Книга меттан марзо, ,

даймахках

[11.03, 10:10] Резванова Айза Арбиевна:

Де хорцуш т1е еъча буьйса,
Д1атийна адамийн хьиер...
Беттаса го хи чохь луьйчуш,
Йорт етташ х1орда техь шен.

Хинсица самукъа  даьлла,
Беттаса тулг1еш т1ехь техка...
Цу суьртан т1аьлам бан хьегна,
Сан б1аьрса ойланех хьерча...
Р.А.А.
[11.03, 10:14]
Резванова Айза Арбиевна:

Ма хьаг1 я гамо яц хьан дагца,
Синхьаъме ойланех к1айн,
Тиллина 1аламан сарташца,
Хьайн дагчу ахь маьрша т1ай...

Ца 1ебаш дежа цу хазаллехь,
Сан б1аьргаш деш некъаш шайн....
Шен ирсах лепар ду - кх, хьан синехь,
Адмашна луш серло шех..

Ларамца,
Аздамиров Алин синхьежамна.....

Р.А.А.
[11.03, 10:49]
Резванова Айза Арбиевна: Резванова Айза

Сайн зама сайх тера хета,
Цунна а ша къуона хета,
Басабаьлла малх стиглахь къегарх,
Ца лаьа 1аьнах д1акхета...

Со а 1а шераш ца лоьруш,
Къоналлийн амалах хьерчаш...
Дуьненах са 1ехо, йоьлуш,
Сан зама, цхьаъ ю - кх, сох кхеташ...
Р.А.А.
[11.03, 18:52]
Резванова Айза Арбиевна: ю тахна ...

Керла хаза совг1ат кхийдош,
Йаьсти кхолламо 1уьйре.
И синмарзо дагчу ийзош,
Со ю тахна самукъне.

Детийн буьртигех т1е1енаш,
Дог1у дог1а беркате.
Хьозарчий ду зевне декаш,
Бешахь токхе ю аьхке.

Накхар – мозий г1уьтту «зузз» деш,
Белхий бина, гулдеш моз.
Хенан х1оттам хийца кечлуш,
Малхах хили дашо х1оз.

Зезагаш а самадевли,
Воьхуш х1ора шайна т1е.
Полла хьийза парг1атбаьлла,
Марзо оьцуш зезагех.

Керла хаза совг1ат кхийдош,
Йаьсти кхоламо 1уьйре.
И синмарзо дагчу ийзош,
Со ю тахна самукъне...
 хь хьуо ойланца хервеш цхьа бахьна,
Х1оьттинехь сох тешам  буьтуш хьайн техка...
Сан дехар ду хьоьга, ца юьтуш мекха,
Алалахь д1аьвше дош, са даллал къаьхьа...
2019
***(*
Сан Къоркхокха, 1уьйрре коре бог1ий,
Кхойкхуш Деле йоьхуш хета со...
Хьан аз хазар доккха совг1ат лорий
Ас а ларбо, йоккхайерца хьо...

Цкъа бераллехь дендех, дененах а,
Марзо оьцуш раг1у к1еллахь 1аш...
Хьо хьошалг1а бар ца дицло суна,
Тхан денанас терго йар а хьан...

"Марша да хьо, х1ай олхазар маьрша!
Бераллера мерза хьаша сан!
Х1оразза ахь, сан эсс доккху самса,
Томехь ду сан дагна, аз а хьан... ,,

Бохуш хьестар, денанас хьо х1етахь,
Дагчу дижна хилла цуьнан аз...
Ахь хийлазза доккху эсехь сама,
Хьалхахь достуш и бераллийн зазза...

Р.А.А
*****

Наб кхетта дисите адамалла,
Зуламна некъ буьтуш маьрша??
Ма парг1ато йе'ли харцонна,
Вайн дегнийн б1евнаш д1ахаьрца...

Вай х1унда ийзало харцонах,
Дац те вай йахь йолчу дайх?
Х1унда вай къаьста д1а марзонаьх,
Гергарлонех дуьтуш тай?

Кхиазхой хьекъалчех тарбина,
Мехкаршка ноналла делла...
Берашка кхийдадеш воккхалла,
Дисна вай хьекъалех тилла?

Х1унда бац ларам вайн дендайшца?
Бовларна заманах чекх...
Халонаш, харцонаш йовзарна,
Билли - те, царна т1е бехк?

Дайн лорах д1ахаьдда т1аьхьенаш,
Нислур йац декъалчу некъа...
Дай г1иллакхаш лара 1еминарш,
Хедар бац, д1а, ирсан декъах!!!
[***
Дахи вай, адамаш....

Дахи вай, адамаш, дахи вай,
Барт хилий, хьаьг1наш д1аяхи вай.
Делан ц1е даггара йаккхи вай,
Дуьне а къинт1ера даккхий вай!

Дахи вай, адамаш, дахи вай,
Даймехкан г1иллакхаш лари вай.
Оьздачу дай-наной ларам бай,
Ирсан мукъ схьа лаций, буй бе вай!

Дахи вай, адамаш, дахи вай,
Сина кхача вовшашца бекъи вай.
Ойланаш маьрша а йахий вай,
Иманехь, бусулба хили вай!

Дахий вай, адамаш, дахий вай!!!

*******

Накъостий хили вай вовше?
Х1усаме кхойкхуш вайн хьеший,
Самукъа, марзонаш дайн,
Йовзийтуш доьзалшна вайн...

Цкъа мацца вайн хене бахна,
Сингаттам хьевзича коьрте...
Баьхкича вайх дагабовла,
Синкхача бекъийта бовха...
***
Со ирсах ца хьаьгна,
Тоъъал сан хилла и дахарехь.
Т1ех 1енаш ца хилла,
Са дузош 1ийна - кх, шен барамехь.

Кхин лах – ам ца делла,
Ца кхоош декъарх д1а нахана.
Наха - а ца дуьту,
Юху схьа ца кховдош, саха.

Сайн ирсан да ю со,
Т1алам бо ас и ца дагийта.
Са дилхах къаьстачу
Дозанахь, цуьнан нур къагийта...
Р.А.
[11.03, 21:03]



[10.03, 19:19] Резванова Айза Арбиевна: Резванова Айза

Х1ун къуьйссу...

Мокхаз басехь, т1улг 1уьллура,
Бос ца хуьйцуш заманца...
Цунна уллехь зезаг кхиъна,
Шен т1ам хецна дозанца...

Хаза зезаг коча техка,
Махо, малхо хьаьстина...
Цунах доьжна 1индаг1 сетта,
Ша зезаг ду моьттина....

Т1улган 1индаг1 сацар доцуш,
Гуонах хьийза т1улгана.
1индаг1 зезаган, т1улг лоцуш,
Доза къийсса х1оьттира...

1индаг1 т1улган, шен буоларца,
Т1улга т1ехьа делира...
Ткъа зезаган 1индаг1 цунна,
Куралла ян х1оьттира...

- Хьанна, т1улга т1ехьа лечкъаш,
Ахь кеп х1иттор оьшу - те?
Хьан бос байча сингаттамна,
Мархаш йовлу ялхаре...

Т1улган 1индаг1 юха кхечи,
Малхаца шен некъ бина,
Деладелла и дист хили,
Цунна жоп луш, лерина...

- Шен кхолламца берта бахна,
1уьллу и т1улг  эсала...
Цуьнца тайна зезаг лаьтта,
Т1улган доза кхелина...

Вайша - м басца къасталур дац,
Ойла елахь хьекъалца...
Царах доьжна, вай х1ун къуьйссу,
И шиъ берттахь дехачахь??
2020
[10.03, 19:31] Резванова Айза Арбиевна: Синт1емаш даьржи сан, сакъераделла,
Бераллийн кевнаш аш даьстина д1а.
Ма ирс ду шу хилар, сан деган мерзаш,
Ц1еххьана малх къеги дахарехь сан!!!!

