***
Разбудзі мяне ранкам, мама,
З сонейка разам праменямі,
З, нібы малако, туманам,
З пеўня задзірлівым спевам.
Разбудзі мяне ранкам, мама,
Па шчаце правядзі далонню,
Усміхніся, каб светла стала,
Адвядзі ад мяне ўсё злое.
Разбудзі мяне ранкам, мама,
Абдымі сваёй цёплай рукой,
Прашапчу: «Па табе сумавала» –
Абяцай, што заўсёды са мной.
Разбудзі мяне ранкам, мама, –
Каб наперадзе ўсё жыццё,
Каб ізноў я маленькаю стала
І падманаў каб не было.
Разбудзі мяне ранкам, мама…
Студзень 2020
Разбудзi мяне ранкам, мама
© Copyright: Светлана Александровна Фёдорова, 2020
Свидетельство о публикации №220031001484
Свидетельство о публикации №220031001484
Рецензии