ницкъ а, иман а лойла вайн нохчийн къомана!

Ин Ша Аллах1!
"К1ар - к1ир,, деш д1аоьху г1арг1улеш, сан деган ане,
Х1инца а лаьтта со и аьзнаш схьаоьхуш лере...
Юх - юха самаюьйлу сан эесехь ца еъна кхане,
Цкъа мацах суьйренца вайшимма йиллинчу хене....

2)
Вуьтур вара ас хьо а,
Д1аихна 1уьйренаш санна,
Ца хилча г1оттуш хьо,
1уьйренан малхах сан дагчохь...
Вицвийр вара, тидмаза,
йисина суьйренаш санна,
Ц1ийеллач суьйренех
йогуш сан беснеш ца хилча...
Воккхур вара хьо генна, 
нур дайна седанах терра,
Де буьйса ца къаьстош,
хьо ларвеш, ха деш дог ца хилча...
Ткъа х1инца, х1ун де ас,
Са доь1у х1аваъ сан хьо хилча!?

3)
Цхьа бахьна

Хьан ойланаш ю - те г1ийла,
Ирсах маьрша висина...
Сингаттаме ву - те, тийна,
Цунах дог цадалларна?

Д1о седанал генар - ч суна,
Х1унда къеги - те хьан са?
1а д1адолуш йисина г1ура,
Д1айов, еший, т1адмаза...

Суна - м хетта даима хьо,
Седана уллер беттаса...
Кхоллаеллий - те хьан ойла,
Хьайна улле со таръян?

Иштта делахь, и сан ирс ду,
Хьо сан дагчохь къагар а...
Цхьа бахьна ду, ас хьан амат,
Берахь дуьйна кхабар а...

4
Ма яц - кха сан 1уьйре хьох къаьсташ,
Я суьйре дог дуьллуш яц...
Сан дерриг дуьне ду хьох лаьтташ,
Хьох г1оттуш, я бузуш малх...

Б1аьсте ахь сан дагчохь декъалйо,
Ца г1елдеш сан лерехь аз...
Ахь шийла мехаш д1а чехадо,
 Хьекъадеш марзонан зазз....

Цундела сан даго лоькху йиш,
Ца къарлуш ахь белла тешам ...
Лаьар - кха, хьан дагчохь хила и,
Дахаре са ирден безам...

5
Човха дехьа, сан дог, човха дехьа,
Ойла йоккхуш хьайна генна сан,
Делхадехьа, б1аьргаш делхадехьа,
Цкъа а са ца тийсийта хьо ган...
Къахкабехьа, безам, къахкабехьа,
Къахь деш суна хьуо вевзина де,
Харца дехьа, дерриг, харцадехьа,
Ницкъ луш йицъян, дагна хьоме ц1е...

6
Х1унда хьо схьагушехь йоьду со
бераллийн хене,
Ас лоьху те стенна, цкъа тайнарг
бераллехь сайна.
Уьду те са цига, лууш и марзо
Хьох эеян,
Я лаьа хьан дагчохь бер санна
Лечкъаш дог тедан??...

Хьан терго лела сан дахарехь
Ойланаш къажйеш,
Сахиллалц седарчех къега и
Хьох ойла хазъеш.
Сатосучу седанах со тарлой,
Са долу серла..
Дуьне сан сих къаггал там хуьлий,
Ирсах дог кхела....

7
Са парг1ат хир ву хьо - м,
Хьайн дагахь дерг аьлла,
Сан деган чиркх бойуш д1а...
Цу дешан ойла еш,
Са парг1ат ца долуш,
Со йиси бодашкахь 1а...

Дог1ане ойланаш,
Малхехь сан якъийна,
Са серла даьккхина цкъа...
Бала сан лалина,
Сан дагчу тарбина,
Х1ордах ахь ди суна - м ц1а...

Со хьанах тешар ю,
Муьлха некъ лоцур бу,
Юху ас бакъ бина схьа....
Сан даго къобал веш,
Со теша 1амийнарг,
Ца кхои - ч, ахь а сан са...

8
Хьо воцчу йоьду со,
Кхин цкъа а хьан аз а ца хаза,
Хьан некъаш дуьту ас,
Сих хедош, са хьоьга ца тийсса,
Хьоьга ду цхьа дехар,
1индаг1ах, сан си т1е ца хьийзаш,
Йиталахь со яха, заманца,
Кхин юха ца ийзош...

Хьо воцчу йоьду со,
Малх кхетар, ца кхетар
Бен доцуш,
Дахарехь сайн некъан,
Аьттонаш, халонаш
Ца лоьруш...
Хьоьга ду цхьа дехар,
Сан дагчохь кхин
Малхах ца г1уьттуш,
Йиталахь со яха,
Йочана, йоькханах
Ца хоьрцуш...

Хьо воцчу йоьду со,
Мехех я дог1анех
Ца лечкъаш...
Есачу есаллех,
Сийначу паналлех,
Са хьерчош...
Хьоьга ду цхьа дехар,
Нагахь хьайн синкъа ас
Хьарчийнехь...
Къинт1ера валалахь,
Ас дагца доькъур ду,
Хьо эешар....

9
Меле ца хиллехь

Хьайн дагчу некъ боьхкуш,
Дош ахьа алахь...
Сацор бу ас сайгахь,
Сайн деган бала...
Цкъа мацах ирсана
Йоьттина г1ала,
Юьтур ас бодашкахь
Чиркх латош, сайнна...

Цкъа наггахь са хецча
Иесе ас дажа,
Марзонан х1ол а хир
Цунна т1е товжа...
Меле сан ца хиллехь
Хьан дагчу кхачар,
Суна ма биталахь,
Ахь дагахьбаллам...

Саьхьара ца хилла,
Ойла сан цкъа а,
Ца темаш томехьа
Литтина - кх, сица...

10
Хьо вог1ург ма хилла,
Геннара б1аьрг тоха.
Со ехачу дозанан,
Синбарам буста...
Хаарий ткъа хьуна,
Цкъа мацах дуьйна схьа...
Ас лелош хилар а,
Хьайн некъан бустам?

Хьо геннахь хилар а,
Дегйовхо лоруш,
Йоккхаер дара соьца,
Ирсан да хила...
Цхьана дийнахь синмерза,
Мукъамаш совцахь...
Ца уьдуш соцур бу,
Са лоьру цхьамза...

11
Ас ма дукха далхийна хьо эшар,
Сагатдеш ас, дог а делхийна....
Хьох хили сан, ас кхоьллина хьегам,
Сайн безаман ц1е а тиллина...

Геннахь хиларх, суна - м тов сайн харжам,
Асса - м дерриг дуьйцу хьоьга д1а...
Хьо бу сан ницкъ, хьо сан деган тешам,
Совг1ате бу суна кхоллам хьан...

Азаллехь со, кху дуьненчу йог1уш,
Ас хаьржина хилла безам сан,
Т1аьххьара со, дуьнено шех къастош,
Сан б1аьргаш чохь соцур ду сурт хьан....

12

Кхолламо хьаьстича, ирс декъа хьоьгуш,
Ойланца, вайн некъаш вовшеха тоьгуш.
Дахаран хьесап а, сан дуьхьа лоьруш,
Ахь бекхам бехьа сан дог хьегнарг, суна!

Хьо цхьаллехь висича, сан амат доьшуш,
Сан б1аьргийн г1айг1анийн 1алашо лоьхуш.
Кхолламе къайлаха, соьца ирс доьхуш,
Ахь бекхам бехьа сан дог хьегнарг, суна!

Суьйренца со йог1у ураме вуьйлуш,
Безаман нур - з1аьнар лаца сатуьйсуш.
Я мерза ойланаш къахьъян ницкъ лоьхуш,
Ахь бекхам бехьа сан дог хьегнарг, суна!

Ахь бекхам бехьа сан дог хьегнарг, суна,
Хьо суна мел везна, хуур ду хьуна....

13

Ткъа суна - м хьо веза,
Мохь бетташ безамна елххал...
Веза хьан ойла еш, хьекъалах безамна талххал...
Хьоьца бу дуьненахь ирсечу дахаре хьежам,
Хьо воцчахь тешалахь, сан некъ бу, боцуш шех хьегам....

Ахь бехк ма биллалахь,
Дуьйцахь ас, доцу хьал хьоьгахь,
Хьо тешо ца г1ерта, дуьххьал д1а,
лаьа хьо кхета....
Безаман ницкъ хилла - кх, гач дан а, б1е шерийн некъаш,
Ницкъ хилла - кх безаман, хьал - бахам бицбеш хьо веза.....

14

Генара хьо х1унда ву те сан дагна сел уллера,
Х1унда са уьду те, хьан даг чох меттиг шена еха??
И хила йиш юй те, ца лазош кхечуьнан синхьаса,
Я ю те со ойла ца еш кхин, боьхуш сайн синкхача...

И иштта делахь ас доьху хьо, къинт1ера валалахь,
Сирлачу хьан деган серлонга полланах идарах....
Даима вара хьо, сан деган туьйранийн ойланехь,
Ткъа тахна хили хьох, сан деган бакъ волу паччахьа...

15
Ма веъа велар хьо сан дагчу,
Ткъа х1инца, ма хьиехьа дог...
Валанза ца 1иехь хьо дагчуьра,
Ца лазош бехьа хьайн некъ...

Сан дагчохь етта хьох ойланаш,
Кхин дуьне, дахар дицдеш...
Хьо лела геналлехь некъаш деш,
Хьо вац ас ен ойла еш...

Х1ун дер ас кху деган г1елонна,
Безамо г1елдина хьал...
Бен доцуш хьо велахь сох кхетар,
Йита ахь, кхин ца беш хам.....