Яхна хан йесаллехь йисина хеташ,
Со – м 1ара, дагйала цакарош шу.
Ма ирс ду шу хилар, сан деган мерзаш,
Шух х1ора ирсе гар суна кхаъ бу!!!!

Шу марша дог1ийла, сан деган баьрчче,
Дахарехь ирс серла долийла шун...
Ма ирс ду шу хилар, сан деган мерзаш,
Юха а бералле аш йиги со!!!!
Р.А.

Сан санна лазамо дог 1уьйдуш йоьлхи - те мархаш,
Я лаьттах шовданаш дуьйли - те, сингаттам 1аьткъаш??
Мох бу - те, ца соцуш, балийна парг1ато лоьхуш,
Ду - те вайн кхолламаш цхьатера, дацарх мотт буьйцуш??

Зезаг а техкий - те, бецан куц кхалар - ъ ирс хеташ,
Олхазарш эшаре дуьйли - те, тийналлех кхоьруш??
Хьаннаша 1индаг1аш къуьйлу те, лечкъош къайленаш,
Ду те вайн кхолламаш цхьатера, дацарх мотт буьйцуш??

Р.А.
[10.03, 19:52] Резванова Айза Арбиевна: Резванова Айза
Нохчийн б1аьсте

Х1ун хир ду хьол хаза,
Тхан Нохчийн б1аьсте?
Хьо йохо - м г1иртира,
Хийла мостаг1ий...
Нохчийн йоь1а буоларца,
Кхечи хьо Даймахка...
Самукъне юьхь - сибат,
Лепа хьан лаьмнашкахь...

Хьайн деган сирла сурт
Комаьрша даьстина....
Исбаьхьа ойланаш
Аренца яржийна....
Йог1у хьо малхаца
Нохчий чоь хьаьстина,
Даймехкан 1аламна,
Ненан куьг хьаькхина...

Хьо марша йог1ийла,
Тхан Нохчийн б1аьсте!
Хьо маьрша йоьрзийла,
Дегнашчу нохчийн!!!

2019
[10.03, 20:00] Резванова Айза Арбиевна: Резванова Аза

Дуьне, ма г1ертахьа со 1ехо,
Хьайн хазна оьхьуш...
Го суна, х1ора мур х1оттаман,
Бу даго лоьхург.
Делахь а х1ай дуьне, эхартан,
Эмгар хьо лору,
Ериг а бакъонаш эхартан
Х1усмехь ю боху...

Аса - м хьо х1ай дуьне, сайн дагахь,
Сов ч1ог1а лору,
Х1ора де дуоладо, хьан кийрахь,
Кьа - мел а узуш.
Юха а суьйренца са луьйсуш,
Цецех чекх доху,
Хьо сийсаза дан лиънарг,
сийлалле кхочур вац бохуш....
[10.03, 20:06] Резванова Айза Арбиевна: Чалх лела - кх...

Сан дахар - м сецна - кхий, цу дийннахь,
Дег1ан чалх лела - кха, некъаш деш...
Ойланаш йисна сан цу меттехь,
Кхин некъа ца йовлуш, дахаре...

Дог кийрахь иккхинчу хоршара,
Шовданаш севцца дац м1аьргонна...
Сан дахар - м сецна - кхий, цу хеннахь,
Дег1ан чалх лела - кха, некъаш деш...
Р.А.А.
[10.03, 20:14] Резванова Айза Арбиевна: Резванова Айза

Со ю тахна...

Керла хаза совг1ат кхийдош,
Йаьсти кхолламо 1уьйре.
И синмарзо дагчу ийзош,
Со ю тахна самукъне.

Детийн буьртигех т1е1енаш,
Доху дог1а беркате.
Хьозарчий ду зевне декаш,
Бешахь токхе ю аьхке.

Накхар – мозий г1уьтту «зузз» деш,
Белхий бина, гулдеш моз.
Хенан х1оттам хийца кечлуш,
Малхах хили дашо х1оз.

Зезагаш а самадевли,
Воьхуш х1ора шайна т1е.
Полла хьийза парг1атбаьлла,
Марзо оьцуш зезагех.

Керла хаза совг1ат кхийдош,
Йаьсти кхоламо 1уьйре.
И синмарзо дагчу ийзош,
Со ю тахна самукъне.

Р.А.А.
[10.03, 20:24] Резванова Айза Арбиевна: Айза Резванова

Адам дезар г1алат делахь,
Со г1алат ю, и бакъ ду...
Адамах тешар г1алат ларахь,
Юха а со, г1алат ю...
Адамийн дог хьаста лаар,
И г1алат а соьца ду.
Реза ю со, г1алат хила,
Адамийн бала айбеш д1а.
Г1алат делахь, адам хилар,
Шеца долуш адамалла...
Р.А.
[10.03, 20:44] Резванова Айза Арбиевна: Резванова Айза

Шу ду сан доттаг1ий

Сан даго хаьржинарш,
Шу ду сан доттаг1ий!
Кхуллуш дерш, хаза васт,
Сан деган ойланийн...
Шу ду уьш, кхиош дерш,
Т1аьхье а г1иллакхе,
Шуьцана кхуьуш бу,
Безам а Даймахке!...

Сан даго хаьржинарш,
Шу ду сан доттаг1ий!
Собаре, г1иллакхе,
Яхьйолу сан нохчий!
Шух ду сан иллеш а,
Сан Даймохк, Нохчичоь...
Шу ду уьш, ненан мотт,
Сан дагна 1амош дерш!

Сан даго хаьржинарш,
Шу ду сан доттаг1ий!
Шуьца ю синсерло,
Яхь йолу сан Нохчий!
Шу ду сан дог маса,
Болар дан г1аттийнарш!
Шу ду, сан верасаш,
Дош маьрша даьккхинарш!

Дог майра вежарий,
Са сирла йижайрий,
Дехийла шу ирсе,
Сан мерза доттаг1ий!
Азаллехь къастийна,
Сан деган дозалла,
Шуьца ю сан марзо,
Сан Даймохк, Нохчичоь!

Р.А.А.
[10.03, 20:54] Резванова Айза Арбиевна: Резванова Айза

Ирсе б1ов...

Хьо х1унда кхийда дог, яханчу замане,
Х1ун деха г1ерта хьо, цу ширчу дахаре??
Лоьху те халонаш, дайшна т1е х1иттина,
Баланаш лоьху те, дайн дегнаш цистина??

Къайленаш йисна те, безамах ястаза,
Я, бахам карий те, хьоладайн бастаза??
Хьо х1унда г1ерта те, ойланаш хьагийна,
Боданан не1аре, сирла чиркх латийна??

- Лоьху ас марзонаш, дайн уьйраш ч1аг1йина,
Тешаме орамаш, 1адаташ х1иттийна...
Г1иллакхе г1ерта со, халонаш эешийна,
Барт боьху, дайн дегнийн баланаш башийна...

Бахам бу сан цигахь, х1отто мах боцуш,
Ша оьзда бийцинчу нанойн ц1е кхобуш...
Ломарчу шовданел ц1ена ша лоруш,
Нохчийн мотт, орамаш дакъо йиш йоцуш...

Лаамца сий долчу цу маттахь йотта,
Ирсе б1ов т1аьхьенна синкхача х1отто...
Са серла даьлча, я, х1иттича холча,
Бахкийта, деган не1 йоьллуш со йолча...
Р.А.
[10.03, 21:16] Резванова Айза Арбиевна: Резванова Айза

Вай ду те замано сихдина,
Я зама сихйина вай??
Вай г1ерта нека деш хих довла,
Генахь а доцушехь т1ай...

Тахане ца лоруш, кхане схьа,
Ма еха, им йог1ур яй...
Шен болар ца лахдеш замано,
Д1абевлла,вайн хийла дай...

