Дала декъала йойла хьо, тхан Лула!

ДАЛА ДЕКЪАЛА ЙОЙЛА ХЬО,ЛУЛА  КУНИ

Юха а т1акьхьайиси со, ма т1аьхьа хии,ма т1аьхьа  а хии...
Лула! Бакъдуьнене д1айирзи хьо,сан Йиша!Аллах1-Дала декъала йойла хьо, хьол хьалха д1а мел ихнарш а,т1едог1у долу тхо а. Доккха  халахетаран дакъа ду-кх,ма дагах а кхийти суна ц1еххьана хьо д1аяхар...
Майра а йолуш,бакъдош дезаш а йолуш,къоманна оьшучохь са а,дег1 а кхоор доцуш,хьайн синна дукха т1ех эхь-бехке  а йолуш яра хьо ,Лула.
Дала декъала йойла хьо!
Хийла къоначу литераторшна г1о ахь дира,хийла дог доьхначуьн  ахь дог оьцура,ткъа хьайх лаьцна дийцахь,аьлча ,ма дуьхьала а йолура.Ма т1ех эхь-бехке адам дара хьо...

Лулина  ша йийца  бехк  хетара,цуо шех лаьцна атта дош а ца олура.Ша йовзахьара,ша  хазахьара бохучу адамийн мог1аршкахьа а яцара  иза,шегахь  мел доккха  пох1ма хиларх,цунах байракх йина лелачех а яцара...Бакъдолчу дешан да яра,Къонаха яра!   
Дика нана а,оьзда х1усамнана а,г1о эшна т1еваханчу дика накъост а яра. шен сица,шен дашца ,ойланца - Нохчийчоьнан  хила ма-еззара  йо1 яра иза.Шо-шаре  мел дели иза хуур а ду вайн къоманна,къам а хилла иза кху лаьттахь дисахь.
Лулех лаьцна х1уммаъ дийца а ца оьшу,цуьнан кхолларалла-цуьнан дахаран куьзга.
Республикехь цхьаъ бен доцу журнал»Нана» -цуо экама хьаъгна къа,ховха дагалецам...
Ша Барзахе дехьа яьлла Лула,амма цуо нохчийн къоманна йитина шен к1орггерачу,чулацамечу,исбаьхьачу   ойланашца  йуьйцина байташ,статьяш,дийцарш...
Дала пайдехь дойла уьш вайн къоманна..
Дала Ялсамане Хьаша йойла хьо,ЛУЛА!.