Ма веъа велар хьо сан дагчу,
Ткъа х1инца, ма хьиехьа дог...
Валанза ца 1иехь хьо дагчуьра,
Ца лазош бехьа хьайн некъ...

16

Со х1уьттур яц, хьан некъа т1е,
Йоьхуш серло сина сайн....
Я лелар яц хьо вицвина,
Яций со - м, хьох безам байна...

Ехар ю со сайн ойланца,
Ца беш хьуна бала сайх...
Хьан а хила тарло дагчохь,
Со йоцург кхин дагна тайна...

Зама денна юьйлу гена,
Цо ца лахдо болар шен...
Со х1унда ю, сов дог к1еда,
Сайн дог кхардош айса  сайх?

Безамо - м хьа - х воккху шеха,
Дамара - дурц деш амалах...
Амма йиш яц сан кхин сеца,
Сайн лааман йийсарехь....

17

Бен йоцуш со хьуна хилча,
Хьо х1унда кхечи сан дагчу,
Дог дагош сан ц1е ца хилча,
Сан даго хьо стенна хаьржи??

Бакъо ю хьан херехь сеца,
Хазахета ца йоккхуш ц1е а....
Амма яц бакъо со леян,
Дуьтуш дог шеконаш херца....

Боккъал а, ас доьху хьоьга,
Алахьа цхьа бакъ дерг сох...
Ю те со деса дог кхобуш,
Я ву те, дог къуьйлуш хьо??

18

Гуьйре а д1аели, ца хезаш аз хьан,
Шен хазчу басаршна т1е воьхуш хьо...
Х1ун дер ткъа, х1оранна бу шен - шен лазам,
Ца йоьг1на - кх, гуьйренна маьлха йовхо...

Дагна бу гергара, гуьйренан кхоллам,
Тхойшинна самукъа вовшаца дог1а...
Жималлийн лаамех сан ойла санна,
Б1аьстенан аматех гуьйре а хьаьрча...

Ду иза сов ч1ог1а гуьйренехь дог1уш,
Воккхаллийн амалца хаза забар санна...
Х1ун совг1ат дийр ду ткъа, гуьйрено суна,
Ас цунна а, ца хаахь вовшашца хьаста...

19

Хьан х1ора дош а ду суна сов мехала,
Бакъ долчу дешан мах - м,  х1оттийна бац...
Ахь бечу хьехамо сан некъ а табина,
Есачу баттара тур даккхалац....

20

Со жима бер санна ма г1ерта хьан деган йовхоне,
Геннара ма хьоьсту б1арз делла сан са хьан ховхалло...
Хьан деган корашка хьоду са, полланах айалой,
Юху а кхерало, шийла ло ма хуьлу, сирла к1ай....

21

Ахь тесна йитича,
Со цхьаллехь йисина моттал,
Цхьалхачу суна
Ма гергара хиллера хьо?
Даима дахарехь,
Со сайца шабаршка юьйлуш,
1аламо дог хьоьстуш,
Кхин бахам сов хетта - ч сан....

22

Юй теша хьан деган корашкахь го серло тешаме?
Я сан дог ду теша сов ч1ог1а кхийдаш хьан безаме?
Со - м яга ю кийча, ца къаьхкаш хьан некъан дина сий,
Дуьненна д1агайта, мехалла, хьо санна  къонахийн....

23

Хьекъало бехк баьккхи дагах сан,
Хаттарца, шен дарна г1ад...
Хьо стенна сагатдеш лела те,
Х1унда ахь йайи сан наб?

Дог сецна, ладоьг1уш "тап,, аьлла,
Ойланца делакъежи...
Б1аьргаш чохь къегинчу седарчех,
Ца кхетахь,  хьо хьекъал - м дац...

24

Велара хьо сан дагчохь, кхечера мог1ара,
Хьо церан мог1аре х1отта...
Я хилча уьш санна д1а татта атта,
Сайн дагна хьо хера ваккха...
Ткъа х1инца ас муха тида хьан г1иллакх,
Терза хьох ца х1утту техка,
Ахь еллачу йовхоно г1аттинчу деган,
Ницкъ бац - кха, безамах къаста...

25

Ма яц - кха сан 1уьйре хьох къаьсташ,
Я суьйре дог дуьллуш яц...
Сан дерриг дуьне ду хьох лаьтташ,
Хьох г1оттуш, я бузуш малх...

Б1аьсте ахь сан дагчохь декъалйо,
Ца г1елдеш сан лерехь аз...
Ахь шийла мехаш д1а чехадо,
 Хьекъадеш марзонан зазз....

Цундела сан даго лоькху йиш,
Ца къарлуш ахь белла тешам ...
Лаьар - кха, хьан дагчохь хила и,
Дахаре са ирден безам...

26

Деган баьрчче сан сурт х1иттош,
Доьху, ма 1ехаде дог...
Сица доцург некъа ийзош,
Яций со - м, хьан ирбеш б1аьрг....

Г1иллакх барамал т1ех даьллехь,
Бехк ма билла суна ахь...
Сов ца яла соьцуш зил т1ехь,
Лела со, хьох лоьцуш бехк...

27

Со дохко ца яьлла,
Дог хьох тешийна.
Сингаттам тов суна - м,
Хьох болу сайн...
Ирс хета ахь дагца
Къобал деш тайна,
Хьастарна сан лаам,
Лазам д1абайна...

28

Бен йоцуш со хьуна хилча,
Хьо х1унда кхечи сан дагчу,
Дог дагош сан ц1е ца хилча,
Сан даго хьо стенна хаьржи??

Бакъо ю хьан херехь сеца,
Хазахета ца йоккхуш ц1е...
Амма яц бакъо со леян,
Деган тешам д1а боккхуш  шех....

Боккъал а ас доьху хьоьга,
Алахьа, цхьа бакъ дерг сох...
Ю те со деса дог кхобуш,
Я ву те, дог къуьйлуш   хьо?

29

Ас хьох ен ойланаш ю сирла,
Седарчех баттана ца къасттал...
Хьо волчу болар до ас маса,
Хьозано х1аваэхь некъ биттал...

Сатийсам сабуьйлу сан хьо ган,
Хьо ца гуш хан ялахь дог саццал...
Синмарзо ю хьоьха д1аийна,
Хьох ялахь дег1ах са д1акъасттал...

Хаац - кха, вуй те хьо са  тийна,
Сан деган серлонгахь ца саццал...
Я ю - те, хьан деган г1айренгахь,
Цхьа къайле, сан ирсах дог 1аббал....

Малхаца гуо бохуш дуьненна
Аса - м хьо лийхира ца к1адлуш...
Мацца цкъа карийча хьо сайна,
Сан синтем ахь буьйли - кх лаг оззош....

30
Кхардахьа

Велахьа, кхардахьа безамах сан,
Суна хьо везарх цец валий...
Кхаьрдинарг т1е дог1у боху и къа,
Дер дацара те хьуна бале?

Волахьа, кхачахьа хьомениг хьо,
Сагат деш вацахь со гаре...
Х1ун хаа,  са 1ехо веъначахь сан,
Ас юьллий хьан дагчу кхане...

Алахьа, дийцахьа, безамах ахь,
Хаза дош мелехь ду алий,
Даггара ц1ена дерг са даьлла сан,
Хир йацара те декъал къайле.....

Хьажахьа, сацахьа сан некъа цкъа,
Ца хууш тилкхаза валий,
Хир дацара те висар, ца къааьсташ д1а,
Бериг бехк кхолламан ларий....

31
Ма хетахьа

Ма хетахьа хьуо декъаза,
я со декъала,
Ца хиллера кху сан дагна,
цхьаъ хьол уллера...
Ас ойланаш ца йинера
кхечух безаман,
Вац те хьо сан дагах кхеташ,
я со галъяьлла!?

Гуьйре суна - м къежаш хета,
кхоэе совг1атца,
Дитташа г1аш д1а ца хоьцу,
ловза мехашца.....
Куьце аренаш а лаьтта, 
лепаш томана,
Хьан г1иллакхаш кху сан сица,
ма схьаэеделла....

Юха еъна кхечи суьйре,
эехье ц1ийелла,
Маьлхан месех хьаьрча мархаш,
Къастар дазделла...
Ца хилахь хьо тахна гойла,
Ши б1аьрг ца къовлуш.
Со хьоьжур ю, цу хьан суьрте,
Хьох дог ца дуьллуш....

32
Говза хили хьо лакхене кхача,
Г1атто нуьрца сан д1абайна малх ...
Б1асте ялий ахь сан дагна яца,
Шовданех д1а хецадели аз ...

Д1о стиглара беттасих хьо къеги,
Седанах со йоьхуш хьайна т1е...
Сан кийрара ша - лам бешна бели,
Дуьне, дахар хьоьца марздели...

Сан сих хьаьрчаш,
Б1аьсте дагчохь яьржи...
Зезагашца кхели некъаш вайн,
Маьлха дог1а, вайн ирс кхиош 1ени
Стела1ад схьа хьевзи ойланийн...

Хьан амало кхоьлли ц1ена безам,
К1еда, мерза декош лерехь аз...
Сан б1аьргашна тайна хьоьга хьежар,
Хьан амато хьарси дагчу зазз....

33
Безамо шераш ца лоьру,
Ца хоьржу заманан МУР....
Бахаме, хьоле ца хьоьжуш,
Цо дагчохь къагадо нур...

Жималлийн шерашка вуьгий,
Къаналлех кхардадо дог....
Къоналлийн доьналлех воккхий,
Акха д1а идабо ког....