Йиш - ваша д1ататтий нахаца,
Гергарло ма леха хьайн...
Хьайн наха сий деш хьо ца ларахь,
Хетар ву хьо, цхьалха, лай...

Тулг1е а, х1ордах д1а къаьстинарг,
Г1амаро д1ахудий йов...
Вон - дикнехь шен нахаца ца лелларг,
Адамашна вицлой д1авов...

2003
[10.03, 22:05] Резванова Айза Арбиевна: Айза Резванова

Ас къамел до....

Ас хаьттарш до, беллачарга,
Кешнийн кертахь йолалуш.
Хьолах дуьзна, дуьне лаьтта,
Ткъа шу ма дац, дист хуьлуш?

Делан кхелах ваьлла моьттуш,
Майрра дууш леллариг а.
Я хьарам дерг, шеха къаьстош,
Хьанал рицкъа лаьхнариг а.

Цхьа воккха стаг, хьаста велла,
Телхина  лела моьттуш со..
Хаттар деш, вист хилира соьга,
Хьаьнца къамел деш ю хьо?

Ас меллаша, жоп делира,
Хоийтуш сайн кхетам берг.
Ас къамел до, беллачарца,
Кхето лууш са чохь верг.

Дуьненан да ша ву моьттуш,
Хиллачарах, дисна ду.
Ткъа дуьненах  1еха ца луш,
Леллачара, дитна ду.
[10.03, 22:06] Резванова Айза Арбиевна: Хьонкахошка

Б1аьсте ю чу хьоьжуш вайга,
Лаьттах д1аэелур бу хьонка...
Эцийта аш цунах рицкъа,
Баийта и безачуьнга...

Хьонка Делан беркат ду
Цигахь - кхузахь вайнах бу...
Цхьаъ хилла вайн мехкан дай,
Хьонка бертахь баий вай?

Лаьттахь беркат дебар ду,
Вовшашна вай дезар ду...
Дайн хьехамаш ма бу вайга,
"Кхайкха ма дайталаш гайшка...,,

Баккха хьонка болччара,
Нах а битий Борзера...
1ана бахна лаьтта и,
Даймохк бу вайн беркате...

Б1аьсте ю чу хьоьжуш вайга,
Лаьттах д1аэелур бу хьонка...
Эцийта аш цунах рицкъа,
Баийта и безачуьнга...

Р.А.А.
[10.03, 22:13] Резванова Айза Арбиевна: Х1ун къуьйссу

Х1ун къуьйссу х1ай Дахар!
Ахь кху сан дагца?
Х1ун бахьна ду далар,
Дуьхьал хьан т1амца?
Ойла сан керчайар,
Хин тулг1е санна?
Даймахках хьегайар
Ненах бер санна?

Ца даьлла х1ай Дахар!
Хьо дог сан зийна?
Я эерна ду лехар
Ирс хьоьца ийна?
Вуй теша ваьхнарг а,
Ахь дог тедийна?
Я вуй хьох къаьстинарг,
Хьох дог 1абийна?

Сан Даймохк,
Со лела геналлехь хьуна...
Рицкъанаш хилла - кха
Яздина Дала...
Ойланца со еха даима хьоьца,
Сан Даймохк хир дуй те,
Вайшинна гойла?
[10.03, 22:16] Резванова Айза Арбиевна: Айза Резванова
Дакъаза ма дала, кийрара хьо дог сан,
Х1унда хьо г1елделла, некъ юккъе баланза!?
Ойланийн архаш ахь, есалле хецна д1а,
Самукъне хилла аз, къарделла хеза схьа.

Г1о - накъосталлийна ма кийча дара хьо,
Г1ийланиг, мисканиг гергара вара хьан.
Ниет а хьан ц1ена, х1ун бахьна ду дохо,
Х1унда хьо къардели, эший хьо замано!??

Делла ма дала хьо, буо берах тарделла,
Сел миска хьо хилча, мила хир сан эла?
Хьох накъост тарвина, балхийна къа - бала,
Мила ву тешаме, сан сина кхин хьол а?!

Балано 1овжорах, дахар д1ахедаш дац,
Вон - дика ца херца, заманан бакъо яц.
Дакъаза ма даларг, сан дехар ду хьоьга,
Г1елделла дисарх а, дуоха ма дуохалахь!!!

Р.АА
[10.03, 22:18] Резванова Айза Арбиевна: Резванова Айза

Дахар лай...

Цкъа хьостий деладеш,
1овжадой делхош,
Вайн г1ийла синош ду
Дуьнено ловзош...
Вайн майра дегнаш ду
Куралло 1ехош,
Зоьртала дог1маш ду
Цамгарша эегош....
Зама ю дахаран
Орамаш хедош,
Толаман байракх ю
1ожалле кхийдош...
Вайх цкъа а ца хилла
Дуьненан дай,
1ожалла ю эла,
Ткъа дахар, - лай!
[10.03, 22:34] Резванова Айза Арбиевна: Со йиша - м яра шун, кхин х1ума дацахь а,
Сан б1аьрхиш хьекъош, къинхетам бара...
Шух х1ора Аллах1е до1ийца воьхуш,
Х1оранна ц1е лоруш,
Сайн дагчохь сецош...
2020

Сатуьйсуш гойла сайн нохчийн къам маьрша,
Лаамца, Даймехкан са дала маьлха...
[11.03, 2:26] Резванова Айза Арбиевна: Айза Резванова

Цу шинна дар - кх къа...

Мох тили цхьахьаш - д1а,
Дарц эцна, шен ког маболлу...
Малх къежи боьлуш схьа,
Ша цуьнан амалах боьлла...
Х1аваэхь, лаьттахь а,
Ка йетташ, сутара балла,
Лачкъаза диснарг - м, хьаькхи д1а,
Ницкъана тоьлла...

Д1о маьрша аренгахь
лаьтта дитт дожий, юрт йохош,
Къийгашна дина зен,
Дохийна, даржийна бенаш..
Дийцарехь кхуьур ю
уьш юху, юрт юьллуш йаха,
Кхо б1е шо ю боху,
Церан хан дуненчохь йаккха...

Пхьид йоху, кхийссалуш,
Басий к1ел лечкъина 1ийнарг..
Дик - зуда шех хилла,
хьаьвзина, мох цуьнан уьйт1а а...
Ша-боршам хьаькхина, лаьтташ ю,
Басех йина майда,
Пхьида-м д1а 1ийр йара,
Цо а бер шена кхин г1айг1а...

Миска ши ч1ег1ардиг,
цхьа к1еззиг хан йаккха деана.
Тешнабехк хуьлура,
Цу шимма хьегна къа дайнехь,
Чура сал - пал аййина,
Йаьхьнехь д1а,
Х1усам ю дийна.
Цу шинна ирс хили
Хиларна адмашца ийна...
2015
[11.03, 2:35] Резванова Айза Арбиевна: Ма хьаг1 я гамо яц хьан дагца,
Синхьаъме ойланех к1айн,
Тиллина 1аламан сарташца,
Хьайн дагчу ахь маьрша т1ай...

Ца 1ебаш дежа цу хазаллехь,
Сан б1аьргаш деш некъаш шайн....
Шен ирсах лепар ду - кх, хьан синехь,
Адмашна луш серло шех..

Ларамца,
Аздамиров Алин синхьежамна.....

Р.А.А.
[11.03, 10:05] Резванова Айза Арбиевна: Айза Резванова

Зама д1аюстучу дуьненах со кхета,
Де-буьйса луьстучу заманах со кхета.
Адамаш сов къиза, х1унда ду, ца кхета!?
Х1етте а адамаш, сан дагна шу деза,
Шух кхетар, шу дезар, адамалла а хета.

Вон-дика хоьрцучу дахарах со кхета,
Бакъонаш лоьручу кхолламах со кхета.
Адамаша тешнабехк х1унда бо ца кхета!?
Х1етте а адамаш, дог ч1ог1а шух теша,
Шух кхетар, шу дезар, адмалла а хета.

