Чорны анёл
Чорны анёл сядзеў на тэлевізійнай вежы , на Камуністычнай, і снедаў. Добрую каву гатуюць у Караваі, на Захарава.І эклеры там найсмачнейшыя.
Час ад часу прыслухоўваўся да старога жалеззя вежы.
Гудзе старая, і ўсё на адзіны лад.
Чорны анёл паспрабаваў пакалываць вежу крэпкім азадкам. Але вежа не варухнулася.
Добра будавалі колісь, пачухаў бок Чорны анёл і паглядзеў уніз.
Унізе варушыўся нейкі натоўп.
Бегалі нейкія незразумелыя людцы. Адныя ў чорнай вопратцы лупілі і хапалі людцаў у каляровым адзеньні з крывава-белымі сцягамі.
Нейдзе, там-сям бухалі падузрывы і чуліся стрэлы.
Ізноў не да міру, калі вжэ гэныя людцы добрыя задаволяцца жыццём.
Чорны анёл раскінуў нябачныя крылы і ў імгненне вока апынуўся на стэле, на ордэну Перамогі.
Унізе чорные людцы з віскам і крыкам цягнулі маладых дзяўчат у шэрыя машыны.
Нешта тут незразумелае адбываецца, а як жа намесьнікі пана Бога на зямлі , куды глядзяць?
Трэба паназіраць што адбываецца не звонку , а ў сярэдзіне.
Чорны анёл прыняў рашэнне і адразу апыніўся ў аўтазаку.
Пад целамі маладых дзяўчат і хлопцаў. На яго палілася цёплая кроў і цёплая мача. Чорны анёл ў момант зрабіўся прыгожым юнаком. І закрычаў, людцы, што вы робіце , апамятайцеся!!!
Навошта вы гэта робіце?!
Але зьверху лупілі дубінкамі. Хрусьцелі косткі, нехта енчыў, зваў пана Бога на дапамогу. Нехта крыкнуў, Божа, навошта маці нарадзілі гэных д'яблаў?!?!
Маўчыце, падла, сукі, усіх зьнішым. І дзяцей мець не будзеце.
Чорны анёл атрымаў дубінай па сківіцы, у бок, пачуў як хрумснула ключыца, потым другая.
Потым нейкі нечалавечы голас дадаў: глядзіце, ці нейкая варона, ці кажан завітаў да нас ,з крыламі! Бэтман! Гэта ж сапраўдны Бэтман!!!
І чорныя ў масках, зарагаталі.
Чорнага анёла выцягнулі з аўтазаку нейдзе ў чорным лесе.
Упяцёх доўга білі яго, нерухомага, нагамі. Па нагах, па галаве. Потым удзьвох ускочылі яму на спіну і пачалі што моц скакаць і крычаць у чорнае неба: вось табе, вось табе твая свабода! Вось табе твая годнасьць! Вось табе твае крылы!
Ранкам , старая бабуля, шукаючы грыбоў, знайшла на пагорку , ля шашы, прывязанага да сасны ні то чалавека, ні то анёла. Сьсівелага анёла. З сівыма крыламі.
Алеж , хіба бываюць сівые анелы?
Бабця прыкрыла вочы анелу і пасунулася далей, у гушчар.
Якія ж тут анёлы, на Беларусі...
Свидетельство о публикации №220101401652
Людмила Мищенко 08.12.2020 03:02 Заявить о нарушении