Т1аккха цкъа мацца а тухий,
Динара воссаво цо…
Ша шега хаьттарш деш, духий,
Дерриг чохь къовлало дог....

34
И иштта - м ду.

Со х1унда хьоьжу хьан суьрте,
Стенна ас йоху хьан ц1е...
Х1унда сатуьйсу хьо гаре,
Дагар деш мел дог1у де...

Хьо х1унда воьху ас малхе,
Я батте, седарчешка...
Х1унда суо хета те ирсе,
Хьо ирсе хилар хиъча...

Х1унда сан даго хьо хоьржу,
Кхечарах къаьставеш схьа...
Хьох иллеш ас х1унда дог1у,
Гуьйренан 1уьйре хазъян...

Т1аьххьара безам бу мерза,
Олуша - м со хезна ю...
Амма и безам бу алар,
Ца тарлахь и иштта - м ду...

35

Ас хьо вуьту, хьйн лаамехь ваха,
Сан лаамах ахь бинехь а х1оз...
Йича ойла ас кхечанхьа некъ бан
Юху хьевза, хьох тарделла моз...

Малхо з1аьнарш хецаяларх д1аса,
Гулйо ерриг юху шена чу...
Иштта даго дахарах ен ойла,
Хьайха хьерчош, хьо сан дагчохь ву...

Седарчий а къега ша - ша, бохуш,
Лепаш суна, даге доьхуш жоп....
Сан б1аргаша хьан аматах лоьруш,
Батте дуьйцу мерза ойланех...

Ас хьо вуьту, хьйн лаамехь ваха,
Сан лаамех ахь бинехь а х1оз...
Йича ойла, ас кхечанхьа некъ бан
Юху хьевза хьох тарделла моз...

36
Чакхъели вайшинна б1аьсте,
Д1акхелхи т1аьххьара зазз...
Сан дагчохь кхин "ц1ар,, ца декош,
Къардели цаьпцалгийн аз...

Хьан къамел дац хьалхалера,
1уьйренан олхазарех...
Хетарехь, хьан дагчу хецна,
Б1аьстено самукъне аз...

Х1умма дац хьан дагна тайнехь,
Асса - м хьо декъала во...
Безаман хало ца лайнехь,
Дахаран хьесап ца го....

37
Ас кхолламе

Ас кхолламе тахана а доьху,
Ирсе воьлуш гайтар суна хьо...
Дагна везарх, хьоьца ас ца лоьху,
Сайна безам, я ирсе яр со...

Ас кхолламе тахана а доьху,
Б1аьсте санна, дахар хаздар хьан...
Т1аккха а со, хир яц  хьоьха хьоьгуш,
Хьох йоккхаер дагна тайна сан...

Ас кхолламе тахана а доьху,
Х1ора м1аьрго малхах къагор хьан....
Сайн 1индаг1ашна ас, малх ца лоьху,
Лаам бу сан, хьан некъ декъала ган....
*********
Со - м йоьллера хьан хазачу г1иллакхех,
Б1аьстенна малх санна дара х1ора дош...
Ойланаш а денъелера зезагех,
Ма хьашт доцуш йоьсси вайна юккъе дохк.


Ахь кхи со ца лен йо
Бетта са сох делош..
Сан безам ца тенбо,
Шен ирсах б1о къажош...
Со хено 1амийна
Сайн некъан зил ларбан,
Амма дог ца 1ема
Везачун х1илла дан...


Со дохко ца яьлла,
Дог хьох тешорна.
Сингаттам тов суна - м,
Хьох болу сайн...
Ирс хета ахь дагца
Къобал деш тайна,
Хьастарна сан лаам,
Лазамах боккхуш...


Резванова Айза

Хьо муха веха те, х1ун хьал ду хьоьгахь,
Лела те хьуо везнарг йицйина хьо??
Я ву те халонгахь, ка йоцуш гойла,
Къайлаха йохуш хьайн безаман ц1е?

Со - м еха хьан некъашна йоьхуш маршо,
Хьо ирсе велахь и ирс хеташ сайн...
Кхолламо вайга ца хоьржийту оьшург,
Ша хоржу дахарна шен совг1ат дан...

Мехашца яхь юьйлуш д1а уьду зама,
Со а 1а де - дийне ларбеш цхьа кхаъ...
Малх боцуш, нур лепаш хир дар - кха башха,
Сан дагна томехь хьан аз хеза де...


Р.А.
"К1ар - к1ир,, деш д1аоьху г1арг1улеш, сан деган ане,
Х1инца а лаьтта со и аьзнаш схьаоьхуш лере...
Юх - юха самаюьйлу сан эесехь ца еъна кхане,
Цкъа мацах суьйренца вайшимма йиллинчу хене....

Юха а йоьрзур ю г1арг1улеш, йохъелча б1асте,
Хезар ду геннара мохь бетташ аьзнаш схьа кхоэе...
Юха а хетар ду и аьзнаш сан дагна томехь,
Б1аьргашца лоьцур ду ас амат, сайн дагна хьоме...

Р.А.





Дог доьлху... доьлху дог, тоха са доцуш,
Яхь йолчу вежарех лозу дог сан...
Иманан нур - беснеш шайн юьхь т1ехь догуш,
Стогаллех ца бухуш уьш кхелхи д1а...

Мила ву тахана ца 1аьббарг царах?
Мила ву цу к1ентех ца лозург дог?
Битийша тхан Даймохк, йийца лар доцурш,
Шу - м даций нохчийн ц1ийх, къацахетарш тхох....
Р.А.
Хьан 1уьйренаш мичхьа лела теша,
Я суьйренаш мичхьа йоьрзу чу??
Са тединна 1еминарг хьайх теша,
Ахь ма йити дагах тоьхна ч1у....

Хьан 1уьйренах хир юй техьа маьрша,


Мила ву сел ч1ог1а нохчий ца безаш

(Яздархо, Ченчаев Шамсудди дагалоцуш)

Хьо - м д1а ваха, тийна - таь1на 1ийна,
Гинарг - лайнарг дуьтуш кехат т1ехь...
Хьан эсалчу б1аьргаш чухула къиежа,
Диси тхуна хьоьгара эхь - бехк...

Вацара хьо цкъа а еш догзалла,
Хьайгара цу хазчу г1иллакхех...
Хьоьгахь гуора дуьззина адамалла,
Ахь и дити тхуна, весетехь...

Тхо юху а схьагулдели х1инца,
Дагадовла кинишкийн ц1а чохь...
Хьо вацахь гуш, хьан сурт сема хьоьжа,
Тхан лазамаш хоьрцуш дегнаш чохь...

Делан совг1ат, хьайга кхаьчна са хьайн,
Ахь лелийра ц1енна дуьненахь.
Тахна хьоьга кхаьчна долу эхарт,
Хир ду юьхь - к1ай, хьо гуш декъалчахь...

Ин Ша Аллах1!
16.12.2018

Даймохк цабитина д1абахначара,
Д1абаьхьна и лело шайн дагчохь цара.
Уьша - м ц1абоьрзур бу,  шайн марзо йолчча,
Къацхетарш хилла - кха, цатуьгуш 1аба...

Кхолламан кхел хилла къаьстиначарах а,
Я Делан лаамца ц1ахь бисначарах а,
Даймехкан лазаме бен доцуш хьежа,
Доьзал ма кхуьийла, Даймохк,  хьан кхерчахь!

Р.А.
Хьо хьоьжу лаьмнашка
Хийрачу мехкан,
Ткъа даго йоьху схьа,
Марзо Даймехкан...
Хоьрцу ахь ойланаш,
Лазамаш луьттуш,
Мерза а, къаьхьа а,
Вовшеха хуьттуш...
Схьалуьсту баланаш,
Заманца лайнарш,
Нохчийн къам бехке деш
Дагна цатайнарш...
Схьахуьтту г1аланаш,
Йагийна - аьттарш,
Хьайн къоман доьналлех
Мостаг1ий хьаьгнарш...
Б1аргаша ца дицдо,
Къизаллийн сарташ,
Даймехкан сийлардеш,
Турпалхой эгнарш..
Цундела лаьтта хьо,
Деш даге хаьттарш...
Ткъа деган ду цхьа жоп,
Маршоне г1ертар!!!
2018.02.05


И сурт ас сайн жималлехь дахаре а, дуьнене а хьежам гайта даийтина дара...
Сан юьхь - сибан цу т1ехь сов ч1ог1а лехамашкахь ойлане долуш, ас яздина мог1анаш дага дог1у суна...

1аьржаллехь еттачу, буьйсанан багара, схьайолуч 1уьйренан серлонах са хьерчаш...

Ткъа суна - м хьо веза,
Мохь бетташ безамна елххал,
Веза хьан ойла еш, хьекъалах безамна талххал...
Хьоьца бу дуьненахь ирсечу дахаре хьежам,
Хьо воцчахь тешалахь сан некъ бу, боцуш шех хьегам....

Ахь бехк ма биллалахь,
Дуьйцу ас доцу хьал хьоьгахь,
Хьо тешо ца г1ерта, дуьххьал д1а, лаьа хьо кхета....
Безаман ницкъ хилла - кх, гач дан а, б1е шерийн некъаш,
Ницкъ хилла - кх безаман, хьал - бахам бицбеш хьо веза.....


Р.А. И ма ч1ог1а ду....;



Шена дика хаа моьттуш верг хьалха хуьттуш хуьлу,
Хууш верг, парг1ата муьлххачу меттехь а мегаш хуьлу....



Хабарша, хабарча вовзийту,
Къамело, кхетамна т1е товжийту....