Де серла доккхучу малхах а со кхета,
Буьйсанах, беттасих, седарчех со кхета.
Адамаш, мерзаниг къахьдечух, ца кхета!
Х1етте а адамаш, сина-марзо шу хета,
Шух кхетар, шу дезар, адамалла а хета.

Шен бала базбелла воьлхучух со кхета,
Лаамах кхаъ хилла воьлучух со кхета.
Дог дуьзна и бацахь, безамах ца кхета.
Адамаш, дахаре сайн безам шу хета,
Шух кхетар, шу дезар, адамалла а хета.

2009
[11.03, 10:09] Резванова Айза Арбиевна: Резванова Айза

Хьан хабар ма делла?
Аз а д1а къарделла…
Мохехь я малхехь дац,
1индаг1ех тарделла…
Гергарло ма лаьтта
Шат1улгах шалделла.
Х1усам а х1оранна
Каш1уьргах таръелла.

Вааа, делладовла вай,
Д1ахадда доллу тай….
Схьадаста некъаш шайн,
Марзонца дахи вай?
Р.А.

НЕНАХ




[10.03, 19:48] Резванова Айза Арбиевна: Тидам беш хилалахь...

Хьайн нана резаяй, валалахь хьо новкъа,
И хьастий даккхалахь, цуьнан дог ахь ловза.
Делера пурбанца,
Кхаъ бахьаш шаьш бовха,
Стиглара маликаш дуьссур ду хьо вовза...

Даггарчу безамца ненан ц1е яккхалахь,
Хьайн лаам эешабай, ненан дош ларделахь.
Цуьнгара даьллехь а, г1алат ма ларалахь,
Вайн Далла хьалхахь хьо, юьхь к1айн хир ву хьуна...

Мерзачу безамца, хьан б1аьргаш хьистинарг,
Хьоьгарчу лазаро, кийрахь дог цистинарг.
Хьуна чу са дилла, шена юкъ йихкинарг,
Хьан нана ю хьуна, собаре хилалахь.

Шен нана хьистинарг, дахарехь толийнарг,
Шен нана елхийнарг, дахарехь эешийнарг.
Шен ненан сий динарг, сийлаллехь къагийнарг,
Вайн Дела ву хьуна, тидам беш хилалахь!!!
Р.А.А.
[10.03, 20:27] Резванова Айза Арбиевна: Резванова А...

Хьо йоцчахь Нана, малх кхулий лаьтта,
Хьо йолчахь х1унда и болу - те, серла?
Х1ун йовхо ю - те, малхана кхочург?
Нана, цо б1аьсте а хьан суьртах йоста...

Хьо йоцчахь Нана, б1аьсте ю шийла,
Бошмаш а къийлалуш, хебаршка юьйлу...
Хьо йолчахь х1унда уьш хецало башха?
Нана, зазза бошбашкахь хьан суьртах досту...

Хьо йоцчахь Нана, дог доьжна 1уьллу,
Хьо йолчахь х1унда и долу - те ловза?
И тамаш бовзийта сатуьйсуч сина,
Йолахьа Нана хьо, и къайле йийца...
[10.03, 20:36] Резванова Айза Арбиевна: Резванова Айза
Кхин х1ун ирс ду...

Сина парг1ато шайна лоьхуш,
Кхечу махка ихнарш д1а,
Хир буй техьа, парг1ат бехаш,
Са цахьийзаш Даймохк ган?!

Дериг дуьне серла доккхуш,
Б1аьсте йоьлуш йеъча т1е...
Сан са т1ома долий доьду,
Сайн махкахой гулбан ц1а.

1ожалла ю, когех хьерчаш,
Новкъарло йеш боларна.
Замано а тукур туьйсуш,
Дацдо некъаш дахаран.

Сан дог доьлху, Деле доьхуш,
Рицкъаш маьрша дерзор ц1а.
Доьзалех б1аьрг тоха хьоьгуш,
Хийла наной кхелхи д1а..

Ойла йейша, х1ай, махкахой!!
Къизалла д1айакхий шайн!
Барт боцург ткъа, кхин х1ун ирс ду,
Доьзалашка кховдо вайн??
[10.03, 21:31] Резванова Айза Арбиевна: Сан хьомениг  Неца...
Ахмадова Пет1амат – йинчу денца

 

1аьнан туьйра хаздеш деъна,

Хьо б1аьстенан зезаг.

Хьан кхолламо ирсе дина,

1а б1аьстенах лепа.

Вовшашца хелхаре хьийзаш,

Лайн чимаш т1е иэга.

Хьо йина де даздеш тахна,

Сан аз зевне дека.

 

Хьо ехийла хьайн дахарехь,

Хьиекъаш ирсе некъаш.

Кху сан дагна хир дац теша,

Х1ума кхин хьол дезаш.

Хьо ирсе гуш, сакъералуш,

Тхо седарчех къега.

Хьо йина де даздеш тахна,

Сан аз зевне дека.

 

Декъал хила, декъал хила,

Ненан йиша, мерза!

Хьо-м тхан дегнаш дохдеш кхета,

Хастаман малх беца.

Декъал хила, ирсе хила,

Сан хьомениг, Неца!

Хьо йина де даздеш тахна,

Сан аз зевне дека.

Р.А.А.
[10.03, 21:32] Резванова Айза Арбиевна: Резванова Айза

Ца юьтуш буо хила..

Муьлхачу мукъаме даладе те аз ас, Нана!
Мохь тухуш, я г1ийла кхайкха те, со хьоьга гена.
Б1аьрхишца дийца те, я дош а ца олуш, тийна,
Далхаде те, ас сайн дагахь  дерг, есалле сийна.

Мила сох кхетар те, хьаьнга ас дуьйцур те, Нана!
Толаме узуш сан, г1иллакхийн мах хадор, хьан?
1аьржачу бодано ницкъ кхачош со къовлахь мара,
Мерзачу озаца сингаттам хьа къахкор д1а.

Ас хьаьнца доькъур те, дахарехь къегина денош,
Дозалла хьа дер те, сан некъех айеш сан ц1е.
Мила ву сан Нана, къинхетамца, б1аьрхиш 1енош,
Со Деле йоьхуверг, т1ех лиънарг, со ирсе ган.

Со наггахь со сайца шабаршка яьллачахь, Нана!
Йолалахь сан дагчу, дагалецамаш бахьаш хьайх.
Са парг1ат доккхуш сан, хьостуш дог бераллехь санна,
Ца юьтуш буо хила, д1ахаьдда, марзонах хьайн...
[10.03, 21:33] Резванова Айза Арбиевна: Айза Резванова
Нана, сатийсинарг...

Муха ду хьан яхар, хьо хьанна къежа,
Кариний те хьуна, ирс къега лам??
Ахь ненан марзонах битинчу хьега,
Доьзала-м телхина дахаре чам.

Кхиина йог1учу йоь1ан некъ боьхна,
Дог хьаста вац цхьа а, я хьехар дан.
И лаьтта хьан суьрта т1е б1аьргаш доьг1на,
Яц нана хьеган бен, лаарх а ган.

1уьйранна ца г1оттуш, висина ваша,
Цамгаро 1аьвшина шен мерза са.
Дог лозуш, жима куьг хьекхарх т1е йишас,
Цо ненан йовхоне туьйсура са.

Къинхетам са баьлла, кийрахь дог лозуш,
Къона да х1оьттира, к1антана т1е.
- ,, Х1ун лозу, мичхьара?,, , хаьттарш деш, хьоьстуш,
Цо сиха лоьраш а бийхира схьа.

Амма к1ант 1уьллура, ша г1ийла хьоьжуш,
Т1еххьара бетташ шайн не1аре б1аьрг.
Меллаша цо ойла къадийра,  доьхуш,
,, Нана, сатийсинарг, кхачахьа схьа,, .

