Нечик эриши улуйса,
Къара парий, сен?
Джазыкъсыныб тынгылайма
Улуунга мен.
Кёб артыкълыкъ кёрген кибик,
Такъыр къарамынг,
Джалгъан таякъ кёлтюргенча
Тюшюб санларынг.
Айтчы, кимди сени ургъан
Джакъ болайым мен,
Кимди санга сынджыр салгъан
Бошламайын кенг?
Тузакълыкъны кёлтюрмеген -
Олду ачыуунг,
Баш бошлукъгъа термилгенинг -
Олду джарсыуунг.
Эй, джарлы джан, тынгылайма
Улугъанынга,
Шагъатма мен, насыб кюнден
Суугъанынга,
Аны ючюн, кече сайын
Сынсыйса былай,
Эшда, чыдам таусханса
Терсликге чыдай.
Ангылайма, къара парий,
Сени халынгы,
Ёз джюрегим сынчыгъанча,
Улугъанынгы,
Сени кибик мен да - мугур,
Бугъоу салыныб,
Сени кибик мен да бир джан,
Онгум алыныб.
1952дж.Гродеково.
Къара парийге. Стихи 50-х г. 20в
© Copyright: Исмаил Семенов-Джырчы Сымайыл, 2020
Свидетельство о публикации №220101301536
Свидетельство о публикации №220101301536
Рецензии