Айза Резванова
Къагалахь дашо малх, хьо серла балий,
Хьасталахь нохчийн чоь, йовхо луш хьайн...
З1аьнарийн куьг хьокхуш, дасталахь латта,
Денделахь бецан хелг, ахь рицкъа лой.

Халонна, харцонна ца та1ош корта,
Ницкъ лолахь лардан тхайн Даймехкан сий.
Тхо бахьнехь юьхь 1аьржа ма делахь лахьта,
Лай хилла ца баьхна тхан оьзда дай!

Самукъне аьзнашца шовданаш декош,
Зезагех кхелина, аренаш лепош.
Бахалахь тхан Даймохк, хьанал къа дебош,
Ирсан мукъ даима хьайн буйнахь сецош!


Айза Резванова
Къагалахь дашо малх, хьо серла балий,
Хьасталахь нохчийн чоь, йовхо луш хьайн...
З1аьнарийн куьг хьокхуш, дасталахь латта,
Денделахь бецан хелг, ахь рицкъа лой.

Халонна, харцонна ца та1ош корта,
Ницкъ лолахь лардан тхайн Даймехкан сий.
Тхо бахьнехь юьхь 1аьржа ма делахь лахьта,
Лай хилла ца баьхна тхан оьзда дай!

Самукъне аьзнашца шовданаш декош,
Зезагех кхелина, аренаш лепош.
Бахалахь тхан Даймохк, хьанал къа дебош,
Ирсан мукъ даима хьайн буйнахь сецош!



Хьан ц1е йахар доьхкур ду дагна
Луъург хилла ваьхнарг цхьа вац...
Хала - м хир ду дуьне дита санна,
Амма яхьаах ваьлларг дахар дац....

Р.А

Хьан ц1е йахар доьхкур ду ас дагна,
Луъург хилла ваьхнарг цхьа вац...
Хала - м хир ду дуьне дита санна,
Амма яхьаах ваьлларг дахар дац....

Хьан дог кхардош, ас хьо веза баьхча,
Х1ун ирхуо ю йоккхург безамо...
Я дог делош ахь со еза аьлча,


Р.А

Азаллехь со кху дуьненчу йог1уш,
Ас хаьржина хилла безам сан,
Т1аьххьара со дуьнено шех къастош,
Сан б1аьргаш чохь
Соцур ду сурт хьан....
Р.А.



Вуьтур вара ас хьо а,
Д1аихна 1уьйренаш санна,
Ца хилча г1оттуш хьо 1уьйренан малхах сан дагчохь...
Вицвийр вара тидмаза д1аихна суьйренаш санна,
Ц1ийеллачу суьйренех йогуш сайн беснеш ца хилча...
Воккхур вара хьо гена,  нур дайна седанах терра,
Де буьйса ца къаьстош хьо ларвеш ха деш са ца хилча...
Ткъа х1инца ас муха вита хьо,
Са доь1у х1аваъ сан хьо хилча?

Р.А.



Генара хьо х1унда ву те сан дагна сел уллера,
Х1унда са уьду те, хьан даге меттиг шена еха??
И хила йиш юй те, ца лазош кхечуьнан синхьаса,
Я ю те со ойла ца еш кхин, боьхуш сайн синкхача...

И иштта делахь ас доьху хьо, къинт1ера валалахь,
Сирлачу хьан деган серлонга полланах идарах....
Даима вара хьо сан деган туьйранийн ойланехь,
Ткъа тахна хили хьох, сан деган бакъ волу паччахьа...

Р.А.


.

Ма веъа велар хьо сан дагчу,
Ткъа х1инца ма хьиехьа дог...
Валанза ца 1иехь хьо дагчуьра,
Ца лазош бехьа хьайн некъ...

Сан дагчохь етта хьох ойланаш,
Кхин дуьне, дахар дицдеш...
Хьо лела геналлехь некъаш деш,
Хьо вац ас ен ойла еш...

Х1ун дер ас кху деган г1елонна,
Безамо г1елдина хьал...
Бен доцуш хьо велахь сох кхетар,
Йита ахь кхин ца беш хам.....

Ма веъа велар хьо сан дагчу,
Ткъа х1инца ма хьиехьа дог...
Валанза ца 1иехь хьо дагчуьра,
Ца лазош бехьа хьайн некъ...

Р.А.



Еса ю сан деган х1усам,
Шена чохь йилбазан аз деккал,
Эрна ду сан даге мохь беттар,
Цуьнан дац хьо хаза лерса...
Ойланаш севца ю паналлехь,
Дог доцуш елха я ела,
Со - м хьоьжу дунене эсала,
Дерриге товш лелча санна....
Р.А.




Со х1уьттур яц, хьан некъа т1е,
Йоьхуш серло сина сайн....
Я лелар яц хьо вицвина,
Яций со - м, хьох безам байна...

Ехар ю со сайн ойланца,
Ца беш хьуна бала сайх...
Хьан а хила тарло дагчохь,
Со йоцург кхин дагна тайна...

Зама денна юьйлу гена,
Цо ца лахдо болар шен...
Со х1унда ю сов дог к1еда,
Сайн дог кхардош айса  сайха?

Безамо - м хьа - х воккху шеха,
Дамара - дарс деш амалах...
Амма йиш яц сан кхин лела,
Сайн лааман йийсарехь....

Р.А...






Бен йоцуш со хьуна хилча,
Хьо х1унда кхечи сан дагчу,
Дог дагош сан ц1е ца хилча,т
Сан даго хьо стенна хаьржи??

Бакъо ю хьан херехь сеца,
Хазахета ца йоккхуш ц1е а....
Амма яц бакъо со леян,
Дуьтуш дог шеконаш херца....

Боккъал а, ас доьху хьоьга,
Алахьа цхьа бакъ дерг сох...
Ю те со деса дог кхобуш,
Я ву те, дог къуьйлуш хьо??
Р.А.





Маьрша уьдуш, т1амах ловзуш
Кхечу къаьмнийн бераш дара,
Кеманашна дуьхьал х1уьттуш,
Т1ом беш нохчийн бераш дара...

Шайн берашна орцах уьдуш,
Нохчийн наной боьлхура..
Аллах1 цхьаъ веш, маршо къуьйссуш,
Нохчийн к1ентий лелхара...

Тахна кхиъна нохчийн т1аьхье,
Сов кхераме лерина...
Бу те боьг1нарг гур вайн не1ре,
Къонахашна лерина...

Дехар ду сан, хьоме вежарий!
Шу сов дезаш хиларна...
Ма дег1алаш ла шайт1ане,
Шайн имане дог1а ла...






Гуьйре а д1аели, ца хезаш аз хьан,
Шен хазчу басаршна т1е воьхуш хьо...
Х1ун дер ткъа, х1оранна бу шен - шен лазам,
Ца йоьг1на - кх, гуьйренна маьлха йовхо...

Дагна бу гергара, гуьйренан кхоллам,
Тхойшинна самукъа вовшаца дог1у...
Жималлийн лаамех сан ойла санна,
Б1аьстенан аматех гуьйре а хьаьрча...

Ду иза сов ч1ог1а гуьйренехь дог1уш,
Воккхаллийн амалца хаза забар санна...
Х1ун совг1ат дийр ду ткъа, гуьйрено суна,
Ас цунна а, ца хаахь вовшашца эен....





Хьан х1ора дош а ду суна сов деза,
Бакъ долчу дешан мах - м,  х1оттийна бац...
Ахь бечу хьехаман некъ сирла къега,
Есачу баттара тур даккхалац....
Р.А.






1ай, б1аьста, аьхка я гуьйранна,
Наб еш яц Даймехкан хьаннаш,
Сагатдеш лаьтта уьш нилхъелла,
Шун лараш шен мара къуьйлуш....
Ламанийн баххьаш а къежделла,
Лардина къонахийн некъаш,
Вайн нана - Дег1аста ю лаьтташ,
Шун ц1арах сийлаллехь къегаш!

Иламан Юсупов лоруш...


Мотт къоман са ду...
Шен къоман мотт цабуьйцуш, и бицбинарг шен т1аьхьенан дайх доьзна долу орамаш хедош ву...
Р.А.



Со жима бер санна ма г1ерта хьан деган йовхоне,
Геннара ма хьоьсту б1арз делла сан са хьан ховхалло...
Хьан деган корашка хьоду са, полланах айалой,
Юху а кхерало, шийла ло ма хуьлу, сирла к1ай....

Р.А



Ахь тесна йитича,
Со цхьаллехь йисина моттал,
Цхьа ехачу суна,
Ма гергара хиллера хьо...
Даима дахарехь,
Со сайца шабаршка юьйлуш,
1аламо дог хьоьстуш,
Кхин бахам сов хетта - ч сан....


Юй теша хьан деган корашкахь го серло тешаме?
Я сан дог ду теша сов ч1ог1а кхийдаш хьан безаме?
Со - м яга ю кийча, ца къаьхкаш хьан некъан дина сий,
Дуьненна д1агайта, мехала, хьо санна  къонахий....
Р.А.



Питанаш ца дезарх вайн къаьмнаш юккъехь,
Барт боцург ца эшахь а дазанашкахь.
Ца деза тешаме доцург барт хилла,
Даима вовшашна дог доцуш къежа...

Дозанаш лаьттар ду дайх дисча санна,
Дуьненах 1ехабеллачара къуьйсуш...
Лаьттар ду дуьнено ца 1ехочарна а,
Кошборзана кхачахь а хастам бу бохуш ...

Делахь а куьйгалхо хетар ву бехке,
Т1аьхьарчу т1аьхьенна ойла ца еш...
Мел хала дукъ ду цо жималлийн юьххьехь,
Дуьйна шен белшаш т1ехь схьа кхоьхьуш дерг....