Мичхьа ду хьан лелар, хьо хьанна къежа,
Кариний те хьуна, ирс къега лам??
Ахь ненан марзонах битинчу хьега,
Доьзала-м телхина дахаре чам
[10.03, 21:34] Резванова Айза Арбиевна: Резванова Айза
Г1енаха г1ено...

Сийсара г1енаха йилхи со, Нана,
Суо г1ено  г1енаха 1ехор ца тайна...
Боккъал а бакъ дина, хьо яр тадина,
И мерза сатийсам, г1ан хилла байча...

Юху а самаха,  цу г1ене кхача,
Сатесна юьйжи со, набарна товжа...
Хьан когийн к1еда лар, лерсино лоьцуш,
Г1ена чу ели со, набарха йолуш...

Буьйсанан къовларшкахь дуьтуш сан г1ан а,
1уьйренан синт1амарш сайн корехь дайча...
Сан холчу х1оттар а, хьостуш, ма тайр - кх,
Буьйсанан 1аьржаллехь хилар наб яйна...
[10.03, 21:37] Резванова Айза Арбиевна: Резванова Айза

Хьо йоцчахь Нана, малх кхулий лаьтта,
Хьо йолчахь х1унда и болу - те, серла?
Х1ун йовхо ю - те, малхана кхочург?
Нана цо б1аьсте а, хьан суьртах йосту - кх!

Хьо йоцчахь Нана, б1аьсте ю шийла,
Бошмаш а къийлалуш, хебаршка юьйлу...
Хьо йолчахь х1унда уьш хецало башха?
Нана, зазза бошбашкахь хьан суьртах досту - кх!

Хьо йоцчахь Нана, дог доьжна 1уьллу,
Хьо йолчахь х1унда и долу - те ловза?
И тамаш ловзийта сатуьйсучу сица,
Йолахьа Нана хьо, и къайле йийца!
Р.А.
[10.03, 21:43] Резванова Айза Арбиевна: Резванова Айза

Ц1инбелла бутт санна

Ц1инбелла бутт санна - эсала, оьзда,
Хьоьжу хьо ойла еш, Даймахках йоьзна.
Хьан сица са дустуш, со хьежа яьлча,
Хета сайн ийманан нур дуьйлуш серла.

Цхьа мерза г1айг1анаш седарчех луьйсуш ,
Хьоьжучу хьан б1аьргийн синлазмах хьегна,
Хьан б1аьргаш чухула со хьежа яьлча,
Къинхетам сабуьйлуш хаало дагца...

Хьан сирла юьхь – сибат, неначух оьзна,
Цу амат чуйоьлла, со лела яьлча.
Т1аьххьара синмарзо адамашца йаькъна,
Маьлхан нур кийрарчу сих 1енаш хета.

Нохчийн зуда, дьуненахь сий долу Нана,
Са маьрша ехийла, хьо хьоьстуш Дала!!
Нохчийн зуда, Даймехкан сий дина Нана,
Аллах1а хьоьстийла, хьан ц1ена ойла !!
[10.03, 21:44] Резванова Айза Арбиевна: Бехке йо

Бераш а дитина, д1а яхна бохуш…
Тоьшаллаш деш нана, бехке йо, х1унда?
Доьзалех къастаро кийрахь дог доруш,
Лелий им дакъаза яьлла, деш къурдаш....

Яхь - мо1аш иръелла, дагах чекх юьйлуш,
Яьлла и собарах эшадеш г1ора?
Къайлаха шен доьзал вайн Деле боьхуш,
И лела хьоьгуш дан, доьзална дола?!

Ма ч1ог1а еза - кх, берашна нана,
Дустийша цу ненан деган хьал аша...
Адамаш, мА къастадейша бер - наний,
Цу шиннах къастош д1а, марзонан дакъа!!!

Р.А.А
[10.03, 21:46] Резванова Айза Арбиевна: Айза Резванова
Ца евза нана...
Сунам хьо ца гина, лаарх ган нана,
Амал а ца евза, муха ю и!?
Х1етте а, б1аьргаша яздо хьан амат,
Цул хаза дуьненчохь х1ума дац кхин.

Хьан аз а ца хезна, сатийсарх хийла,
Са де1ар сацийна, ладег1арх тийна.
Зов деъча сан лере, хьан озах ийна,
Цул мерза дацар-кха х1ума сан сина.

Ца карий хьан куьйгин ховхалла суна,
Хьо лоьхуш, кхин наной къийларах мара.
Г1енаха хьо еъча, сатийсам хилла,
Ма бовха кхаъ бар-кха, сан дагчохь 1илла.

Дахарехь со хьегна, ца евза нана,
Дог хьаста, хьехар дан ас ехнарг хийла.
Ма ч1ог1а еза хьо, декъазчу сина,
Йолахьа, йовхо луш, малх кхеттача денна!
[10.03, 21:47] Резванова Айза Арбиевна: Нене

Малхо дай-й куьг хьокхуш, суьйре йижича,
Буьйсанан х1усаме дуьне дирзича.
Беттасих йог1ий т1е, нур хьоьрсуш тийна,
Нана, ахь дуьгу са, г1енашка сийна.

Б1аьстенан 1уьйре а хьан озах ека,
Зезагаш хьан хазчу аматах лепа.
Шовданаш хьан сирла ойланех 1ена,
Нана, малх хьан куьгийн йовхо луш, къега.

Заманах чекх дуьйлуш, г1иллакхаш деха,
Догзалла йоцучохь, марзонаш юцуш.
Хьайн сих ахь са делла, т1аьхьенаш деба,
Къоначу дахарийн ирсе тхи муьйлуш.

Нана, хьан ц1арца до дуьнено некъаш,
Ахь дечу до1анийн къинхетам хьекъаш.
Хьан дагчохь сий дожарх лардойла Нана,
Дала Ша ницкъ лойла, Хьан сий деш даха!
[10.03, 21:56] Резванова Айза Арбиевна: званова Айза
Йиш йоьхна йог1у со

Дитахьа дай-наний къиза ка ца етташ хьайн,
Марзонна орамаш хедийча, х1ун до кху дуьненах тхайн.
Хала некъ ас бина, цу шинна т1е кхаьчна совг1ат дан сайн,
Тахана йиш йоьхна йог1у со, дехарца, хилла хьан лай.

Х1ай зама, ден-ненан б1аьргаш чу хьаьжчи сайн бералла гой,
Йоьду со дуьххьара ког боккху бер санна, болар деш дай.
Цу шинна могшалла ахь къийзош, даге ца ладелла сайн,
Тахана йиш йоьхна йог1у со, дехарца, хилла хьан лай.

Х1ай зама, ма мотта  со лелла амалех ца кхеташ хьайн,
Дуьненан хазаллехь ма мотта, къаьхьа чам суна ца тай.
Ден-ненан декхар со ца яьлла, ма хетта д1а текхна сай,
Тахана йиш йоьхна йог1у со, дехарца, хилла хьан лай.

Х1ай зама, хьо уьду т1ехь - т1ехьа хьалхачул болар сихдой,
Ден-ненан доггаха дог хьаста хан лохьа,  цкъа собар дай.
Дахарехь ас ойла ца йина,  цу шиннах къастаран сай,
Тахана йиш йоьхна йог1у со,  дехарца, хилла  хьан лай!!!!
[11.03, 10:17] Резванова Айза Арбиевна: Ахмадова Пет1аматна,
цуьнан доьзалшкара

Нана, тхан дахаран йовхо,
Тхан дегнийн самукъне малх.
Къагалахь нана хьо ирсе,
Тхан ирс ду хьан б1аьргаш чохь...

Дац тхуна хьан меха х1ума,
Хьол мерза, марзо яц кхин.
Хьан б1аьрхи ма гойла тхуна,
Хазахетарца дацахь и...

