Йила телефон

   - Мама… мама… тельфон  етт  хьога…  –   цIоагIа тох уйчеча ловзаш яг1аш йолча Фаридас.
    - Х1аял сона из, - оал, истолат1а а этта, ц1аг1а к1ир тохаш йолача нанас. Сихаг1а йистеяла г1ертача цунна ха йоае лацар. Фаридас сихха ура а икхе, х1ам дуача ц1аг1а истола т1а ула телефон ньанага д1алу. Ше къаьмаьл даь ялача нанас телефон Фаридайг д1акховда ю – Йоле… 1айилла - аьле. Фарида телефон бе а йоалаш къайлайол. Цхьа ха ялача 1оуха хи тата хоз наьна.
    -Фарида…Фарида…- ц1ог1а тох нанас. Йи1иг юха йист халанзар…Ялх шу даьннадале а йи1иг б1арг лакха безаш яр…
    -Х1анз фу деш йоала хьог1 яр… – аьле, нана истола т1ара 1о а яле, хи тата долча йод.
     Б1аргадайнача сурто меттахь ца йолийташ ют нана…
     Х1ама дуача ц1аг1ара крана к1ал г1анда т1а а этта, шин кульгаца сапа а хьокхаш, дуккха хий 1ат1а а ухийташ телефон юлаш йоалар Фарида.
    -Ай…ай…- яхаш йи1игагара телефон хьайокх нанас…- ай хьано аьннад хьога телефон йилла?
   - Мама…1а ма аьлларе сога «Йоале телефон 1айилла»…- нанас леладечох ца кхеташ, цецяьнна наьна б1арахьеж Фарида.
   - Бакълув йи1иг..- оал сесаго  е йо1о е дешдола къамаьл хозаш, ц1аг1а чуваьннача дас- 1айила эннад, цо йилай… 1а мичахьа йил ез эннадалера цо д1аюларг яр – аьлле велалу из.
   -Сен раьза яц хьо?, 1а эннар хьадаьд укхо – яхаш йи1иг марх а еле хьост дас, - ц1енна бувца беза г1алг1ай мотт.