Цуьнан дог ма дац ткъа, буолатан - аьчках,
Б1аьргашна го цуьнан, нахана гург,
Воккхавер доггаха хуьлу гуш наггахь,
Цо боккху ког лоьруш шен халкъан сий....

Б1аьрг ирбеш лам буьххьехь хьо д1аса хьаьжчи,
Гуш хуьлу лаххьа дерг сов къегина,
Амма цу буьххьера чу хьаьжчигуш дерг, 
Ган йиш йац, 1инк1орггехь лаьттачунна...

Иштта ю башхаллаш хиларх вай адамаш,
Куьйгалхочунна я вайна юккъехь...
Аш бехке ма велаш цхьана а денна,
Ду шуна вайн цунах дан дозалла!

Со дохко ца яьлла,
Дог хьох тешорна.
Сингаттам тов суна - м,
Хьох болу сайн...
Ирс хета ахь дагца
Къобал деш тайна,
Хьастарна сан лаам,
Лазамах боккхуш...


Бен йоцуш со хьуна хилча,
Хьо х1унда кхечи сан дагчу,
Дог дагош сан ц1е ца хилча,
Сан даго хьо стенна вуьйцу??

Бакъо ю хьан херехь сеца,
Хазахета ца йоккхуш ц1е...
Амма яц бакъо со леян,
Деган тешам д1а боккхуш  шех....

Боккъал а ас доьху хьоьга,
Алахьа цхьа бакъ дерг сох...
Ю те со деса дог кхобуш,
Я ву те дог къуьйлуш   хьо?



Маржа я1,  вежарий, яхь йолу к1ентий!
Хили те шун кхалхар яхь йоцчийн метта...
Кхуьур яц те нохчийн т1аьхье шух кхеташ,
Хир бац те къонахий шайн Даймохк безаш!?

Маржа я1,  вежарий, яхь йолу к1ентий,
Аш лаьхнарг ма бара барт - безам къоман...
Маьршачу дахаре даржийна т1емаш,
Кхуллур бац те машар турпалхой лоруш?

Маржа я1, вежарий, яхь йолу к1ентий,
Вай 4


Хьекъало бехк баьккхи дагах сан,
Хаттарца, шен дарна г1ад...
Хьо стенна сагатдеш лела те,
Х1унда ахь йайи сан наб?

Дог сецна ладоьг1уш "тап,, аьлла,
Ойланца деладели...
Б1аьргаш чохь къегинчу седарчех,
Ца кхетахь,  хьо хьекъал - м дац...

Р.А

Х1ун даьллера, х1ун динера,
Я хьенан х1ун лачкъийнера,
Ког биллалл бен йоцчу меттехь,
Осала хьевзи - кх, лайн пачхьалкхе...

Стигал 1адо г1овг1а йоккхуш,
Лаьмнаш аттал герзаш детташ...
Дуьне даккхалл нуьцкъал йолу,
Х1унда еши хьо тхох лата?

Амма яц хьо дуьххьара еъна,
Я т1аьххьара дуй те х1ара?!
Хьуна лаарх нохчех лай бан,
Доьг1на дац и, са матийса...

Нанойн б1аьрхиш лекъаш лаьтта,
Кийрахь ийман ч1аг1деш денна...
Аллах1 воцург Дела вац тхан,
И воцча цхьаъ кхочур вац вайх!!

Дуьне кхоьллина сов хаза,
Диънарг вац и цуьнга хьежарх...
Адамш ма хила къиза,
Дита деза дуьне дезарх...
Ахь сан са - м даьккхи схьа,
Оззийна дег1 дожа дуьтуш...
Х1етте а ца вуьту - кха  даго хьо,
Дешеха луьттуш...

Р.А

Малх хуьлу новкъа, ша т1ех бохбелча,
Сан серла ялар а, дели те бале?
Хиллий те ирсе, сан байтийн кхоллам,
Я тесий цара, хьан дагчу кхуолар?

Дагахь а доцуш, и - м хила тарло,
Хьо генахь хиларх а, дог сан ца къарло - кх...

Р.А
Ахь сан са - м д1аьккхи схьа,
Уозийна дег1 дожа дуьтуш...
Х1етте а хьо веза - кха хьо дагна
Дешеха луьттуш...

Р.А
Р.А.

Велара хьо сан дагчохь кхечера мог1ара,
Хьо церан мог1аре х1отта...
Я хилча уьш санна д1а татта атта,
Сайн дагна хьо хера ваккха...
Ткъа х1инца ас муха тида хьан г1иллакх,
Терза хьох ца х1утту техка,
Ахь еллачу йовхоно г1аттинчу деган,
Ницкъ бац - кха безамах къаста...

15. 10. 2018.  05. 15.
Ма яц - кха сан 1уьйре хьох къаьсташ,
Я суьйре дог дуьллуш яц...
Сан дерриг дуьне ду хьох лаьтташ,
Хьох г1оттуш я бузуш малх...

Б1аьсте ахь сан дагчохь декъалйо,
Ца г1елдеш сан лерехь аз...
Ахь шийла мехаш д1а чехадо,
 Хьекъадеш марзонан зазз....

Цундела сан даго лоькху йиш,
Ца къарлуш ахь белла тешам ...
Лаьар - кха хьан дагчохь хила и,
Дахаре са ирден безам...
Р.А

Зовкх ду – кх шуьгахь,
Тийначу 1индаг1ехь,
Хьозарчийн шакарша
Хьоьстучахь б1аьсте..
Къахьегар – ъ,
Сатийсар шайгарчу ирсе…
Кхоам бу – кх цу аьттона,
Цаоьшуча кхаьчна..
Ма ловр йара и таро,
Лоьхучо, баьрччехь…
2017

Г1аьтти малх 1уьйренца,
Шеен декхаш кхочуш дан,
1алам а х1оьтти д1а,
Цу малхо боххург дан..
З1аьнарийн куьг хьокхуш,
Хьоьстуш и х1ора г1а.
Шеен деган йовхо ло
Цо массо массо зезагна…
Заманан ирс хили,
Тоьшалла цунна дан,
Сан к1еззиг кайели,
Цу суьртан т1алам бан.
Я Аллах1 хастам бу,
Хьуна тхан кхолламна,
Хастам бу я Аллах1,
Бусулба кхолларна!!
2017

Хир ву –кх вижана виснарг а,
Лиънашехь х1ара 1уьйре ган…
Ма хьур дац цо данза диснарг,
Мел эшарх, эхарта д1а…
2017

Оррам цахийцало,
Мотт я мохк хийцарах а,
Ц1еначу нохчийн дог – ойла а
Хийцалур яц…
Резванова Айза

Со йелла ахь ларахь,
Хьанна хир новкъа.
Хьо вела ас бахарх,
Мила хир холчахь??
Вахахьа хьо а хьуо,
Везачийн дуьхьа!
Йитахьа со а сайн,
Деллачат1ехь йаха…
Хьан дагчохь г1ант х1отто,
Со а йац хьегна,
Сан дагчохь чан г1атто
Хьо а маг1ерта…
Дукха бу дуьненчохь,
Цабевзарш, бевзарш,
Хилахьа хьо царах,
Со а цайевзарг…
Р.А.

Нохчийн къомах волу стаг,
Даима дозалла деш хир ву,
Шеен къам дозалла хеташ…
Р.А.

Б1аьсте юкъйелла,
Хьаннаш сенъела,
Бацалахь можа
Зезаг денделла…
Хаддаза лерехь,
Къоркхокха хеза,
Хьозарчий бешахь,
Самукъне дека…
Р.А.

Эхартахь а хуьлу боху,
Шеен – шеен тобанца.
Х1оранна а дусту боху
Къа – мел терзанца.
Дагахьбаллам боцуш хилац,
Къастор 1ожалло а.
Тоба х1инцехь къасто йеза,
Шенаг х1орамма а…
Р.А.

Т1е кхечи мархийн бутт,
Ирс хили вайн и т1еэеца.

Вайн Делан къинхетам,
Вайх бинарг мА боккха хетта…
Аллах1а ницкъ лойла,
И кхаба Ша реза хилла,
Вай бахьнехь юьхь1аьржа
Ма хуьлда и Делан Элча!!!
Р.А.

Даго хоьрцуш буьйда ойла,
И кхочуш йан боцуш ниц
Де эешна вайх цхьа магойла,
Лаам бузо доцуш рицкъ…

Бахам, рицкъа хиларх шорта,
Къен ву йоцург могшалла.
Кхин а къен ву бацахь корта,
Болх Деле д1акховдабан…

Х1унда х1инца хьо д1атийна,
Хезаш дац хьан г1орг1а аз.
Мавийлахьа тхуна хийра,
Жима ву хьох биса барз…
Р.А.

Белахь дагчохь безам мерза,
Ойланаш а хилча ц1ена.
Х1ун новкъа бу дашо малх,
Я дог ц1ена гергара нах.