Нана тхан ирсана делла,
Делера совг1ат ду хьо...
Безачех йоккхаеш денна,
Ехийла хьо, цагуш вон!!

Хьайн сина лаамаш эшош,
Халонаш, баланаш ловш.
Тхан синтем цкъа а цабохош,
Ца 1ийний хьо-м дерриг товш..

Делахь а, тхан хьоме нана,
Къинт1ера ялалахь тхуна.
Цхьана дашна тилкхаза девлла,
Йинехь вас, хуорам беш хьуна..

Я Аллах1,ницкъ болу Дела!
Хастам бу, ахь деллачунна!
Тхайн нана резаеш даха,
Ницкъ лолахь Я Аллах1 тхуна!!
[11.03, 10:21] Резванова Айза Арбиевна: Ц1инбелла бутт санна

Ц1инбелла бутт санна - эсала, оьзда,
Хьоьжу хьо ойла еш, Даймахках йоьзна.
Хьан сица са дустуш, со хьежа яьлча,
Хета сайн ийманан нур дуьйлуш серла.

Цхьа мерза г1айг1анаш седарчех луьйсуш ,
Хьоьжучу хьан б1аьргийн синлазмах хьегна,
Хьан б1аьргаш чухула со хьежа яьлча,
Къинхетам сабуьйлуш хаало деган...

Хьан сирла юьхь – сибат, неначух оьзна,
Цу амат чуйоьлла, со лела йаьлча.
Т1аьххьара синмарзо адамашца йекъна,
Маьлхан нур кийрарчу сих 1енаш хета.

Нохчийн зуда, дьуненахь сий долу Нана,
Са маьрша ехийла хьо хьоьстуш Дала!!
Нохчийн зуда, Даймехкан сий дина Нана,
Аллах1а хьоьстийла, хьан ц1ена ойла !!
[11.03, 10:44] Резванова Айза Арбиевна: Резванова Айза

Айнушка

Стигал, латта а айделла,
Самукъа даьлла, хьан озах...
Дуьне, 1алам серла даьлла,
Хастам беш, хьо совг1атах...

Б1уьйса сега, б1аьргаш къегош,
Хьан аз хаза сатесна...
Батто стиглахь мархаш кегош,
Лоьху хьо, малх тарбалла...

Олхазарш хьан озах дека,
Бес - бесарчу шакаршца...
Байт1ехь даьлла, зезаг техка,
Хьан аматах дог хьегна....

Сирла седа бу и, бохуш,
Седарчаша къуьйссу хьо...
Х1'а - х1а, зезаган бос богуш,
Зазагаш а къарцало...

Къийсар эрна дуй те хета,
Хьо малхаца, баттаца,
Айнушка, массарна еза,
Хьо ду совг1ат, дуьненна!!!

2019
[11.03, 11:49] Резванова Айза Арбиевна: Резванова Айза

Дехошна

Сан ирсан орамаш,
х1орамма доладеш,
аш ницкъ луш кхиийра тхо...
Даймехкан г1иллакхаш,
ненан маттах эедеш,
Марздира дегнашна тхан..

Дахар а дац хьесап,
дайн х1усме некъ бацахь,
Дозалла дацахь шух дан...
Шун лорах ца лелахь,
шун некъаш ца ларахь,
Ца лехахь эхарт шуьца...

Йахь йолу тхан денда,
денана оьзда,
денвежрий - йижарий, да!
Шу Дала лоьрийла,
йалсмана х1усамехь,
Т1аьхьено йал йохуш с'а!

Иманца, исламца,
хастам бар Далла,
Марздира аш тхуна говза...
Эхартан х1усмехь,
декъалчийн даржехь,
Юьхь хуьлда,  тхан,
шуна т1е товжа! 

Тхайн мерзачу дехошна, Резванов Сайд - Ахьмадна а, цуьнан доьзална а лерина...

2018
[11.03, 11:51] Резванова Айза Арбиевна: Резванова Айза

К1еззиг бу те, сан синбарам,
Х1ун ду те ца тоьург т1е??
Ца лало соь беран делхар,
Цхьа шен маттахь, йохуш ц1е.

Дегбааме, б1аьрхиш 1енаш,
Къинхетам ца тоьуш шех.
Х1ун сингаттам кийрахь дебаш,
Доьлху те и жима бер?

Беран са ду, г1ийла, миска,
Совг1ат дац-кха 1ехо и.
Х1орамма дустийша шеца,
Х1ун ду ненал мерза, кхин!?

Х1унда доккху бер шен ненах?
Стенна бехке хилла и?
Карор дац, мел дукха лехарх,
Тукар, хадо церан уьйр...

Р.А.
[11.03, 11:52] Резванова Айза Арбиевна: Резванова Айза

Нана хьеста дешнаш ма ца оьшу,
Б1аьргаш дуза, луш ахь тешам хьайх..
Кховдаде куьг, саха луш, комаьрша,
Лаьтта т1ехь а хьега хьанал къа...

Нене безам дешнашца ма бийца,
Гайта иза мерза уьйрашца...
Хьеший кхайкха, ненан сица ийна,
Синкхачанах дуза цуьнан са...

Нене эшац х1ун юур ю хетта,
Сов яьлларг цо, кховдор саг1ийна...
Аьтто бита шен са лаьттарг деха,
Цо доьхург ду, ирс шен доьзална...

Р.А.А.
[11.03, 19:00] Резванова Айза Арбиевна: Резванов 1аьртбин Айза

Со йилхи, б1аьрхиш сайн цакхоош,
Йилхи со, дог эккхал дог лозуш...
Вайн Дала сан йелхар къобал дахь,
Нохчийн къам маьршачех хир долуш...

Со йилхи, сайн б1аьрхиш цакхоош,
До1ийца  вай къоман барт боьхуш...
Вайн Дала сан до1а къобал дахь,
Дахар вайн беркате хирдолуш...

Со йилхи, сайн б1аьрхиш цакхоош,
Нохчийн къоман ненан даггара...
Аллах1а со нана къобал йахь,
Къинхетам вайн къомах хирболуш...

Йа Аллах1, хьайн безачийн дуьхьа,
Сан къоман некъ декъалчех бехьа!
Йа Аллах1, (С.1.С) Мохьуммад Пайхамар Къобалвинчеха тхо, Ахь дехьа!!!
[11.03, 20:22] Резванова Айза Арбиевна: Ц1инбелла бутт санна

Ц1инбелла бутт санна - эсала, оьзда,
Хьоьжу хьо ойла еш, Даймахках йоьзна.
Хьан сица са дустуш, со хьежа яьлча,
Хета сайн ийманан нур дуьйлуш серла.

Цхьа мерза г1айг1анаш седарчех луьйсуш ,
Хьоьжучу хьан б1аьргийн синлазмах хьегна,
Хьан б1аьргаш чухула со хьежа яьлча,
Къинхетам сабуьйлуш хаало дагца...

Хьан сирла юьхь – сибат, неначух оьзна,
Цу амат чуйоьлла, со лела яьлча.
Т1аьххьара синмарзо адамашца йаькъна,
Маьлхан нур кийрарчу сих 1енаш хета.

Хьоме нана, дуьненахь сий долу Нана,
Са маьрша ехийла, хьо хьоьстуш Дала!!
Хьоме нана, Даймехкан сий дина Нана,
Аллах1а хьоьстийла, хьан ц1ена ойла !


КЪОНАХЧУХ


[10.03, 19:54] Резванова Айза Арбиевна: аэчо

Къонахчо юхкуш, я оьцуш яц стогалла,
Я воцчух къонах веш, молха а дац.
Вайн дайша литтина г1иллакхаш дарбанна,
Лелочух к1иллойн ун кхета йиш яц.

Б1е шерийн цецех чекх даьхна и г1иллакхаш,
Бакъонан олалла шаьш лелош ду...
Муьлххачу къийсамехь, толам шаьш баьккхинарш,
И дарба шайн кийрахь карийнарш бу.

Лаккхарчу даржашкахь ма леха стогалла,
Я г1ийлачуьнгара ма къийзае.
Яхь йолчуьнгахь хуьлу и къаго говзалла,
Йоцчуьнга цуьнан мукъ ма кхийдабе.

Карзахе къоналла, доьналлийн зама,
Къаьстича мехалчу дахарах д1а.
Сих хьаьрчаш, амалах д1аийна лелла,
Г1иллакхо х1иттайо г1ортораш схьа...
[10.03, 20:38] Резванова Айза Арбиевна: А.Резванова

Генахь со велахь а, бац дагна хера,
Сингаттам, сан Даймохк, хьийзарг хьан кийра.
Ма мотта со веха, са парг1ат даьлла,
Хьан бала сан деган пхенаш чу баьлла.

Дага а ма далахь, геналлехь къайллаха,
Ойланца цхьана муьргана хьох къаьстина 1ийна.
Маьршачу аренгахь, сина маршо яйна,
Хьийзачу мохах са, хьан не1ре идда.

Тийналла х1оьттича, базлуш хьан бала,
Г1енашкахь сатуьйсуш, хьох дагавала.
Сан Даймохк, со лелла, къен-миска ваьлла,
Хьоьгуш хьан дозанах, кошна барз балла...
2017
[10.03, 20:40] Резванова Айза Арбиевна: Резванова Айза

Сийсаза балур бац и майра к1ентий,
Заманца вайн лаьмнех кхуьур ду сий!
Бакъонан некъ къуьйссуш,  эгна сан вежарийн,
Дагалоьцуш дегнашчохь кхехкар ду ц1ий...

Мостаг1ий хьегна бу, доьналлех церан,
Эесехь схьа мел керча хиламийн сурт...
Элчанан юьхь ларъяр дозалла хеташ,
Собарца гайтина цара вайн дурс...

Дилхина, доьлхур ду вайн дегнаш царна,
Кхиийна бацарий уьш - м т1амна вай...
Делахь а,  ца езна юьхь1аьржо дайшна,
Ца биси уьш баха амалца лайн...

Азаллера абаде зама ю еха,
Ткъа декъалчийн зама хан тоьхна яц...
Дуьненахь, эхартахь г1азотан некъа,
Х1итинарш, Аллах1а Шех къастор бац!!!

Ин Ша Аллах1!
[10.03, 20:41] Резванова Айза Арбиевна: Россий кхетахьа

Къиза десте хилла хьо тхан къомана,
Бала лайна хьоьца дайша даима....
Ца тадели дог хьан, яларх зама д1а,
Тхо - м денц1ахь дай, Россий, кхетахьа!

Бигарх дай ахь, махках баьхна генна д1а,
Леларх дог1маш, ц1а сатуьйсуш паналлехь...
Синош дара церан хьийзаш,  Даймахкахь,
Тхо - м денц1ахь дай, Россий, кхетахьа!

Стигал, латта сийсош ц1е - к1ур биллина...
Ахь хьовзорах дуьне т1арал гатдина...
Тхайн Даймехкан сий деш, дала - диса а,
Тхо - м денц1ахь дай, Россий, кхетахьа!

2019
[10.03, 21:17] Резванова Айза Арбиевна: Резванов 1аьбийн Айза
Дицдина сиха...

Вай сиха дицделла, дицдина сиха,
Цхьа боьсса вай хьовса дезара юха...
Вайх цхьа а ца къестош этира къиза,
Дуьххьара дац иза - м, х1оразза дита....

Вай сиха дицделла, дицдина сиха,
Яхь йолу къонахий х1иттош шайн сиза...
Сий долу мехкарий сийсазбеш къиза,
Са лиедеш къахьоьгу вай дицдан иза...

Вай сиха дицделла, дицдина сиха,
Наноша мохь беттар,  доцуш г1о - орца...
Баккхий нах къурдаш деш, хьежар вайн б1аьра,
Ма бакъо яцара вайн, Дайн некъах тила....

Вай сиха дицделла, дицдина сиха,
Вайн махка бог1у некъ шарбелла т1амна...
Хьекъале хилий вай, цхьа барт бай х1инца,
Мостаг1ий тохий вай, кхетамца юха??

Эшац герз толамна, барт хилар оьшу,
Вовшашна ларам беш, къизалла эшо....
Ца оьшу, оьшур дац вай кхечу махкахь,
Сий хир ду Даймехкан, вай вовшен сий дахь!
[10.03, 22:10] Резванова Айза Арбиевна: Резванова 1аьрбин Айза
Яшуркаев Султанна лерина

Даймехкан марзонах къастийна,
Безачех, бевзачех хьагийна,
Бертаза махкаха ваьккхина,
Хьан лелар, йал йоцуш ма дойла!

Балано кийрахь дог 1евдина,
Харцоно мерза са лазийна,
Мух1ажар хилла ахь йаьккхина,
Хан Дала, совг1ате хьан йойла!

Халкъана совг1ат дан лерина,
Хьайн ц1енчу ойланех дуьйцина,
Х1ора дош нур - деших къегина,
Хьан сина теш хилла г1оттийла!

Комаьрша кевнаш д1адаьстина,
Шайн мехкан хьаша хьо лерина...
Хьан доьхна  дог - ойла хьаьстина,
Халкъашлахь барт - безам лаьттийла!

Нохчийчохь ирсе сатуьйсуш,
Маьршачу дахарах ваьлла...
Даймехан бакъонаш къуьйссуш,
Хьан кхалхар Г1азотехь дойла!!!
З1.01.2019
[10.03, 22:52] Резванова Айза Арбиевна: Делар - кха хьо сан са,
Кхоьллина д1аьвшечу герзех,
Иккхана йахийта, хьо
Россий пачхьалкхе ирах...
Зуламе хьан дог а,
Дат1ийна, дагийна ц1арах,
Сайн къомах ч1ир эцна,
Парг1ат д1ауьйр йар - кха, лаьттах...

Делар - кха хьо сан дог,
Кхоьллина, сийначу ц1арах,
К1ожам беш вагийна,
Х1аллак ван, хьо къиза паччахь...
Кийрара дог 1абош,
Нийсонца хьан сина кхел йеш,
Сайн къомах ч1ир эцна,
Парг1ат д1а уьйр йар - кха лаьттах...

Р.А.
[11.03, 10:11] Резванова Айза Арбиевна: Резванова Айза
Дицдина сиха

Вай сиха дицделла, дицдина сиха,
Цхьа боьсса вай хьовса дезара юха...
Вайх цхьа а ца къестош этира къиза,
Дуьххьара дац иза - м, х1оразза дита....

Вай сиха дицделла, дицдина сиха,
Яхь йолу къонахий х1иттош шайн сиза...
Сий долу мехкарий сийсазбеш къиза,
Са лиедеш къахьоьгу вай дицдан иза...

Вай сиха дицделла, дицдина сиха,
Наноша мохь беттар,  доцуш г1о - орца...
Баккхий нах къурдаш деш, хьежар вайн б1аьра,
Ма бакъо яцара вайн, Дайн некъах тила....

Вай сиха дицделла, дицдина сиха,
Вайн махка бог1у некъ шарбелла т1амна...
Хьекъале хилий вай, цхьа барт бай х1инца,
Мостаг1ий тохий вай, кхетамца юха??

Эшац герз толамна, барт хилар оьшу,
Вовшашна ларам беш, къизалла эшо....
Ца оьшу, оьшур дац вай кхечу махкахь,
Сий хир ду Даймехкан, вай вовшен сий дахь!
2018
[11.03, 10:39] Резванова Айза Арбиевна: Резванова Айза

Да велла дуьсийла, ков - керт а,
Йихкиначеран и маршо!
Да ваьтт1а хуьлда - кх, ког хецар а,
Адамашца лелочуьна харцо!
[11.03, 11:04] Резванова Айза Арбиевна: Резванова Айза
Кхиалаш нохчех

Шу муьлш дара,
Шух муьлш хили,
Нохчийн, берзан к1езий!?
Ма хийцалаш,
Барзах джаьлеш кхарддал,
Амал нохчийн!