Тешам боцуш йелахь буьйса,
Боданашца серло къийса.
Оьшу сац1ена седарчий,
Бода зарзбан ойланийн…
********
1аьрби вай г1ар – тата йоцуш,
Сан байт йиси кхин жоп доцуш.
Шеен дагахь дерг мог1ане лоцуш,
Йазде алийша сих дохуш…

1аьрбий х1унда 1а хьо тийна,
Яц хьан дагчохь ойла дийна?
Я ву те хьо г1еех ийна,
Б1аьргаш дишийна 1аш сийна…

Йехха 1ий со ойла тийна,
Дитт к1елахь 1индаг1на дийна…
Олхазарийн аьзнех ийна,
Дагалоьцуш ши б1аьрг сийна.
****
1уьйкъе йиъна, 1уьйре йитна,
Вериг тап аьлла д1атийна.
Г1овтта деза набарш йитна,
Хир ду дезарш, данза дисна…
**********

Кужлаш басар йина дитташ,
Кечделла д1ах1иттина.
Мох бу церан месаш къежйеш,
Ахкар хьоькхуш лерина…

Малх а стиглахь ловзабуьйлу,
Мархаш кегош зарзйелла…
Шийла хьацарш царах дуьйлуш,
1алам лаьтта т1унделла…
*********
Хьо йац сан хьошалг1ахь гуьйре,
Хьошалг1а йеънарг ю со…
Шоззаткъай дейтталг1а хьан тойне,
Ирсе кхаж баьлларг ю со.

Ца 1ебаш гуьйре хьан марзонах,
Б1аьргаша хьо дагчу уьйзу.
Кечъела бес – бесара басаршца,
1аламан суьртах дог дузо…

*********
Керла хаза совг1ат кхийдош,
Йаьсти кхолламо 1уьйре.
И синмарзо дагчу ийзош,
Со ю тахна самукъне.

Детийн буьртигех т1е1енаш,
Доху дог1а беркате.
Хьозарчий ду зевне декаш,
Бешахь токхе ю аьхке.

Накхар – мозий г1уьтту «зузз» деш,
Белхий бина, гулдеш моз.
Хенан х1оттам хийца кечлуш,
Малхах хили дашо х1оз.

Зезагаш а самадевли,
Воьхуш х1ора шайна т1е.
Полла хьийза парг1атбаьлла,
Марзо оьцуш зезагех.

Керла хаза совг1ат кхийдош,
Йаьсти кхоламо 1уьйре.
И синмарзо дагчу ийзош,
Со ю тахна самукъне.
2017

Ма 1елахь вас хилий,
Сан деган совг1ат, 
Ойланаш кхуолашкахь
Ма йиталахь,
Юккъера гергарло
Ларделахь доггаха,
Аллах1а лур ю ял
Хьан диканах…

Ма валалахь хера
Сан г1алат ларий,
Ледарнаг хьуна гар –м,
Хьан толам бу…
Со тахна г1ийла ю,
Мохь бу соьхь балийн.
Де – буьйса а шеен
Рог1ехь хийцалуш - м ду…

Хьо хилла даима
Сан сина гергахь,
Сайн деган берчехь.
Ас лелийнарг хьо…
Бакъо яц хьан дуохо
Ниет хьайн ц1ена,
Масална хаьржинчех
Ву къонах хьо…
2017


Синт1емаш даьржи сан сакъераделла,
Бераллийн кевнаш аш даьстина д1а.
Ма ирс душ у хилар, сан деган мерзаш,
Ц1еххьана малх къеги дахарехь сан.

Яхна хан йесаллехь йисина хеташ,
Со –м 1ара,дагайала цакарош шу.
Ма ирс душ у хилар сан деган мерзаш,
Шух х1ора ирсе гар сунна кхаъ бу.

Шу марша дог1ийла, сан деган баьрче,
Дахарехь ирс серла долийла шун.
Ма ирс душ у хилар сан деган мерзаш,
Юху а бераллехь шуьца со ю….
Р.А.


Хьан хабар мА делла?
Аз а д1акъарделла…
Мохехь я малхехь дац,
1индаг1ах тарделла…
Гергарло мА лаьтта
Шат1улгах шалделла.
Х1усам а х1оранна
Каш1уьргах таръелла.
Вааа, делладовла вай,
Д1ахадда долу тай….
Р.А.

Хьо йара и йеънарг,
Гуьйренца дуьненан не1 йоьллуш…
Дагадог1у цу дийнахь
Малхо хьо хьестар а маракъуьйлуш.
Тахна а хьо бахьна ду малхо
Дуьненан са декхар.
Сатасле дуьйна ас ойланаш тоьгу
Хьо декъалъян.
Б1аьстенан 1аламах ас басарш дехи
Хьан де кечъдан…
Токхечу аьхкенан стоьмаш а лахьий
Той чомаш дан.
Массо а зезагийн аматаш дехи ас
Хьо хазъян…
Амма и эерна ду, хьо къаго дац х1ума,
Хьол хаза…

*********
Болар хецна дог1у Марта,
Дехьа – сехьа йетташ кА.
Амма дог1ур ду и берта,
Лахдеш хоршахь доь1у са…
**********






Гуьйренан 1уьйре

Дош дац те вайн ала,
Кху хазчу 1уьйренах?
Да вац – те, цхьа вала,
Йаздан сурт гуьйренах?
Хьовсийша д1о анна,
Йо1 санна ц1ийелла…
Садаржо кечъелла,
Гуьйренан 1уьйре…

Шакаршца г1евттина,
Олхазарш зевне.
Маь1 – маь1ехь схьахеза,
Декъал деш вовше.
Мох беди айбелла,
Кхача цу хазне,
Ша маьрша хиларна,
Талла вайн дуьне…

Лаьмнашна кхаъ хилла,
Йог1ушехь хьаша,
Шайн х1усаме йоьссина,
Буза шеен маша..
Шовданаш кхийсалуш,
Мукъаме девлла,
Хоьттуш го маршала,
Йеъначу хьеше…

Вай дац те ала дош,
Са сирлачу 1уьйренах?
Вац теша вала да,
Яздан сурт гуьйренан?

2018-04-03

Малх бу хьо 1уьйренца
Сан дагчохь г1отту,
Къажъеш сан ойланийн,
Са маьрша доккху.
Хьо са ду сан б1аьргийн,
Нур серла дохуш.
Дахаран аьхначу,
Некъа со йохуш…
Хьо 1уьйре юха а
Сан г1енаш къовлуш
Мерзачу 1аьнарца,
Маршалла хоьттуш.
Хьо ду – кх сан дуьне,
Сада1ар доцуш,
Ас тегнарг дахарехь,
Ирсе дог дохуш…

************
Ма хьийза, мА сетта,
Дац сан кхи амал.
Махуо г1а сана ас
Хьуйр ю хьо ц1ехьана.
Безаман ницкъ кхочу,
Аьчка дог лало.
Сан деган хьоьца яц,
Цуьриг а гамо…

Ядалахь, лачкъалахь,
Со вог1у вайча.
Къинхетам сох белахь,
Кхардам ца айта.
Къуберза буьйсанна,
Берза б1аьрг сана,
Со тебаш ву хьуна,
Хьо лачкъо сайна.

Малхо де хьистича,
Суьйре хазло.
Йо1 хаза кхиинча,
Некъаш шарло…
Сан ойланаш денъян,
Хилахь хьо реза.
Къегина седарчий,
Хир ду вайх хьегна.

Дахар мА доца ду,
Безамах къаста…
Синт1адам цакхиъал
Марзонах 1аба…
Зама мА йеха ю,
Дог доцуш даха,
Шех хаьддачу ирсана
Гуо туьйсуш ваха.
2017

Айшатийн нанна…

Нана хьо малх бу сан,
Садоь1у х1аваъ ду хьо.
Хьан багара йолучу 1аьнаран
Марзоно яха ницкъ ло.

Нана сан ойланийн кхоллам,
Лаамех кхаъ ахьа ло.
Сан деган бешахь хьан безамо,
Б1аьстенан аз декадо.

Нана, сан нана хьо йехийла,
Цамгарша цахуьйш хьайн са.
Нана хьо малх сана къегийла,
Кхолламан совг1ат тайна!!!


Кхин мотт цахаарна,
Буьйцуш шайн маттаца ненан мотт.
Да – нана чехадеш,
Церан къинхетаман цайеш чот…
Дайн латта хьоьшуш
Сов кхоамза, бецатхин а цабеш хам.
Хуо хьайх а цадешаш,
Ма уосал дели хьо нохчийн къам…

Хилла те вайн наной декъазчех,
Доьзал шайх кхардал,
Дай осала хилла те,
Т1аьхьено масал шайх цаэеццал??
Х1унда вай девли те ч1ана дайх,
Мостаг1ийн дог 1аббал,
Яхь елла х1унда ду вайн синош,
Нанойн дегнаш даъъал…

Мичахь бу къинхетам,
Вай метан буьхьарг т1е х1иттош берг,
Муьлхарш ю ойланаш,
Толаме 1ожаллех дохуш йерш??
Бусулба вай хилар, байракх ю билгало гойтуш йерг,
Г1аттахьа нохчийн къам,
Хьайн ц1енчу кхолламна хастам беш!


Гергара безаш, бевзарш гунаха,
Дукха бу сан дахарехь.
Безамца марзонан уьйраш,
Ю дог хьоьстуш даима.
Замано сан некъаш гатдеш,
Шайн некъаш т1ех1иттарна,
Сан баркалла ду даггара,
«Метан марзо» тобанна!

Вай вовшеха доьлла х1инца – м,
Вовшен доцуш цамаггал.
Шун марзо ю сан садузош,
Кхин кхачанах цакхеттал…
Къинхетаме, синкхетаме,
Шу сан дагчохь дисарна,
Сан баркалла ду даггара,
«Метан марзо» тобанна!
2017

Йог1ийла хьо маьрша,
Са сирла 1уьйре.
Б1аьрг хьоьстуш,
Дог делош,
Ирс доькъуш нуьре.
Синмарзо лаьттачу,
Кхачалуш г1ора,
Самукъне, беркате,
Хуьлда г1улч х1ора!

2017

Х1аа - х1а, цакарийна,
Хьуна хьайн дахаран аг1о…
Даьтта хих цаэело,
Лалорах, даторах хено.
Ахь дог мА дилалахь,
Х1инца а мегий и-м каро,
Цхьана муьргана мА йелахь,
Ирсана т1екхача мало…

Х1аа – х1а, хьо ца лелла,
Дахарехь хьайн некъах тилла.
Х1инца а вог1у хьо,
Керарчу заманах ийна.
Со а яц дахаран терзанахь
Барам бай хилла…
Хьегна яц со цкъа а,
Сайн доцчу мозчу 1айг билла…

Х1аа – х1а дера, ца висна,
Хьо синтем хьайн леха т1аьхьа,
Шеен хеннахь духьуна,
Сингаттам хьа - х хуьлу, къаьхьа…
Базбеллачу букъ - т1е,
Дахаран мохь бисча шенна,
Воккхалла – м хьаха ю,
Адаман мах хадо зама…
2017

Сан салам дац шуьга,
Яхь йелла к1иллой!
Салам ду, сийдолчу к1енташка сан!
Салам ду нохчашка,
Сийлардан мехкан,
Ц1еначу ниетца лелачарга!

Салам ду наношка,
Доьналлех буьзна..
Доьзалаш махкана кхиочарга…
Салам ду мехкаршка,
Шовданел сирла,
Тешаме ойланаш кхуллучарга!

Салам ду даггара,
Берашка нохчийн…
Дайн г1иллакх,
Ненан мотт лоручарга!
Салам ду Даймахке,
Лаьттачу оьзда,
Дайн лараш шеен букът1ехь
Ларйечуьнга!!

Салам дац сан шуьга,
Яхь йелла к1иллой!
Сан салам
Ц1ий ц1енчу нохчашка ду…
Даймехкан сий лардеш,
Бехачу, баьхначу,
Сийлаллехь хинболчу к1енташка ду!!!

2017

Сан Даймохк, со хьоьгу
Кхолламах маьлхан,
Йиш йолчу хьо хьеста,
Йовхо луш хьуна.
Хьоьгу со 1аламах,
Хьан кхолам хьаста,
Ирс хилла достучу
Зезагех лаьттахь…
Р.А

Х1унда хьо схьагушехь йоьду со
бераллийн хене,
Ас лоьху те стена, ца дайнарг
бераллехь сайна.
Уьду те циге са, лууш и марзо
Хьох эеян,
Я лаьа хьан дагчохь бер сана
Лечкъаш дог тедан??...
Хьан терго лела сан дахареь
Ойланаш къажйеш,
Сахиллац седарчех къега и
Хьан ойла хазъеш.
Сатосучу седанах со тарлой,
Са долу серла..
Дуьне сан сих къаггал там хуьли,
Ирсах дог кхела…
2017
 




























 
Резванова Айза

Зовкх ду – кх шуьгахь,
Тийначу 1индаг1ехь,
Хьозарчийн шакарша
Хьоьстучахь б1аьсте..
Къахьегар – ъ,
Сатийсар шайгарчу ирсе…
Кхоам бу – кх цу аьттона,
Цаоьшуча кхаьчна..
Ма ловр йара и таро,
Лоьхучо, баьрччехь…
2017

Г1аьтти малх 1уьйренца,
Шеен декхаш кхочуш дан,
1алам а х1оьтти д1а,
Цу малхо боххург дан..
З1аьнарийн куьг хьокхуш,
Хьоьстуш и х1ора г1а.
Шеен деган йовхо ло
Цо массо массо зезагна…
Заманан ирс хили,
Тоьшалла цунна дан,
Сан к1еззиг кайели,
Цу суьртан т1алам бан.
Я Аллах1 хастам бу,
Хьуна тхан кхолламна,
Хастам бу я Аллах1,
Бусулба кхолларна!!
2017

Хир ву –кх вижана виснарг а,
Лиънашехь х1ара 1уьйре ган…
Ма хьур дац цо данза диснарг,
Мел эшарх, эхарта д1а…
2017

Оррам цахийцало,
Мотт я мохк хийцарах а,
Ц1еначу нохчийн дог – ойла а
Хийцалур яц…
Резванова Айза

Со йелла ахь ларахь,
Хьанна хир новкъа.
Хьо вела ас бахарх,
Мила хир холчахь??
Вахахьа хьо а хьуо,
Везачийн дуьхьа!
Йитахьа со а сайн,
Деллачат1ехь йаха…
Хьан дагчохь г1ант х1отто,
Со а йац хьегна,
Сан дагчохь чан г1атто
Хьо а маг1ерта…
Дукха бу дуьненчохь,
Цабевзарш, бевзарш,
Хилахьа хьо царах,
Со а цайевзарг…
Р.А.

Нохчийн къомах волу стаг,
Даима дозалла деш хир ву,
Шеен къам дозалла хеташ…
Р.А.

Б1аьсте юкъйелла,
Хьаннаш сенъела,
Бацалахь можа
Зезаг денделла…
Хаддаза лерехь,
Къоркхокха хеза,
Хьозарчий бешахь,
Самукъне дека…
Р.А.

Эхартахь а хуьлу боху,
Шеен – шеен тобанца.
Х1оранна а дусту боху
Къа – мел терзанца.
Дагахьбаллам боцуш хилац,
Къастор 1ожалло а.
Тоба х1инцехь къасто йеза,
Шенаг х1орамма а…
Р.А.

Т1е кхечи мархийн бутт,
Ирс хили вайн и т1еэеца.

Вайн Делан къинхетам,
Вайх бинарг мА боккха хетта…
Аллах1а ницкъ лойла,
И кхаба Ша реза хилла,
Вай бахьнехь юьхь1аьржа
Ма хуьлда и Делан Элча!!!
Р.А.

Даго хоьрцуш буьйда ойла,
И кхочуш йан боцуш ницкъ.
Де эешна вайх цхьа магойла,
Лаам бузо доцуш рицкъ…

Бахам, рицкъа хиларх шорта,
Къен ву йоцург могшалла.
Кхин а къен ву бацахь корта,
Болх Деле д1акховдабан…

Х1унда х1инца хьо д1атийна,
Хезаш дац хьан г1орг1а аз.
Мавийлахьа тхуна хийра,
Жима ву хьох биса барз…
Р.А.

Белахь дагчохь безам мерза,
Ойланаш а хилча ц1ена.
Х1ун новкъа бу дашо малх,
Я дог ц1ена гергара нах.

Тешам боцуш йелахь буьйса,
Боданашца серло къийса.
Оьшу сац1ена седарчий,
Бода зарзбан ойланийн…
********
1аьрби вай г1ар – тата йоцуш,
Сан байт йиси кхин жоп доцуш.
Шеен дагахь дерг мог1ане лоцуш,
Йазде алийша сих дохуш…

1аьрбий х1унда 1а хьо тийна,
Яц хьан дагчохь ойла дийна?
Я ву те хьо г1еех ийна,
Б1аьргаш дишийна 1аш сийна…

Йехха 1ий со ойла тийна,
Дитт к1елахь 1индаг1на дийна…
Олхазарийн аьзнех ийна,
Дагалоьцуш ши б1аьрг сийна.
****
1уьйкъе йиъна, 1уьйре йитна,
Вериг тап аьлла д1атийна.
Г1овтта деза набарш йитна,
Хир ду дезарш, данза дисна…
**********

Кужлаш басар йина дитташ,
Кечделла д1ах1иттина.
Мох бу церан месаш къежйеш,
Ахкар хьоькхуш лерина…

Малх а стиглахь ловзабуьйлу,
Мархаш кегош зарзйелла…
Шийла хьацарш царах дуьйлуш,
1алам лаьтта т1унделла…
*********
Хьо йац сан хьошалг1ахь гуьйре,
Хьошалг1а йеънарг ю со…
Шоззаткъай дейтталг1а хьан тойне,
Ирсе кхаж баьлларг ю со.

Ца 1ебаш гуьйре хьан марзонах,
Б1аьргаша хьо дагчу уьйзу.
Кечъела бес – бесара басаршца,
1аламан суьртах дог дузо…

*********
Керла хаза совг1ат кхийдош,
Йаьсти кхолламо 1уьйре.
И синмарзо дагчу ийзош,
Со ю тахна самукъне.

Детийн буьртигех т1е1енаш,
Доху дог1а беркате.
Хьозарчий ду зевне декаш,
Бешахь токхе ю аьхке.

Накхар – мозий г1уьтту «зузз» деш,
Белхий бина, гулдеш моз.
Хенан х1оттам хийца кечлуш,
Малхах хили дашо х1оз.

Зезагаш а самадевли,
Воьхуш х1ора шайна т1е.
Полла хьийза парг1атбаьлла,
Марзо оьцуш зезагех.

Керла хаза совг1ат кхийдош,
Йаьсти кхоламо 1уьйре.
И синмарзо дагчу ийзош,
Со ю тахна самукъне.
2017

Ма 1елахь вас хилий,
Сан деган совг1ат, 
Ойланаш кхуолашкахь
Ма йиталахь,
Юккъера гергарло
Ларделахь доггаха,
Аллах1а лур ю ял
Хьан диканах…

Ма валалахь хера
Сан г1алат ларий,
Ледарнаг хьуна гар –м,
Хьан толам бу…
Со тахна г1ийла ю,
Мохь бу соьхь балийн.
Де – буьйса а шеен
Рог1ехь хийцалуш - м ду…

Хьо хилла даима
Сан сина гергахь,
Сайн деган берчехь.
Ас лелийнарг хьо…
Бакъо яц хьан дуохо
Ниет хьайн ц1ена,
Масална хаьржинчех
Ву къонах хьо…
2017


Синт1емаш даьржи сан сакъераделла,
Бераллийн кевнаш аш даьстина д1а.
Ма ирс душ у хилар, сан деган мерзаш,
Ц1еххьана малх къеги дахарехь сан.