Акхаройх схьа
Шаьш къастийна,
Лелорах сов хьоьстуш,
Берзан к1езий,
Барзах кхуьу,
Дагах дага дуьйлуш...

Д1о лекха лам
Боьлхуш 1аннал,
Баланаш т1е делхарх,
Нохчийн к1ентий
Майрра лелла,
Ца къесташ дайн амалх...

Шу ду, нохчийн
Нанойн дегнаш,
Орамаш Даймехкан...
Мичча меттехь,
Нохчех кхиълаш,
Сий долу тхан, Нохчий!

Далан пурбанца!
2019
[11.03, 11:13] Резванова Айза Арбиевна: Резванова Айза
Сий долчу к1енташка....

Сан салам дац шуьга,
Яхь йелла к1иллой!
Салам ду, сийдолчу к1енташка сан!
Салам ду нохчашка,
Сийлардан мехкан,
Ц1еначу ниетца лелачарга!

Салам ду наношка,
Доьналлех буьзна..
Доьзалаш махкана кхиочарга…
Салам ду мехкаршка,
Шовданел сирла,
Тешаме ойланаш кхуллучарга!

Салам ду даггара,
Берашка нохчийн…
Дайн г1иллакх,
Ненан мотт лоручарга!
Салам ду Даймахке,
Лаьттачу оьзда,
Дайн лараш шеен букът1ехь
Ларйечуьнга!!

Салам дац сан шуьга,
Яхь йелла к1иллой!
Сан салам
Ц1ий ц1енчу нохчашка ду…
Даймехкан сий лардеш,
Бехачу, баьхначу, к1енташка ду!!!
[11.03, 18:56] Резванова Айза Арбиевна: Резванова Айза
(Гадаев Мохьмад - Салехьна)

Тоьшалла

1ожаллийн б1аьргашчу собарца хьоьжуш,
Хоьттина т1аьхьенан некъах шен некъ.
Кхолламца цхьа а ч1ир - гамо цалоьцуш,
Цо лайна халонаш,  дустуш харц - бакъ.

Къаьхьачу балано ирсан некь боьхкуш,
Мерзачу дахаран талхорах чам...
Ц1еначу безамца вайн Даймохк хьоьстуш,
Доьналлехь яьккхина хилла цо хан.

Массо а синан ю 1ожалла эла,
Делахь а, стогалла эешаяц цо.
Къонахчо аьлла дош цахуьлу къера,
И лела дуненчохь, ша туьйсуш го.

Дахаре оьг1азе ма хьежа б1аьргаш,
Я ирсах кхолламе ма еха ч1ир.
Хьекъалах дагавуьйлуш, ийманехь ваьхнарг,
Вахна д1а,  масална юьтуш лар шен.

Р.А
[11.03, 19:18] Резванова Айза Арбиевна: езванова Айза А.
(Керистанна балехь кхелхиначарна)

Дуьненан малх байна ненан д1а,
Самукъа дала чот йоцуш...
Я Аллах1 къинхетам белахь Ахь,
Диканна ойланаш хоьрцуш!

Я Аллах1 дахарехь дог хьостуш,
Совг1аташ ахь делла нанна.
Ма дара и кегий доьзалаш,
Хастам бу - кх, Ахь деллачунна!

Къацхетарийн дегнаш кхарда,
Ца дуьтуш  дуьненан балехь...
Доьху ас ялсамана чиркхашна
Хьакъ дехьа бусулба синош!

Кийрара дилха дог ненан,
Хьасталахь иман чу тоьгуш!
Ницкъ лолахь йоккхаен церан,
Д1акхалхар г1азотехь лоьруш!
[11.03, 19:37] Резванова Айза Арбиевна: А.Резванова

Генахь со велахь а бац дагна хера,
Сингаттам, сан Даймохк, хьийзарг хьан кийра.
Ма мотта со веха са парг1ат даьлла,
Хьан бала сан деган пхенаш чу баьлла.

Дага а ма далахь, геналлехь къайллаха,
Ойланца цхьана м1аьргонна хьох къаьстина 1ийна.
Маьршачу аренгахь сина маршо яйна,
Хьийзачу махах са хьан не1ре идда.

Тийналла х1оьттича, базлуш хьан бала,
Г1енашкахь сатуьйсуш хьох дагавала.
Сан Даймохк, со лелла къен-миска ваьлла,
Хьоьгуш хьан дозанах кошбарз балла...

Кхиалахь Нохчичоь Ненан са хилий,
Генарчу доьзалшна дегйовхо хилий!
Бахалахь тхан Даймохк, ирсан хьост хилий,
Массо хьайн доьзалшна синмаршо хилий!!!....
[11.03, 20:04] Резванова Айза Арбиевна: званова Айза
Кхиалаш нохчех

Шу муьлш дара,
Шух муьлш хили,
Нохчийн, берзан к1езий!?
Ма хийцалаш,
Барзах джаьлеш кхарддал,
Амал нохчийн!

Акхаройх схьа
Шаьш къастийна,
Лелорах сов хьоьстуш,
Берзан к1езий,
Барзах кхуьу,
Дагах дага дуьйлуш...

Д1о лекха лам
Боьлхуш 1аннал,
Баланаш т1е делхарх,
Нохчийн к1ентий
Майрра лелла,
Ца къесташ дайн амалх...

Шу ду, нохчийн
Нанойн дегнаш,
Орамаш Даймехкан...
Мичча меттехь,
Нохчех кхиълаш,
Сий долу тхан, Нохчий!

Далан пурбанца!
2019









БЕЗАМАХ

Йог1ийла хьо маьрша,
Са сирла 1уьйре!
Б1аьрг хьоьстуш,
Дог делош,
Ирс доькъуш нуьре.
Синмарзо лаьттачу,
Кхача луш г1ора,
Самукъне, беркате,
Хуьлда г1улч, х1ора!

***

Г1аьтти малх 1уьйренца,
Шен декхарш кхочуш дан,
1алам а х1оьтти д1а,
Цу малхо бохург дан..
З1аьнарийн куьг хьокхуш,
Хьоьстуш и х1ора г1а.
Шен деган йовхо ло
Цо массо ц1илкъана…
Заманан ирс хили,
Тоьшалла цунна дан,
Сан к1еззиг кайели,
Цу суьртан т1алам бан.
Р.А.

Резванова Айза

И дара сан ирс...

Суна лаьар -кха,  хьан б1аьргийн нур кхуолийначу лазаман орам т1е а кхаьчна, цунна д1аьвше молха а хилла , бакъийна, багийна, чим ца буьтуш и д1абайа а, хьо берриг а сингаттамех ц1анвеш...

Лаьар - кха суна, хьан ойланийн юькъалехь, хьуна синтем лучу ойлане йирзина, кхин кхуола ца дуьтуш хьан б1аьргийн нур,   синтемах къегина, йериг а г1айг1анаш йашийна, хьан юьхь т1ера сингаттаман таммаг1а д1адайа а....

Суна лаьар - кха, хьуна азаллехь йазбинчу кхолламан некъех, хьан юьхьк1аййина, дахар ирсах кхелина, абаде кхаччалц хьан когийн лар ца йойуш, хьо нуьречу йалсамане кхачонболу, хьан декъала некъ хила а...

Лаьар-кх, Аллах1а къобал йинчу 1аьнарах хила, сайна долу халонан  а, аьттонан а, дакъа дицдина,  дуьненахь а, эхартахь а, хьо декъал вар цу 1аьнарца Деле доьхуш, хьала цатаь1аш, сужданехь латта а...

И дар - кх сан ирс, даима хьо