Яхна хан йесаллехь йисина хеташ,
Со –м 1ара,дагайала цакарош шу.
Ма ирс душ у хилар сан деган мерзаш,
Шух х1ора ирсе гар сунна кхаъ бу.

Шу марша дог1ийла, сан деган баьрче,
Дахарехь ирс серла долийла шун.
Ма ирс душ у хилар сан деган мерзаш,
Юху а бераллехь шуьца со ю….
Р.А.


Хьан хабар мА делла?
Аз а д1акъарделла…
Мохехь я малхехь дац,
1индаг1ах тарделла…
Гергарло мА лаьтта
Шат1улгах шалделла.
Х1усам а х1оранна
Каш1уьргах таръелла.
Вааа, делладовла вай,
Д1ахадда долу тай….
Р.А.

Хьо йара и йеънарг,
Гуьйренца дуьненан не1 йоьллуш…
Дагадог1у цу дийнахь
Малхо хьо хьестар а маракъуьйлуш.
Тахна а хьо бахьна ду малхо
Дуьненан са декхар.
Сатасле дуьйна ас ойланаш тоьгу
Хьо декъалъян.
Б1аьстенан 1аламах ас басарш дехи
Хьан де кечъдан…
Токхечу аьхкенан стоьмаш а лахьий
Той чомаш дан.
Массо а зезагийн аматаш дехи ас
Хьо хазъян…
Амма и эерна ду, хьо къаго дац х1ума,
Хьол хаза…

*********
Болар хецна дог1у Марта,
Дехьа – сехьа йетташ кА.
Амма дог1ур ду и берта,
Лахдеш хоршахь доь1у са…
**********






Гуьйренан 1уьйре

Дош дац те вайн ала,
Кху хазчу 1уьйренах?
Да вац – те, цхьа вала,
Йаздан сурт гуьйренах?
Хьовсийша д1о анна,
Йо1 санна ц1ийелла…
Садаржо кечъелла,
Гуьйренан 1уьйре…

Шакаршца г1евттина,
Олхазарш зевне.
Маь1 – маь1ехь схьахеза,
Декъал деш вовше.
Мох беди айбелла,
Кхача цу хазне,
Ша маьрша хиларна,
Талла вайн дуьне…

Лаьмнашна кхаъ хилла,
Йог1ушехь хьаша,
Шайн х1усаме йоьссина,
Буза шеен маша..
Шовданаш кхийсалуш,
Мукъаме девлла,
Хоьттуш го маршала,
Йеъначу хьеше…

Вай дац те ала дош,
Са сирлачу 1уьйренах?
Вац теша вала да,
Яздан сурт гуьйренан?

2018-04-03

Малх бу хьо 1уьйренца
Сан дагчохь г1отту,
Къажъеш сан ойланийн,
Са маьрша доккху.
Хьо са ду сан б1аьргийн,
Нур серла дохуш.
Дахаран аьхначу,
Некъа со йохуш…
Хьо 1уьйре юха а
Сан г1енаш къовлуш
Мерзачу 1аьнарца,
Маршалла хоьттуш.
Хьо ду – кх сан дуьне,
Сада1ар доцуш,
Ас тегнарг дахарехь,
Ирсе дог дохуш…

************
Ма хьийза, мА сетта,
Дац сан кхи амал.
Махуо г1а сана ас
Хьуйр ю хьо ц1ехьана.
Безаман ницкъ кхочу,
Аьчка дог лало.
Сан деган хьоьца яц,
Цуьриг а гамо…

Ядалахь, лачкъалахь,
Со вог1у вайча.
Къинхетам сох белахь,
Кхардам ца айта.
Къуберза буьйсанна,
Берза б1аьрг сана,
Со тебаш ву хьуна,
Хьо лачкъо сайна.

Малхо де хьистича,
Суьйре хазло.
Йо1 хаза кхиинча,
Некъаш шарло…
Сан ойланаш денъян,
Хилахь хьо реза.
Къегина седарчий,
Хир ду вайх хьегна.

Дахар мА доца ду,
Безамах къаста…
Синт1адам цакхиъал
Марзонах 1аба…
Зама мА йеха ю,
Дог доцуш даха,
Шех хаьддачу ирсана
Гуо туьйсуш ваха.
2017

Айшатийн нанна…

Нана хьо малх бу сан,
Садоь1у х1аваъ ду хьо.
Хьан багара йолучу 1аьнаран
Марзоно яха ницкъ ло.

Нана сан ойланийн кхоллам,
Лаамех кхаъ ахьа ло.
Сан деган бешахь хьан безамо,
Б1аьстенан аз декадо.

Нана, сан нана хьо йехийла,
Цамгарша цахуьйш хьайн са.
Нана хьо малх сана къегийла,
Кхолламан совг1ат тайна!!!


Кхин мотт цахаарна,
Буьйцуш шайн маттаца ненан мотт.
Да – нана чехадеш,
Церан къинхетаман цайеш чот…
Дайн латта хьоьшуш
Сов кхоамза, бецатхин а цабеш хам.
Хуо хьайх а цадешаш,
Ма уосал дели хьо нохчийн къам…

Хилла те вайн наной декъазчех,
Доьзал шайх кхардал,
Дай осала хилла те,
Т1аьхьено масал шайх цаэеццал??
Х1унда вай девли те ч1ана дайх,
Мостаг1ийн дог 1аббал,
Яхь елла х1унда ду вайн синош,
Нанойн дегнаш даъъал…

Мичахь бу къинхетам,
Вай метан буьхьарг т1е х1иттош берг,
Муьлхарш ю ойланаш,
Толаме 1ожаллех дохуш йерш??
Бусулба вай хилар, байракх ю билгало гойтуш йерг,
Г1аттахьа нохчийн къам,
Хьайн ц1енчу кхолламна хастам беш!


Гергара безаш, бевзарш гунаха,
Дукха бу сан дахарехь.
Безамца марзонан уьйраш,
Ю дог хьоьстуш даима.
Замано сан некъаш гатдеш,
Шайн некъаш т1ех1иттарна,
Сан баркалла ду даггара,
«Метан марзо» тобанна!

Вай вовшеха доьлла х1инца – м,
Вовшен доцуш цамаггал.
Шун марзо ю сан садузош,
Кхин кхачанах цакхеттал…
Къинхетаме, синкхетаме,
Шу сан дагчохь дисарна,
Сан баркалла ду даггара,
«Метан марзо» тобанна!
2017

Йог1ийла хьо маьрша,
Са сирла 1уьйре.
Б1аьрг хьоьстуш,
Дог делош,
Ирс доькъуш нуьре.
Синмарзо лаьттачу,
Кхачалуш г1ора,
Самукъне, беркате,
Хуьлда г1улч х1ора!

2017

Х1аа - х1а, цакарийна,
Хьуна хьайн дахаран аг1о…
Даьтта хих цаэело,
Лалорах, даторах хено.
Ахь дог мА дилалахь,
Х1инца а мегий и-м каро,
Цхьана муьргана мА йелахь,
Ирсана т1екхача мало…

Х1аа – х1а, хьо ца лелла,
Дахарехь хьайн некъах тилла.
Х1инца а вог1у хьо,
Керарчу заманах ийна.
Со а яц дахаран терзанахь
Барам бай хилла…
Хьегна яц со цкъа а,
Сайн доцчу мозчу 1айг билла…

Х1аа – х1а дера, ца висна,
Хьо синтем хьайн леха т1аьхьа,
Шеен хеннахь духьуна,
Сингаттам хьа - х хуьлу, къаьхьа…
Базбеллачу букъ - т1е,
Дахаран мохь бисча шенна,
Воккхалла – м хьаха ю,
Адаман мах хадо зама…
2017

Сан салам дац шуьга,
Яхь йелла к1иллой!
Салам ду, сийдолчу к1енташка сан!
Салам ду нохчашка,
Сийлардан мехкан,
Ц1еначу ниетца лелачарга!

Салам ду наношка,
Доьналлех буьзна..
Доьзалаш махкана кхиочарга…
Салам ду мехкаршка,
Шовданел сирла,
Тешаме ойланаш кхуллучарга!

Салам ду даггара,
Берашка нохчийн…
Дайн г1иллакх,
Ненан мотт лоручарга!
Салам ду Даймахке,
Лаьттачу оьзда,
Дайн лараш шеен букът1ехь
Ларйечуьнга!!

Салам дац сан шуьга,
Яхь йелла к1иллой!
Сан салам
Ц1ий ц1енчу нохчашка ду…
Даймехкан сий лардеш,
Бехачу, баьхначу,
Сийлаллехь хинболчу к1енташка ду!!!

2017

Сан Даймохк, со хьоьгу
Кхолламах маьлхан,
Йиш йолчу хьо хьеста,
Йовхо луш хьуна.
Хьоьгу со 1аламах,
Хьан кхолам хьаста,
Ирс хилла достучу
Зезагех лаьттахь…
Р.А

Х1унда хьо схьагушехь йоьду со
бераллийн хене,
Ас лоьху те стена, ца дайнарг
бераллехь сайна.
Уьду те циге са, лууш и марзо
Хьох эеян,
Я лаьа хьан дагчохь бер сана
Лечкъаш дог тедан??...
Хьан терго лела сан дахареь
Ойланаш къажйеш,
Сахиллац седарчех къега и
Хьан ойла хазъеш.
Сатосучу седанах со тарлой,
Са долу серла..
Дуьне сан сих къаггал там хуьли,
Ирсах дог кхела…
2017